MATHI 7:7 - DAÜLANGPÜ LAIHING (BSI)

⁷ Yütuh, hatü ha amphong kü yahphahen; yemtuh, hatü ha amphongi danghen; khungtuh, hatü ha amphong kü apphahen.

MATHI 7:7 Iomraidhean Croise

KAHBHAO 26:32

Hapa nyih-üng Isakei chongphobüthü peiyei jomphongi yungkuk kukpü nang büpa kü, “Hamphongi yung dangtepih” shei e.

1 ONGPATHÜ 3:5

Gibeonei nyushi yanüng mangh mü Solomon touei Shembüpa peiyei, “Ngei nüng kü mehe mehe shuohhen yütuh” shei e.

MENVIH KESHO 10:17

Oh Shembüpa, nüngi maanpü leipüthüi phoppü dannyeih; nüngi jomei mong wong kohhühen, nüngi jomi lenpü kü bangtuh,

MENVIH KESHO 10:4

Changmeipai nemeipüthüi büpa neyemnyih; büpalei mongdeih kempü kü Kahvang kü shing neshuohnyih.

MENVIH KESHO 119:12

Nüng moihimanpü, Oh Shembüpa, nüngei shahkungthü nyuhshih.

MENVIH KESHO 27:8

Ngelei mongdangi, “Nüngei dhe yemtuh” shei enyüke. Shembüpa, nüngei dhe ngei yemhen.

MENVIH KESHO 34:4

Ngei Shembüpa yem, hatü büpai ngei kü jangpeih, hatü ngei nyempü kübü yangpeih.

MENVIH KESHO 37:4

Shembüpa kü mongongtuh, hatü nüngei mongi lümpü büpai shuohhen.

MENVIH KESHO 50:15

Shanghahpü nyih ngei kü nyüktuh; ngei nüng yanghen, hatü nüngi ngei müknyinshekhanghen.

MENVIH KESHO 69:32

Ponghahpüthüi ha kü veitü mongmeihütuh; am Kahvang yempüthü, ammei mong jatonghütuh.

MENVIH KESHO 70:4

Nüng yempü peüi nüng kü mongmeihütuh hatü mongonghütuh. Nüngei yemleipü kü bampüthüi, “Kahvangü longpü!” shei düngei ehütuh.

MENVIH KESHO 86:5

Mehenangkü nüngü meipü, hatü mang tükpü, Oh Shembüpa, nüng kü nyükpüthü peükü bampü bhashahshi shuohnyüke.

KANDOK 8:17

Ngei-i ngei kü bampüthü kü bamnyüpeih, hatü üami ngei yemnya, dangnyüpeih.

SOLOMONEI KESHO 3:2

Ngei shaang paoei chingnyülei daihen, Chingshong, shokhivaung kemeilei ngelei laanghai bampüba yemhen. Ngei büpa yempeih shejao büpa nedang.

ISAIAH 30:19

Oh Jerusalemei nyupü Zion nanglakthü, am hajük kü netheppih. Ammi vaüpü eepü ngeü danei büpai am kü phahjiei deihhen; mechem büpai ha danhen büpai jangphahen.

JEREMIAH 33:3

Ngei kü nyüktuh hatü ngei nüng kü janghen hatü nüngi nenyingpü longpü hatü douja nüng kü ephahen.

AMOS 5:4

Shembüpai Israel nanglakthü kü hapakei enyüke: Ngei yemtuh hatü am yemmü nyuhen;

MATHI 18:19

Shao hingmei ngei am kü enyeih, kahdoknyülei shennyak nyi mongjemtü mehe yühenshang vangsho leipü Opa-i ha am kü dükhen.

MATHI 21:22

Hinglempai phopei ammi mehe yühen, ha ammi danghen” shei e.

MATHI 6:33

Shejao shongei Kahvang ongching hatü büpa daülangshemshepü yemtuh, hatü hathü douthü peü am kü yahphahen.

MATHI 7:11

Shejema, am nemeipüthüi dangkao laophülei hapeüthü kü thintho meipü shuohhen nyingjema, vangsholei nyupü ammei Pa-i büpa kü yüpüthü kü meshük meipü doumei shuohhenang!

MATHI 7:8

Mehenangkü yüpü peüi dangnyeih, yempü peüi dangnyeih, hatü khungpü peü kü apnyeih.

MARK 11:24

Hanangkü ngei am kü enyeih, mehe shingvaishi ammi phopei yühen, ha dangtepih shei hinglemtuh, hatü ha ammei vaihen.

LUK SHAHSHA APPÜ 13:25

Shem shembüi yaongei sha küplang pheikü amphong chingshelei yaongtü sha kü khungei, ‘Shembüpa, ham kao apshih’ shei ejü büpai am kü jangei, ‘Amphong meleipü peipa ngei nenying’ shei ephahen.

LUK SHAHSHA APPÜ 18:1

Hahepak kü Jisui jomphong kü düngei phophen hatü mong nemahhen vongbong shei shahlap hük eteke.

JOHAN 15:16

Ammi ngei neje, shejao ngei amphong jepeih. Am daiyei betjük jükhen, hatü den kü nyuhen betjük jükhen shingvaishi ngei amphong jepeih; shejüang ngelei men kü ammi mehe mehe Opa kü yühenshang büpai ha am kü shuohhen.

JOHAN 15:7

Amphong ngei kü nyujema hatü ngelei shahthü am kü nyujema, ammi mehe na ha yütuh hatü ha am kü shuohhen.

JOHAN 4:10

Jisui pinnyü kü, “Nüngi paoh Kahvangei thintho nyinglang meyü, ‘Ngei kü yinghen yung yahshih’ shei üpai nüng kü yünya, nüngi büpa kü vanyangyem yung yühah shepeih” shei e.

ROM SHAHSHA APPÜ 2:7

Üami nenteipai mei düknya müknyinshekhang, dhüm hatü nemahnemenpü yangnyu yemnyüke; hathü kü büpai nedohnetenpü yangnyu shuohhen;

ROM SHAHSHA APPÜ 3:11

danaokpü üpaao neshiü, Kahvang yempü üpaao neshiü.

HEBREW 11:6

Hinglempü neshiüi Kahvang mong hahhühenü neaokbenüng; mehenangkü üami büpa touei peihenshang, büpa nyüpeih shei hinglemhen vongbong hatü büpa yempüthü kü laklei shuohnyeih.

JAKOB 5:15

Hinglemei phoppai tüngpü meihen, hatü Shembüpai jom phukei uohühen; büpai mang thah-ei nyujao büpa kü ha mang tükhen.

1 JOHAN 3:22

hatü jeni mehe yü, jeni büpa leipü dangnyeih; mehenangkü jeni büpalei shahkungthü bangnyeih hatü büpai monghahbenüng düknyeih.