MATHI 6:5 - DAÜLANGPÜ LAIHING (BSI)

⁵ Mechem am phophenshang, ammi akhümmong-ümthü kei tedük; mehenangkü jomi Sinagoglei hatü lemshongei shennyaki eehen shingvaishi yaongtü phophen kennyüke. Ngei am kü enyeih, jomi jomei laklei danglangteke.

MATHI 6:5 Iomraidhean Croise

MENVIH KESHO 5:2

Ngei sheühpü yüei lenpü bangtuh, ngelei Ongpa, ngelei Kahvang, mehenangkü ngei nüng kü phopnyeih.

MENVIH KESHO 55:17

Dhom, om hatü nyihnüng ngei thepei lennyeih, hatü büpai ngelei ngeü dannyeih.

KANDOK 15:8

Shembüpai nemeipüthülei moila kü jiühitnyeih, shejao kangshangi nyupüthüi phoppü kü büpai mong hahnyeih.

KANDOK 16:5

Changmeipüthü kemei Shembüpa touei jiühitbenüng nyüke; hathü nehanghi-i nenyupih shei nyingtuh.

ISAIAH 1:15

Mechem ammi lak haongei phophenshang ngei am toueipü ngelei dhe jolanghen; Ngei am phoppü kü nebanghen; ammei lak iy mon maei nyüke.

JEREMIAH 29:12

Hahepak kü am peiyei ngei kü phophen, hatü ngei am kü janghen.

DANIEL 6:10

Shaang, mechem Danieli shahkungnyü yanteke shei danpa, büpa shemei leiyei büpai düngei phopteipükei shem jaandokei aongei Jerusalem phi kübü ümha shadenthü aptü nyih kü jempa jempa aümei shaei büpalei Kahvang kü phop hatü menvih shuohteke.

MATHI 21:22

Hinglempai phopei ammi mehe yühen, ha ammi danghen” shei e.

MATHI 23:13

Am akhümmong-üm shahkung nyuhbü hatü Phariseethü, onyükei! Mehenangkü ammi shennyakthü neshühahhen mü vangsho ongching küptüknyüke, hatü am nyingiyao halei neshünyu, hatü mih shühenao nehannyu.

MATHI 23:5

Mih-i eehen shingvaishi jomi dou peü düknyüke; mehenangkü jomi jomei phaishuw pela longshi lingnyüke hatü ashakmai lushi ownyüke.

MATHI 23:6

Jomi mohitap kü dhüm kohpü uoshing hatü Sinagoglei meipü uoshing kü uohünyüke,

MATHI 6:1

Mih-i eehen shingvaishi shennyak touei doumei nedükhen lituh. Hapakei dükjema, am shing vangsholei nyupü Opa leipü laklei neshiü.

MATHI 6:16

Mechem am shüaeiyunglehen, akhümmongümthü kei dhe mangei tehu; mehenangkü jomi mih kü shüaeiyunglenyeih shei huhen shingvaishi dhe yimnyüke. Hingmei ngei am kü enyeih, jomi jomei laklei danglangteke.

MATHI 6:2

Hanangkü mechem ammi taopathü kü sheühpü shuohhen, mih-i vihhahhen shingvaishi akhümmong-ümthüi Sinagog hatü chingshongei dükpükei ammi amit vüngei tebaong. Hingmei ngei am kü enyeih, jomi jomei laklei danglangteke.

MATHI 9:38

hanangkü hah vethen shingvaishi hah vetbü Shembüpa kü nanglak shomhen phoptuh” shei e.

MARK 11:25

Mechem ammi phopei yaonghen, am hanei am mü nemeitei-i nyujema mang tükeishuoh, shejüang vangsho leipü ammei Pa-i ammei mang tükphahen” shei e.

MARK 12:38

Büpai jomphong kü nyuhshingkü, “Shahkung nyuhbüthü kü lituh; jomi ashak luangi ümtü bhei leihshing peülei dhüm huei mih-i selam shihhahhünyüke,

LUK SHAHSHA APPÜ 11:43

Am Pharisee am onyükei! Mehenangkü ammi Sinagoglei dhüm kohpü uoshing kü uohünyüke, hatü bhei leihshing peüei mih-i selam shihhahhünyüke.

LUK SHAHSHA APPÜ 18:1

Hahepak kü Jisui jomphong kü düngei phophen hatü mong nemahhen vongbong shei shahlap hük eteke.

LUK SHAHSHA APPÜ 18:13

Shejao lat thaibüi tailei yaongtü, vangsho philei dangkao ngangei nevei-i büpalei jaaba kü daüpei, “Kahvang, ngei keipü mang shennyak kü phahjishih!” shei phop.

LUK SHAHSHA APPÜ 20:47

Jomi vaümnyüthülei shem bomei yahnyüke, hatü eehen shingvaishi luangi phopnyüke. Jomphong nyeinya nemeipü hanghi danghen” shei e.

LUK SHAHSHA APPÜ 6:24

Shejao am shemmeithü onyükei, mehenangkü ammi ammei nyiumei danglangteke.

JOHAN 16:24

Shaang thahshi ammi ngelei men kü meheyao mangyü. Ammei mongong changhühen shingvaishi ammi yütuh hatü ha danghen.

EPHESIA 6:18

Hepak peü kü phoppü hatü yüpü lemphü kü Laangha kü phoptuh. Ha vaipü nangkü mükpaonathashi nyutuh hatü düngei daülangpüthü shingvaishi phopei nyutuh.

1 THESALONIKA 5:17

nedoh-i phoptuh;

JAKOB 4:6

Shejao büpai phahji nyeinya shuohnyeih; hanangkü Laihingi enyüke: “Kahvangi changmeipüthü khünyeih, shejao nenteiaokpüthü kü phahji shuohnyeih.”