MATHI 7:14 - DAÜLANGPÜ LAIHING (BSI)

¹⁴ Mehenangkü yangnyuyem touei müpü lemü shawshipshi, hatü lemü ahshi wongshi, hatü halei daipüthü maani mon.

MATHI 7:14 Iomraidhean Croise

MENVIH KESHO 16:11

Nüngi ngei kü yangnyu lem hu. Nüng touei mongong maei nyüke; nüngei lakdah philei denden mongongmongle nyüke.

KANDOK 8:20

Ngeiyü daülangpülei lem kü, hatü shahhing epülei lem kü kamnyüpeih;

ISAIAH 30:21

Mechem laknyong nevaijü lakdah lemei lephenshang, ammei dhaongi am pheikü shah hük, “Lemnyü-ü hapa hih, hapa kü kamtuh” shei eyei danhen.

ISAIAH 35:8

hatü halei lemnyüshong hük nyuhen; ha kü, “Daülangpü Lem” shei nyükhen. Nedaünelangpüthü hapa lem kü nekamhen, shejao hapayü Kahvangei shennyakthü shing mon nyuhen. Nemeipü, ngapathü hapa lem kü nekamhen.

ISAIAH 57:14

“Lingtuh, lingtuh, lemnyüshong temtuh! Ngelei nanglakthülei lem kü bangpü peü nüngtüktuh” shei ehen.

JEREMIAH 6:16

Shembüpai hapakei enyüke: Lembaongei yaongtuh, hatü veituh, hatü meyangpü lemchang yemtuh, melemei lem meipü nyüpa, ha kü kamtuh, hatü nüngei laangha shing nyiushemmei danghahtuh. Shejao jomi, “Hami ha kü nekampih!” shei enyüke.

MATHI 20:16

Hanangkü shompüthü shonghen, shongpüthü shomhen.

MATHI 22:14

Mehenangkü longi nyüknyeih, shejao maani mon jenyeih.”

MATHI 7:13

Peshaden shawshippü lemei shütuh; mehenangkü mahpü lemei müpü lemü bhashahshi hatü yoshi; hatü halei daipüthü longi.

MATHI 7:15

Shahshem thibüthü kü lituh; jomi am touei mi-ow owtü peinyüke shejao mongü shuw kei mangshi nyüke.

MARK 8:34

Büpai khongnyü kü büpalei nanglomthü mü nyükei jomphong kü, “Hanei ami ngei phei mühüjema, laophü nyingi maanpü leituh, hatü laophülei shophang paitü ngei pheilei mükei.

LUK SHAHSHA APPÜ 12:32

Am tenyem, miha khong; mehenangkü am kü ongching shuohhenü ammei Pa-i mongpü dou hih.

JOHAN 16:2

Jomi am Sinagog leipü changtükhen. Hingmei, am jüpüthüi hapakei dükpai Kahvang kü khümnyeih shei deihhen hepak hük ngoikünyüke.

JOHAN 16:33

Ngei kü am chingmei nyuhen shingvaishi ngei hathü am kü etepih. Kahdoknyülei am shüveipü ponghen, shejao monglongtuh; mehenangkü ngei kahdoknyü aoktepih.”

PHONGSHANTHÜ DOU 14:22

Halei jiji-i vaipüthülei laangha wong kohhü, hatü “Shüveidoidei longi homei jen Kahvang ongchingei shüaokhen” shei vaipü kü nedoh-i nyuhen nangthongei e.

ROM SHAHSHA APPÜ 12:2

Ammi hapa kahdoknyü kü tevukdai shejao ammei mong ja leipai jeilei yeiyatuh, shejüang Kahvangi mehe mong, mehe mei, mehe yah-aokbenüng hatü changpüshapü nyüpa, ha baong hanei nyingaokhen.

ROM SHAHSHA APPÜ 9:32

Mehekei nedangpa? Mehenangkü jomi ha hinglempü kü la shouptü neyem, shejao jomi dou kü mongnyang. Jomi huluh yaong kü huluh shuohteke.