MATHI 6:1 - DAÜLANGPÜ LAIHING (BSI)

¹ Mih-i eehen shingvaishi shennyak touei doumei nedükhen lituh. Hapakei dükjema, am shing vangsholei nyupü Opa leipü laklei neshiü.

MATHI 6:1 Iomraidhean Croise

2 ONGPATHÜ 10:16

Jehu-i, “Ngei mü mükei, hatü ngei mekei Shembüpa kü nyakei kennya, veituh” shei e, hatü büpai büpa laophülei koyei khari kü uotü Samarialei leiteke.

2 ONGPATHÜ 10:31

Shejao Jehu-i büpalei mong kempai Shembüpa, Israel Kahvangei shahkungthü nebang; Israel mang thahhüpü Jeroboamei mang kübü büpa neyan.

MENVIH KESHO 112:9

Büpai taopathü kü angkü bhenyüke, büpa daülangshemshepü den kü nyunyeih; büpayü wong kohshi, hatü peüi dhüm shuohnyeih.

EZEKIEL 33:31

Jomphongi nüng touei düngei peiteipükei peinyüke, hatü nüngi epü banghen nüng touei uonyüke, shejao jomi dou leiyei nedüknyu. Jui mon jom vaipü enyüke, shejao jomei mongdangü mop nempai maei nyüke.

DANIEL 4:27

Hanangkü, Oh Ongpa, nüngi ngei epü yahtuh. Mang dou dükpü dohtuh, jiüpü düktuh, hatü nehahneyingpü taopathü kü yahyang shinshang hutuh. Shejüang nüng nedoh-i angeideiyei nyuhen.”

ZEKHARIAH 13:4

Hapa nyih, thibüthü peüi laophülei thihivam shah hatü manghkhang nangkü veühen. Mih kü ühinghen mü mum kohpü thibü ow ne-owhen,

ZEKHARIAH 7:5

Ha kahmük kü nyupü nanglakthü hatü ngongpathü kü etuh, “Mechem ammi peihdaipü bong pejempüan shekü lenyang ngapabü, hatü nyetpabü kü shüaeiyungleyei hatü youngeinangpa, hingmei ha ngei shingvaishi shüaeiyunglepü hiang?

MATHI 16:27

“Mehenangkü Shennyak Ha vangsho phongshanthü mü Palei müknyinshekhang kü yiühen, hatü büpai shennyak peü kü laophüi dükpü shangshi laklei shuohhen.

MATHI 16:6

Jisui jomphong kü, “Am thaeimatuh, Pharisee hatü Sadduke amei daw kü lituh” shei e.

MATHI 23:13

Am akhümmong-üm shahkung nyuhbü hatü Phariseethü, onyükei! Mehenangkü ammi shennyakthü neshühahhen mü vangsho ongching küptüknyüke, hatü am nyingiyao halei neshünyu, hatü mih shühenao nehannyu.

MATHI 23:5

Mih-i eehen shingvaishi jomi dou peü düknyüke; mehenangkü jomi jomei phaishuw pela longshi lingnyüke hatü ashakmai lushi ownyüke.

MATHI 25:40

Ongpai jomphong kü, “Hingmei ngei am kü enyeih, amphong maanpü ngelei jeihinaüthü kü mepa ammi düktepa, hayü ngei kü dükpeih” shei jangei ehen.

MATHI 5:16

Hapa keiha am kü nyupü vangngai mih kü nyahütuh; shejüang jomi ammei doumei eeyei vangsholei nyupü ammei Pa kü müknyinshekhang shuohhen.

MATHI 5:46

Am kü bampüthü kü mon ammi bamjema am mehe laklei nyüpa? Kahdok lat thaipü amiyao hapakei nedüknyu je?

MATHI 5:48

Vangsho leipü Pa keiha amphong changpüshapü leituh.

MATHI 6:16

Mechem am shüaeiyunglehen, akhümmongümthü kei dhe mangei tehu; mehenangkü jomi mih kü shüaeiyunglenyeih shei huhen shingvaishi dhe yimnyüke. Hingmei ngei am kü enyeih, jomi jomei laklei danglangteke.

MATHI 6:9

Amphongi hapakei phoptuh: “Vangsholei nyupü hamei Opa, nüngei men daülangpü vaituh.

MARK 8:15

Shaang büpai jomphong kü, “Ammi Pharisee am hatü Herodei daw kü lituh” shei lihen shah e.

LUK SHAHSHA APPÜ 11:35

Hanangkü vangngaiyü shangmang leidaimangkü nüng kenhingtuh.

LUK SHAHSHA APPÜ 12:1

Mechem shennyak khongnyü longi hüki hük mü shoupteihen mü thaijapa, büpai shongei büpalei nanglomthü kü e, “Amphongi Pharisee amei daw kü lituh, hapa lappü, jomei akhümmong-üm.

LUK SHAHSHA APPÜ 12:15

Shao büpai jomphong kü, “Lituh! Maong nyeipü lemphü kübü am yanei nyutuh; mehenangkü mop changshi nyupai shennyak hük yangnyu nenyunyih” shei e.

LUK SHAHSHA APPÜ 16:15

Hanangkü büpai jomphong kü, “Ammi laophü nyingi mih touei dahshaknyüke, shejao Kahvangi ammei mong nyingnyeih; mehenangkü hangkui mehe douvang shei deih, hayü Kahvang touei jiühitbenüng” shei e.

JOHAN 12:43

mehenangkü jomi Kahvangi vihpü meyü shennyaki vihpü lümdai.

JOHAN 5:44

Üpa mon Kahvang nyu, ammi büpa leipü peipü müknyinshekhang neyemi am hüki hük leipü dupü-oupü yemyaki mekei etü am hinglemhen?

PHONGSHANTHÜ DOU 3:12

Mechem Peteri ha eepa, büpai nanglakthü kü, “Israel jeihinaüthü, henjilei wongi nevaijü henji-i bampai büpa kamhünyu keiha mehekei thamanya nevaijü henji kü veinya?

GALATIA 6:12

Üami shakdokei veihen meipü mon linghünya, hathüi am kü shuw japhen nyeannyu khih. Jomi ha dükpü shojungü Khristalei shophang shingvaishi shüveipü neponghüpü nangkü jomi ha düknyüke.

SHAHKÜP 24:13

Büpai yanüng ha kü shihen shingvaishi om dhüküjü yah-ei leiyeishuoh. Büpai am kü mongonghen, hatü hapa kü Shembüpa, ammei Kahvangi am kü mongonghen.

HEBREW 11:26

Ijip amei mop leimü Khristalei men kü shangponghen nyeinya longpü mop shei büpai deih; mehenangkü büpai shesha leipü laklei kü veishi nyuteke.

HEBREW 2:1

Hanangkü jeni mehe dan, ha kübü yanei nedeilanghen shingvaishi jeni longi kenhingei mong shuohhen khih.

HEBREW 6:10

Mehenangkü Kahvangü shahhing ne-epü nevai; ammi shaang thahshi dükpükei ammei dou hatü daülangpüthü chongphoei büpalei men kü bampü hupü kü büpai am hei-üng nebetükpih.

2 JOHAN 1:8

Hami mepa shingvaishi dük, ha nemahtükhen, shejao ammi laklei changshi danghen shingvaishi thaeimaei nyutuh.