MATHI 6:2 - DAÜLANGPÜ LAIHING (BSI)

² Hanangkü mechem ammi taopathü kü sheühpü shuohhen, mih-i vihhahhen shingvaishi akhümmong-ümthüi Sinagog hatü chingshongei dükpükei ammi amit vüngei tebaong. Hingmei ngei am kü enyeih, jomi jomei laklei danglangteke.

MATHI 6:2 Iomraidhean Croise

MENVIH KESHO 112:9

Büpai taopathü kü angkü bhenyüke, büpa daülangshemshepü den kü nyunyeih; büpayü wong kohshi, hatü peüi dhüm shuohnyeih.

MENVIH KESHO 37:21

Mangthüi luei yahtü neshemi tuhnyeih, shejao daülangpüthü nekaungnyih, hatü shuoh-ei nyunyeih.

KANDOK 19:17

Üami taopathü kü phahji hunya, büpai Shembüpa kü lushuohpü vainyüke, hatü büpa kü hathü nyokei shuohhen.

KANDOK 20:6

Longshi shingi ngei shahhing enyeih shei enyüke, shejao hinglemhen mü üpa dangaokhen?

CHONGVENBÜ 11:2

Nüngei phaihanthü shingnyet nevaijü shingshet shuohtuh; Mehenangkü kahdoknyü kü mehe vamkahen nüngi nenying.

ISAIAH 10:6

Kahvang nenyingpü jat hük khüei ngei büpa shomnyeih, ngei mongshihpü nanglak khüei jomei mophimo aetei leihen, hatü chingshong leipü nyaühut kü kei nyeütükhen ngei büpa shomnyeih.

ISAIAH 58:7

Aeipüthü kü ammei hahying hanhen, shem neshiüpü taopathü kü loihen shem shuohhen; Bümkong eejü ashakviha shuohhen, hatü laophülei shem am kü sheühhen, hathü hih.

ISAIAH 9:17

Hanangkü Shembüpai thehilathü kü neshinshangnyu, nevaijü jomei hashihha hatü vaümnyüthü kü nephahjinyu; mehenangkü peüi Kahvang nenying, hatü mang dükpüthü mon, hatü peüei jui ngashah enyüke. Hapaiyao büpa mongshihpü nemeinyu; hatü büpalei lak shaang thahshi noshi nyüke.

HOSEA 8:1

Shembüpai enyüke, “Amit vüngtuh! Alang kei vepathü Shembüpalei phopshemei laongkünyüke; Mehenangkü ngelei nanglakthüi vangteipü mangtük, hatü ngelei shahkung khüei yaongteke.”

MATHI 15:7

Amphong akhümmongümthü! Isaiah-i am nang jiüshi tetteke:

MATHI 16:3

hatü nepnüng dhom mü, ‘Shinnyih-ü vang manghen khih; mehenangkü phumshang hakpüh-i hatü mahngei nyüke’ shei enyüke. Ammi phumshang kü veiyei vang nemeihen meihen jung tetnyüke, shejao ammi hepak jung nyangeihepü netetaoknyu.

MATHI 22:18

Shejao Jisui jomei chudeih ten nyingei, “Ammi ngei kü mehekei doknya, amphong akhümmongümthü?

MATHI 23:5

Mih-i eehen shingvaishi jomi dou peü düknyüke; mehenangkü jomi jomei phaishuw pela longshi lingnyüke hatü ashakmai lushi ownyüke.

MATHI 23:6

Jomi mohitap kü dhüm kohpü uoshing hatü Sinagoglei meipü uoshing kü uohünyüke,

MATHI 24:51

Shembüi büpa khih mü dehtükhen hatü akhümmong-ümpüthü mü shüktükhen; halei theppü hatü bha vükpü nyuhen.

MATHI 5:18

Hingmeipa ngei am kü enyeih, vangsho hatü kahdok mangpeih thahshi shahkungnyülei nyangpü hatü pinpü shah maanpü hük dangkao mangjiü thahshi ha peih-ei nedaihen.

MATHI 6:16

Mechem am shüaeiyunglehen, akhümmongümthü kei dhe mangei tehu; mehenangkü jomi mih kü shüaeiyunglenyeih shei huhen shingvaishi dhe yimnyüke. Hingmei ngei am kü enyeih, jomi jomei laklei danglangteke.

MATHI 6:3

Shejao mechem ammi taopathü kü sheühhen, ammei lakdah phi-i mehe düknya, ha laknyong phikü tenyinghü,

MATHI 6:5

Mechem am phophenshang, ammi akhümmong-ümthü kei tedük; mehenangkü jomi Sinagoglei hatü lemshongei shennyaki eehen shingvaishi yaongtü phophen kennyüke. Ngei am kü enyeih, jomi jomei laklei danglangteke.

MATHI 7:5

Akhümmongümpa, shongei nüngei mük kübü püshem yaktüktuh; haphei küang nüngei küphülei mük kübü kümak tükhen mü eeaokhen.

MARK 12:39

hatü Sinagog kü hatü mohitap kü dhüm kohpü uoshing meipülei uohünyüke.

MARK 7:6

Büpai jomphong kü, “Am akhümmong-ümthü nang Isaiah-i jiüshi teteivanei tuhteke; ha nyangei nyüke: ‘Hathü shennyakthüi jomei jui mon ngei kü dhüm hunyüke, shejao jomei mong ngei toueipü taishi lüdaiteke;

LUK SHAHSHA APPÜ 11:41

Hanangkü mongei mehe nyu, ha taopathü kü shuohtuh, hatü lemphü daüdaihen” shei e.

LUK SHAHSHA APPÜ 11:43

Am Pharisee am onyükei! Mehenangkü ammi Sinagoglei dhüm kohpü uoshing kü uohünyüke, hatü bhei leihshing peüei mih-i selam shihhahhünyüke.

LUK SHAHSHA APPÜ 12:33

Ammei mopthü yutü taopathü kü shuohtüktuh. Ammi laophü shing chang neleibenüng loptuw linghahtuh, gühpa yopailei nepei, thepi nehahpü vangsholei mechemao nemahnemenhen mop jaotuh.

LUK SHAHSHA APPÜ 12:56

Am akhümmong-ümthü! Ammi kahdok hatü phumshang kü veiyei baihivang nemeihen meihen tetnyüke, shejao mekei etü hapa denhivan hepak netet-aoknya?”

LUK SHAHSHA APPÜ 13:15

Shejao Shembüpai büpa kü, “Am akhümmong-ümthü! Am peüi Sabbath nyih yung yinghen shingvaishi khaok leipü mohoh hatü gadu sheyei nedeinyu je?

LUK SHAHSHA APPÜ 20:46

“Shahkung nyuhbüthü kü lituh; mehenangkü jomi bhagthuh lula thuhtü bheileih shing peülei mih-i selam shihhah-ei, Sinagog hatü mohitap kü meipü hatü dhüm kohpü uoshing kü uohünyüke.

LUK SHAHSHA APPÜ 6:24

Shejao am shemmeithü onyükei, mehenangkü ammi ammei nyiumei danglangteke.

LUK SHAHSHA APPÜ 6:42

Nevaijü mekei etü nüngi nüngei jeihinaü kü nüngei mük kübü püshem ne-ee-i tuhtü nüngi, “Jeihinaü, ngei nüngei mük kübü mag tükphüshah” shei eaokhen? Nüng akhümmong-ümpa, shongei nüngei mük kübü püshem yaktüktuh, hatü hapheikü mon nüngi jeihinaülei mük kübü mag tükhen lekei ee-aokhen.

JOHAN 13:29

Hanei ami Judas-i khongei lop nopü nangkü Jisui büpa kü, “Jeni mo kü nahenthü shaktuh, nevaijü taopathü kü lemhük shuohtuh” shei epü vaaishang shei deih.

JOHAN 5:41

Ngei hangku leipü dupü-oupü neyemnyih,

JOHAN 5:44

Üpa mon Kahvang nyu, ammi büpa leipü peipü müknyinshekhang neyemi am hüki hük leipü dupü-oupü yemyaki mekei etü am hinglemhen?

JOHAN 7:18

Üami laophülei nang mon ehahnya, hathüi laophü nyingkü müknyinshekhang yemnyüke; shejao üpai büpa shom, büpalei müknyinshekhang yempeyü shahhing, hatü büpa kü shahshem neshiü” shei e.

PHONGSHANTHÜ DOU 10:2

Büpayü Kahvang kü hinglempü shennyak; büpa hatü jom shem kemei Kahvang kü nyempü shemong nyuteke. Büpai shennyakthü kü nekaungi shuoh, hatü Kahvang kü düngei phophamteke.

PHONGSHANTHÜ DOU 10:31

Büpai ngei kü, ‘Kornelius, Kahvangi nüngi phoppü danteke, hatü nüngi taopathü kü doumei dükpü deih-ei dangteke.

PHONGSHANTHÜ DOU 10:4

Büpai büpa kü nyemei veitü, “Shembüpa, meheang?” shei e. Büpai, “Nüngi phoppü hatü nüngi mih kü sheühpü nebehen mü Kahvang ngoiteke.

PHONGSHANTHÜ DOU 11:29

Nanglakthüi laophüi aokpü kei peüi Judealei nyupü vaipüthü kü sheühpü shomhen temteke;

PHONGSHANTHÜ DOU 24:17

Bong kansho hük pheikü ngei Jerusalemei taopathü kü sheühhen moila yahnüng, hatü moila shuohnüng leipeih.

PHONGSHANTHÜ DOU 9:36

Shaang Joppalei nanglom hük Tabitha, (Greek shah mü Dorkas) shei menpü nyu. Pinnyü-ü düngei doumei dükpü hatü taopathü kü sheühhamteke.

ROM SHAHSHA APPÜ 12:8

hapayü mongnang thongpü vaijema, büpai mongnang thongtuh; hapayü mih kü shuohpü vaijema, büpai nekaungi shuohtuh; hapayü mübü hean vaijema, büpai kenhingei vanglem lemtuh; hapayü phahji hupü vaijema, büpai ha monghumei düktuh.

1 KORINT 13:3

Ngei angpü peü taopathü kü shuohtüktü ngelei büm aw kü jakhen lanei shuohjao, ngei kü bampü nenyujema, ngei meheyao nanglei neshiü.

GALATIA 2:10

Jomi phepü dou hükü, ngei hingmei dükhüei nyupü keiha henjinyi-i taopathü deih-ei danghen eteke.

EPHESIA 4:28

Gühpathüi gühpü yaktüktuh; halei meyü taopathü kü lemhük dangkao shuoh-aokhen mü laophülei laki shahhing kü dou düktuh.

1 THESALONIKA 2:6

Hami hangku leipü lappai, am leipü nevaijü üpa leipao vihpülüpü neyem.

1 TIMOTI 6:18

Doumei dükhen, doumei kü shemmei leihen; nekaungi mih mü hanteihen temei nyuhen etuh.

PHILEMON 1:7

Nüngi bampai ngei kü mongong hatü mongnang thongpü longpü shuohpeih; mehenangkü jeihinaü nüng homei daülangpüthülei mong thahümahüpeih.

HEBREW 13:16

Mei dükhen, hatü nüngi angpü hanteihen tebetük; mehenangkü hapa keipü moilathüyü Kahvang mongongbenüng hih.

1 PETER 4:11

Üpai chongvennya, Kahvang shah kü epükei chongventuh. Üpai chongphonya, Kahvangi shuohpü wongi chongphotuh; shejüang doulem peü kü Jisu Khrista homei Kahvang müknyinshekhanghen. Büpa kü müknyinshekhang hatü ngan den den kü lompü vaihütuh. Amen.

1 SAMUEL 15:30

Hahepak kü Sauli, “Ngei mang thahteke, shejao Israel am behethü hatü nanglakthü touei ngei kü dhüm huei ngei Shembüpa nüngei Kahvang kü khümhen chemi leishah” shei e.