MATHI 6:10 - DAÜLANGPÜ LAIHING (BSI)

¹⁰ Nüngei ongching peikei. Vangsholei keiha kahdoknyü leiyao nüng mong vaituh.

MATHI 6:10 Iomraidhean Croise

NEHEMIAH 9:6

Nüng monha Shembüpa, nüngi vangshothü hatü vangsho lithilenthü, kahdoknyü hatü ha shak kü nyupü peü, yungching hatü halei nyupü peü lingpeih. Nüngi hathü peü kü yangnyu shuoh, hatü vangshothüi nüng kü khümnyüke.

MENVIH KESHO 2:6

“Ngei Zion kü hatü ngelei daülangpü shangtao kü Ong hük uohütepih” shei enyüke.

MENVIH KESHO 40:8

Ngei nüngi mongpü dükhünyeih, Oh ngelei Kahvang; nüngei shahkungnyü ngelei mongdang mongei nyüpeih” shei eteke.

ISAIAH 2:2

Ngoikahen nyihthü kü Shembüpalei shem nyupü kahshangü, kahshangthü peü mü shaopü vaihen; hatü shangchingthü peü mü shaopüba longei anshihhen, hatü jatthü peü yung yenpükei halei peihen.

JEREMIAH 23:5

Ngei David kü kon kohshi vanglem lemhen, hatü kahdok kü mehe shahhing, hatü jiüpü nyüpa, ha dükhen daülangpü Pükao hük vamhühen nyihthü ngoikünyüke, shei Shembüpai enyüke.

DANIEL 2:44

Hathü ongthülei nyih kü, vangsho Kahvangi mechemao nemahnechahhen ongching hük linghen, nevaijü vepai nehahhen. Hapai lebü ongchingthü kemei ngümtükhen, hatü dohtükkemhen, shejao hapa ongching denden kü nyuhen.

DANIEL 4:35

Büpai kahdoknyü hangku kemei kü kong kei veinyüke. Büpai vangsho phongshanthü mü hatü kahdoknyü hangkuthü mü büpai mongpü düknyüke. Üpaiyao büpalei lak shonglanghen neaok, nevaijü, “Nüng mehe düknya?” shei phehen neaok.

DANIEL 7:13

Yanüng manghkhang kü ngei veishi nyushingkü, veiheni shennyak hük leshi phumi ngeihtü vamei Aivangpa touei peiyei yaong.

DANIEL 7:27

Vangsho phangkü nyupü ong hean, hatü ongching hean hatü ongching kü lupülongpü hean kemei Jaipüba Kahvangei nanglakthü kü shuohtükhen; jomei ongchingü nedohneteni nyuhen, hatü ongchingthü peüi jomei ven bangei chongphohen.

ZEKHARIAH 9:9

Longi mongongtuh, Oh Zion nela! Wongmü lentuh, Jerusalem yiükha! Veituh, ammei ongpa am touei, daülangshemshepü kü, hatü yemleipü kotü nenteiaokpai gadu chebaongha dok shangkü uotü am touei peikünyüke.

MATHI 12:50

Mehenangkü üami vangsholei nyupü Opa-i mongpü düknya, jomphongü ngelei jeihinaü, nyahinaü hatü nyü” shei eteke.

MATHI 16:28

Hingmei ngei am kü enyeih, hamü yaongshi nyupü khongkü Shennyak Ha laophülei ongching kü peipü mang-ee thahshi nedihen.”

MATHI 26:42

Shao büpa nyipabü daiyei, “Opa, ngei neyingpheikü hapa shanghah yungshong neyahlangaokjema nüngi mongpükei düktuh” shei phop.

MATHI 3:2

“Mong leptuh; mehenangkü vangsho ongching yopailei nyüke” shei e.

MATHI 4:17

Hahepak kübü Jisui, “Amphong mong leptuh; mehenangkü vangsho ongching yopailei peiteke” shei baonghen chongpang.

MATHI 7:21

Ngei kü, “Shembüpa, Shembüpa” shei nyükpü peüi vangsho chingei neshüaokpih, shejao vangsholei nyupü Opai mongpü dükpü shennyak mon shüaokhen.

MARK 11:10

Jenei bü Davidei ongching peipü moihiman! Peü mü shaopüba kü men vihtuh!” shei lenei e.

MARK 3:35

Üami Opai mongpü düknya, hathüyü ngelei jeihinaü, nyahinaü hatü nyü hih” shei e.

LUK SHAHSHA APPÜ 19:11

Jomphong hapa kü bangei nyushingkü büpai nedoh-i shahlap hük e; mehenangkü büpa Jerusalem yopailei nyu, hatü Kahvang ongchingü shülangi peikahen vaaishang shei jomi deih.

LUK SHAHSHA APPÜ 19:38

“Shembüpalei men kü peipü ongpa moihimanpü! Vangsholei chingmei, hatü shaopüba kü müknyinshekhang!”

LUK SHAHSHA APPÜ 22:42

“Opa, nüngi mongjema hapa yungshong ngei kübü chailangshih; shejao ngei mongpü nevai, nüngi mongpü düktuh” shei e.

JOHAN 4:34

Jisui jomphong kü, “Ngelei hahyingü ngei shompübai mongpü dükhen, hatü büpalei dou temhen ha hih.

JOHAN 6:40

Üami Ha ee, hatü büpa kü hinglemnya, vanyangyem danghen, hatü dohpü nyih kü ngei yangei leishihhen hapayü ngelei Opai-i mongpü nyüke.”

JOHAN 7:17

Üpai Kahvangi mongpü dükhen shei mongei nyu, büpai hapayü Kahvang leipü hi ngei nyingkü deihtü ehahnya nyinghen hih.

PHONGSHANTHÜ DOU 13:22

Saul dohtükpheikü büpai David yah-ei jomei ong vaihüpeih. Büpai büpa nang hei e: “Ngelei mongi napükei ngei Jesselei cheha David dangteke; ngei dükhahhüpü dou peü büpai dükkahen.”

PHONGSHANTHÜ DOU 21:14

Büpa yawh-ei neleiaokpü nangkü hami, “Shembüpai mongpükei nyemvai” shei etü nenmü nyupeih.

PHONGSHANTHÜ DOU 22:14

Hahepak kü büpai, “Jenei bühipalei Kahvangi büpai mongpü nyinghen, hatü Daülangpü Hük eehen hatü büpalei ngeü banghen nüng jeteke;

ROM SHAHSHA APPÜ 12:2

Ammi hapa kahdoknyü kü tevukdai shejao ammei mong ja leipai jeilei yeiyatuh, shejüang Kahvangi mehe mong, mehe mei, mehe yah-aokbenüng hatü changpüshapü nyüpa, ha baong hanei nyingaokhen.

EPHESIA 6:6

ammi hayü jomi veipü hepak kü jomi mong hahhühen shingvaishi nevai, shejao Khristalei aa leshi mongdang leipü vamei Kahvangi mongpü düktuh.

KOLOSI 1:13

Mehenangkü büpai jen vangnyaki vanglem lempü kübü jen yangei büpai bampü Halei ongchingei jen müei leiteke.

KOLOSI 1:9

Ha vaipü nangkü hami ha danpü nyih kübü hami am shingvaishi laangha kihikon hatü nyingpühingpü peü kü Kahvangi mongpü nyingpühingpai am mahen nangkü yüei phoppü nedohnyih.

1 THESALONIKA 4:3

Am daüeilangei nyuhenü Kahvangi mongpü nyüke: am iyjeiphailei kübü yanei;

1 THESALONIKA 5:18

hepak vangpan peü kü menvih shuohtuh; mehenangkü hayü am shingvaishi Khrista Jisu kü Kahvangi mongpü nyüke.

HEBREW 1:14

Vangsho phongshanthü peü Kahvang chongphopü laanghathü, yemleipü mükjüp danghenthü touei büpai chongphohen nangkü shompüthü nevaipü je?

HEBREW 10:36

Mehenangkü ammi nenteiaokpü nadang; shejüang mechem ammi Kahvangi mongpü dükhen, mehe lah, ha ammi danghen.

HEBREW 10:7

Hahepak kü, ‘Ngei hammü nyüpeih, ngei nang lai kü ha nyangei nyüke– ngei nüngi mongpü düknüng peipeih, Oh Kahvang’ shei ngei epeih.”

HEBREW 13:21

büpai am mei lemphü kü büpai mongpü dükhen changhüshahühen, shejüang Jisu Khrista homei büpai mong hahbenüng büpai jen homei dükhen, büpa kü den den kü müknyinshekhang vaituh. Amen.

1 PETER 2:15

Mehenangkü jiüpü dükpü homei ngapathüi nenyingi epü ammi nentükhühen hapayü Kahvangi mongpü nyüke.

1 PETER 4:2

Shaang mü leitü ammei aopü kahdoknyü yangnyu-ü hangkui lümpü kü nevai, shejao Kahvangi mongpü kü nyutuh.

SHAKEI VAMPÜ 11:15

Hapheikü nyetpabü vangsho phongshani büpalei amit vüng, hatü vangsholei ngeü longpü vamei e: “Kahdoknyü ongchingü jenei Shembüpa, hatü büpalei Messiahlei ongching leidaiteke, hatü büpai den den kü ong vaihen.”

SHAKEI VAMPÜ 12:10

Hahepak kü ngei vangsholei ngeü longpü hük eyei dan: “Shaang yemleipü hatü ngan, hatü jenei Kahvangei ongching, hatü büpalei Messiahlei wong peiteke. Mehenangkü Kahvang touei yaongtü, jenei jeihinaüthü kü nyakhingai thüngei thaüvaüpüba vangsho leipü yepei shüktükteke.

SHAKEI VAMPÜ 19:6

Hapheikü ngei khongnyü longpülei ngeü kei, yungmok ngeü kei, hatü klang vangteng ngeü kei lenei epü ngei hapakei danteke: “Halleluyah! Mehenangkü jenei Shembüpa, Jeiyong Kahvangi vanglem lemnyeih.

SHAKEI VAMPÜ 20:4

Hapheikü ngei ong uoshingthü, hatü halei uopüthü kü shahphenhen wong shuoh-ei ee. Shao ngei Jisu jung denpü shuohpü hatü Kahvangei shah nangkü sho mahpüthülei laanghathü ee. Jomphongü yemha hatü hapalei lajei kü nekhüm, hatü jomei shangba hatü lak kü yemhalei füoshang neshüngpüthü nyuteke. Jom yangei leiyei Khrista mü bong haja hük vanglem lemteke.