MATHI 7:11 - DAÜLANGPÜ LAIHING (BSI)

¹¹ Shejema, am nemeipüthüi dangkao laophülei hapeüthü kü thintho meipü shuohhen nyingjema, vangsholei nyupü ammei Pa-i büpa kü yüpüthü kü meshük meipü doumei shuohhenang!

MATHI 7:11 Iomraidhean Croise

KAHBHAO 6:5

Kahdoknyülei nyupü hangkulei mang ahshi longshi khih, hatü düngei jomei mongei ten mon deihnyüke shei Shembüpai veiteke.

KAHBHAO 8:21

Hapa vong meipü jakpü moila Shembüpa kü büjapü kü büpai büpalei mongei, “Sheyü shinnyih pheikü shennyak hük hashih mebü mongdang kü ten mon deihjao, shennyak tata kü ngei kahdok kü nethaüvaüpih; nevaijü ngei shelei mahtükpükei sheyü yemhimakthü nemahtükpih.

2 SAMUEL 7:19

hatü hapaiyao nüngei mükmong nema, Oh Shembüpa Kahvang; nüngi shao nüng chongphobülei ngoikahen shemong nangao eteke. Oh Shembüpa Kahvang, hapayü nüngi hangku mü nyingnyoi kü noteipü lem je?

JOB SHAHSHA APPÜ 15:16

Shejema mekei etü hajük maanpü shennyak ten hatü mangi madaipü, yung keiha mang yingpü shennyak daülangi nyuaokhen?

MENVIH KESHO 84:11

Mehenangkü Shembüpa Kahvangü, vanghe hatü inyüshung; büpai bampü hatü dhüm shuohnyeih. Kangshangi kampüthü leipü Shembüpai mepa doumeiyao shümei netuhlangnyih.

MENVIH KESHO 85:12

Shembüpai mehe mei, ha shuohhen, hatü jenei kahdoki ha vethen betjük jükhühen.

MENVIH KESHO 86:15

Shejao nüngü phahji yahyangpü Kahvang, Oh Shembüpa, mongshihhen youngmü, bampü hatü shahhing epü kü bhashahshi nyüke.

MENVIH KESHO 86:5

Mehenangkü nüngü meipü, hatü mang tükpü, Oh Shembüpa, nüng kü nyükpüthü peükü bampü bhashahshi shuohnyüke.

ISAIAH 49:15

Hümlungnyüi laophülei amma kü jüppü naü be-aokhen je? hatü laophüi bühhahpü hapeü kü nebamhen je? Nyüi laophülei hapeü bebenüng paoh vailangmao ngei nüng nebetükpih.

ISAIAH 63:7

Shembüpalei phahji yahyang douthü jung ngei ehen; Büpai ham kü dükpü lemphüli shingvaishi ngei büpa kü menvih shuohhen. Büpai Israel nanglakthü kü longi moihimanteke, hatü phahji longi huteke.

JEREMIAH 17:9

Peü meyü mongdang-üng ühing kohshi, hatü nyeinya-üng nemei-i nyüke, hatü ha meihühen neaoknyu. Üpai ha yaoei aokhen?

JEREMIAH 33:14

Ngei Israel am phang hatü Judah am shem kü lahtükpü jiühühen hepak ngoikünyüke shei Shembüpai enyüke.

HOSEA 14:2

Hapa phoppü yah-ei Shembüpa touei mong leptuh, hatü büpa kü eyeishuoh: “Hamei mang peü tükshih, hatü phahjipai ham yahtuh. Hamei jubenyeijaangi nüng kü jakpü moila shuohhen.

MIKA 7:18

Nüng keiha lebü Kahvang neshiü, Oh Shembüpa, Nüngi aoei nyupü laophülei nanglakthülei mang tüknyüke; Nüng denden mongshih-ei nenyunyu, shejao düngei ham kü bampü huhen mongongnyüke.

MALAKI 1:6

Hapeü hüki laophülei pa kü, hatü aa hüki laophülei shembü kü dhüm shuohnyüpeih. Ngei ammei pa vaijema, ngei kü melei dhüm shuohnya? Ngei ammei shembü vaijema, ngei kü nyempü melei nyüpa? shei Shembüpa Kahvangi enyüke. Oh ngongpathü, ammi ngelei men ne-ienelemnyu, shejao ammi, “Hami nüngei men mekei ne-ienelemi nopa?” shei phenyüke.

MATHI 23:9

Amphongi kahdoknyülei üpa kao opa shei tenyük; mehenangkü ammei Pa hük vangsholei nyüpeih.

MATHI 7:10

Nevaijü hapeüi nyah yüjü biü shuohhen je?

JOHAN 3:16

Mehenangkü Kahvangi kahdoknyü kü longi bampü nangkü büpai laophülei Halom shuoh; üami büpa kü hinglem nemahhen, shejao düngeipü yangnyuyem danghen.

ROM SHAHSHA APPÜ 3:19

Shahkungnyüi mehe enya, hayü shahkung phangkü nyupüthü kü enyeih shei jeni nyingnyüke, shejüang peüei ju nentükhen, hatü kahdoknyü kempü Kahvang touei shahphenhen.

ROM SHAHSHA APPÜ 3:9

Shejema mehe? Jenphongü mih mü meipü je? Lanshei nevai! Jehoda hatü Kung am nyiphen aihük mü mangei ngan phangkü nyüke shei jen peü kü huteke.

ROM SHAHSHA APPÜ 8:32

Büpa, üpai laophülei Ha shümei netuh, shejao jen peü shingvaishi büpa lanei shuoh, büpai büpa mü jen kü lemphüli neyahphahen je?

GALATIA 3:22

Shejao kahdoknyü kemei mangei khoklat kü küpshi nyüke shei Laihingi enyüke; hanangkü Jisu Khrista kü hinglempü homei mepa lahtepa, hayü hinglempüthü kü shuohhen.

JAKOB 1:17

Meipü hatü den ngoipü thintho peü shangphi leipü nejeilepü, nevaijü jeileipai vangnyak nevamhüpü vangsho vangngaithülei Pa leipü peinyeih.

1 JOHAN 3:1

Jenphong kü Kahvang hathü shei nyükhen mü Opai mekeipü bampü jen kü shuohpa veituh, hatü jenphongü hakei-üng vaitei. Kahdoknyüi jen nenyingpeyü jomi büpa nenyingpü nangkü nyüke.

1 JOHAN 4:10

Hapa bampü kü, jeni Kahvang kü bampü nevai, shejao büpai jen kü bampeih, hatü jenei mang shing mang tükhen moila shuohhen nangkü büpai laophülei Halom shompeih.