MATHI 5:22 - DAÜLANGPÜ LAIHING (BSI)

²² Shejao ngei amphong kü ha enyeih, ammi jeihinaü nevaijü nyahinaü hük kü mongshihjema, nüng shahphenhen, hatü nüngi jeihinaü nevaijü nyahinaü hük vüshih-ei, “Nüng yahlak neshiü” shei ejema am shahtapei müei deihen; hatü üami, “Ngapa” shei ehenshang, am molo aw vongshüh kü nyuhen.

MATHI 5:22 Iomraidhean Croise

KAHBHAO 37:4

Mechem chejeihijei ami jomphong meyü chepai büpa kü-üng nyeishi bamnyüke shei nyingpa, jomi büpa kü neveihü hatü shahmei hükao büpa kü ne-e.

KAHBHAO 37:8

Chejeihijei ami büpa kü, “Nüngü hamphong shak kü ong vaihen deihpü je?” shei e, hatü jomphongi nyeinya büpalei mangh ejapü nangkü jiühit.

2 SAMUEL 16:7

Büpai David kü thaüvaüshingkü, “Leidaituh! Leidaituh! shennyak jüteipü shennyak! Yahlak neshiüpü shennyak!

2 SAMUEL 6:20

Davidi büpalei shem am kü moihimanhen shemei lei. Shejao Saulei yiükha Mikhali David mü pongnüng vamei büpa kü, “Israel amei ong hüki shinnyih mekei laophü nyingi dhüm lüktükhahpa? Ngapa hüki dükpükei büm kübü ashakviha bintüktü veüao neveüi mehekei laophülei chongphopü nelathüi eeshi nyupa?” shei e.

1 ONGPATHÜ 21:4

Jezreel am Naboth-i, “Obülei mükjüp nüng kü neshuohpih” shei büpa kü eshuohpü nangkü longi mongmangei, hatü mongshih-ei shemei leiteke. Büpai lüngei dhe shouk lemei meetü hah-ao nehah-i lemshi nyu.

2 SHÜPPÜKENGPÜ 16:10

Hapa thibüpai ha eshuohpü nangkü Asa longi mongshih; büpa longi mongshih-ei büpa yepei khoklatei tuh. Hahepak kü-üng nanglak hanei kü longi nemei-i shüvei.

2 SHÜPPÜKENGPÜ 19:5

Büpai penyü showtükpü Judah chingnyüthü peülei shahphenpüthü jeyei tuh.

NEHEMIAH 5:8

Jom kü, “Jeni aokpü thahshi jenei jeihinaü Jehoda am lebü kung jatthü kü yutükpü shakei leiteke, shejao shaang ammi jempü jeihinaü Jehoda am jom nyingi am kü yuhen mü ammi dou düknyüke!” shei eteke. Jomi shah leihen nedangpü nangkü nenmü nyudai.

MENVIH KESHO 109:3

Jiühitnalai shah ngei kü enyüke, hatü ten neshiüshiüi ngei khüei enyüke.

MENVIH KESHO 14:1

Ngapathüi jomei mongei, Kahvang neshiüpih” shei enyeih. Jomü yahlak neshiüi tendai, jomi jiühitnalai douthü düknyüke; mei dükpü üpayao neshiü.

MENVIH KESHO 25:3

Nüng kü monglemei omdanpüthü teveühü, shejao lanei neshuohpüthü veühütuh.

MENVIH KESHO 35:19

Ngei shak kü ngelei vepathüi mongteonghü, nevaijü ten neshiüpü kü ngei kü jiühitpüthüi ngei mongshangpü eeyei mük nyepei shah te-eteihü.

MENVIH KESHO 37:8

Mongshih yepei tuhtuh, mongpuk vampü yaktüktuh; mongteshang, hapai ten lemei münyeih.

MENVIH KESHO 49:10

Mechem jeni kon kohpüthü kü veihenshang jomao didainyüke; ngapa hatü yoipa nyiyao aihük mü didainyüke, hatü jomei mop mih kü tuhnyeih.

MENVIH KESHO 69:4

Meheyao ten neshiüpü kü ngei kü jiühitpüthü shokuk mao nyeidaiteke. Ngei jühenthü longi nyüke, shahshemi ngei nyonghüpü vepathü longi nyüke. Mehe ngei negüh, ha ngei shemhen je?

MENVIH KESHO 7:4

ngelei küphü kü ten dükshuoh-ei nyujema, nevaijü meheyao nevaipükü ngelei vepalei dou yahlangei nyujema,

MENVIH KESHO 92:6

Ngapa hüki ha nyingei neaok, yoipa hüki ha nedanaokpih.

KANDOK 14:16

Kon kohpüthüi ten nyingei haleipü nyaidainyeih, shejao ngapathüi nelinebaongi ha kü shüknyüpeih.

KANDOK 18:6

Ngapa hükei jubenyeijaangi dehilao koei peinyeih, hatü büpalei jui lak-ap püshow yemhahnyeih.

JEREMIAH 17:11

Shahhing ne-epü mop dangpeyü ouha hük laophüi nedipü ati sheipükei nyüke. Büpalei yangnyu tavanshem kü hathü mop mahdaihen, hatü shompülei büpayü ngapa khih shei nyinghen.

YOUNG LAI 3:52

Ngei meheyao shaitükpü neshiüpü kü ve vaipüthüi ngei ouha kei jütükteke.

DANIEL 3:13

Mongshih wong kempai, Nebukadnezzari Shadrakh, Meshakh hatü Abednego kü nyükteke. Hanangkü jomphong ongpa touei müei dei,

DANIEL 3:19

Hahepak kü Nebukadnezzari Shadrakh, Meshakh hatü Abednego hathü kü mongshih, hatü jomphong nangkü büpalei chudeih yeiyateke. Büpai nyingnyoipü mü nyetpa shaamshi aw jakhen ngeükhüam shuoh,

OBADIAH 1:10

Anaü Jakob khüei hokpü nangkü, am veüi jümhühen; am denshing mahtükhen.

OBADIAH 1:12

Anaü lomohpü nyih kü ammi naamei neveihah shepeih, nevaijü Judah nanglakthü mah pongpü nyih hüha shei nedeihhen vaipeih, nevaijü jom ponghahküpü nyih kü am nechangmeihah shepeih.

MATHI 10:17

Amphongi jom kü lituh; mehenangkü jomi am shahphen shingei müei deihen, hatü Sinagoglei jomi am kü bheiphahen;

MATHI 10:28

Üami büm mon jütü laangha nejüaok, hathü kü tenyem, shejao üpai laangha hatü büm nyiphen molo aw kü mahtükaok, büpa kü nyemtuh.

MATHI 12:24

Shejao mechem Pharisee ami ha danpa, jomphongi, “Hapayü kahshihthülei vanglem lembü Beelzebulei ngan homei büpai kahshihthü changnyu khih” shei e.

MATHI 17:5

Büpa shah eyei nyushingkü phum shola peiyei dhüm, hatü phum leipü ngeü hük vamei, “Hapayü ngei bampü Ha, ngei büpa kü mong hahnyeih; büpai epü bangtuh!” shei e.

MATHI 18:21

Hahepak kü Peter peiyei büpa kü “Shembüpa, jeihinaü hük ngei khüei mang thahjema, ngei meshükpa mang tükshuohhenang? Nyetpa thahshi hiang?” shei e.

MATHI 18:35

Hanangkü ammi ammei nyahinaü jeihinaü kü mang netükjema, vangsho leipü Opaiyao am peü kü hapakei dükphahen.

MATHI 23:15

Akhümmong-üm shahkung nyuhbü hatü Phariseethü, onyükei! Amphongi shennyak hük Jehoda am leihühen shingvaishi yungching homei kahmük kemeilei kamteinyüke, hatü mechem hapakei lepei leihen, ammi am keiha büpa shingnyi nyeishi molo awlei ha leitüknyüke.

MATHI 23:33

Amphong biüthü, hatü biüei hapeüthü! Molo aw kü shukhen kübü am mekei yangaokhen?

MATHI 25:41

Hapheikü büpalei laknyong philei nyupüthü kü, “Amphong thaüvaü hetdaipüthü, ngei toueipü lüdaituh, hatü kahshih hatü büpalei phongshanthü shing tempü nedohnetenpü awlei shütuh;

MATHI 26:59

Shaang ngongpathü hatü shahtap kü uopüthüi Jisu jühen nangkü büpa khüei shahshem denpü yemei nyu;

MATHI 3:17

hatü vangsho leipü ngeü hük vamei, “Hapayü ngei mong hahpü ngei bampü Hapeü” shei e.

MATHI 5:34

Shejao ngei am kü enyeih, vangsho jung noshi am lanshei tevang; mehenangkü hayü Kahvang ong uoshing nyüke;

MATHI 5:44

Shejao ngei am kü enyeih, ammei vepa kü bamtuh hatü am kü shüveipüthü shing phopeishuoh;

MARK 14:55

Shaang ngongpathü hatü shahtapei nyupüthü kemei Jisu jühen shingvaishi büpa khüei denpü yemei nyu, shejao hükao nedang.

MARK 15:1

Dhom mü lomi ngongpathüi behethü hatü shahkung nyuhbüthü hatü shahtapei nyupüthü mü shah shetteke. Jomi Jisu yepei shatü müei daiyei Pilat kü lanei shuoh.

LUK SHAHSHA APPÜ 12:5

Shejao üpa kü nyemhen, ha ngei shahvüng shuohnyeih: Üpai jüpheikü molo awlei deishihhen wong nyu, büpa kü nyemtuh. Hih, ngei am kü enyeih, büpa kü nyemtuh!

LUK SHAHSHA APPÜ 22:66

Mechem vangngaipa, behethü, ngongpathü hatü shahkung nyuhbüthü chemi thai, hatü jomi büpa shahtapei müei dei.

JOHAN 11:47

Hanangkü ngongpathü hatü Phariseethüi shahtapei shahthai hük thongei, “Jeni mehe dükhenang? Hapa shennyaki nyangeihepü longi düknyüke.

JOHAN 15:25

Jomei shahkung kü, “Meheyao ten neshiüpü kü jomi ngei kü jiühitteke” shei nyangei nyupü ha jiühen shingvaishi vamteke.

JOHAN 7:20

Khongi büpa kü, “Nüng kü kahshih nyüke! Üpai nüng jühen yemnyüke?” shei e.

JOHAN 8:48

Jehoda ami büpa kü jangei büpa kü, “Hami nüng kü Samaria am khih hatü nüng kü kahshih nyüke shei epeyü ham nejiüpü je?” shei e.

PHONGSHANTHÜ DOU 17:18

Shao Epikurean hatü Stoik vaipü vanglem kü nyingpühingpüthüi büpa mü shah doktei. Hanei ami, “Hapa shahvang ahpai mehe ehünyuja” shei e. Lebüthüi, “Büpayü mih Kung amei Kahvang jung baongbü khih” shei e. (Hayü büpai Jisu jung shahjang meipü hatü yangei leipü jung epü nangkü nyuteke.)

PHONGSHANTHÜ DOU 22:30

Nyihphei Jehoda ami Paul khüei mehekei nyonghünya shei lekei nyinghüpü nangkü büpai Paul vetük, hatü ngongpathü hatü shahtap kübü nanglak peü kü thaihen nyük. Hahepak kü büpai Paul deiyei jomphong touei yaonghüteke.

PHONGSHANTHÜ DOU 23:1

Pauli shahtap kübü nanglakthü kü hüngei veitü, “Jeihinaüthü, shinnyih thahshi ngei ngelei chudeih mongdang meipüba kü Kahvang touei ngelei yangnyu jiüshi nyuei heihtepih” shei e.

PHONGSHANTHÜ DOU 24:20

Hei nevaijü ngei shahtapei yaongshing kü ngei pungpü mehe dangpa, hatoueipü shennyakthüi nyemekei.

PHONGSHANTHÜ DOU 4:15

Hanangkü jom hüki hük mü hapa nang shah shükteishingkü jiji kü shahtap leipü lüdaituh shei ngeükhüam shuoh.

PHONGSHANTHÜ DOU 5:21

Jomphong kü ha epü danei, jomphong heshotapa kü phopshem chingkonei shüei nanglakthü kü nyuh-ei chongpang. Mechem ngongchong hatü büpa mü sheühteipüthü ngoipa, jomi shahthai thaihen Israel am behethü peü nyük, hatü khoklatei nyupüthü müei deihen shom.

PHONGSHANTHÜ DOU 5:27

Mechem jomi hathü müei leipa, jomi hathü shahtapei yaonghü. Ngongchongi jomphong kü,

PHONGSHANTHÜ DOU 6:12

Jomi nanglakthü, behethü hatü nyangbüthü mongpuk vamhü. Jomi ngangahük kü büpa pongei yep, hatü shahtapei müei dei.

PHONGSHANTHÜ DOU 6:15

Shahtapei uopüthü peüi büpa kü hüngei vei, hatü jomi büpalei dheyü vangsho phongshanei dhe kei eeteke.

PHONGSHANTHÜ DOU 7:37

“Kahvangi ngei ngaihüpükei büpai am shingvaishi am nanglak khong kübü thihivam hük vamhühen” shei Israel am kü epü Mosayü hapa hih.

ROM SHAHSHA APPÜ 12:10

Aihük bamteipai hüki hük mü bamteituh; dhüm huteipü kü hüki hük mü nyeipüba nyutuh.

1 KORINT 6:10

gühpü, hahnempü, chokpümokpü, yaüeilungpü, hatü peileipüthü– hathü üpayao Kahvang ongching mükjüp nedangpih.

1 KORINT 6:6

Shejao vaipü am hüki vaipü am hük khüei shahphen shingei hatü nevaipü am touei dainyu je?

SHAHKÜP 15:11

Düngei vaishi Israel am hanei payü taoei nyukahen. Hanangkü ammi ammei jeihinaü taopathü kü lak laiyei shuohtuh.

SHAHKÜP 16:18

Shembüpa, ammei Kahvangi am kü shuohpü jila ieyei kü shahphenbüthü hatü lebü lakchongbüthü jetuh, hatü jomi shahhing kü nanglakthü kü shahphenhen.

1 THESALONIKA 4:6

hatü ha tata kü üpaiyao jeihinaü nevaijü nyahinaü hük kü nejiüi tedük; mehenangkü shelei hami am kü epü hatü shahvüng shuohpükei Shembüpai hapa keipü mangthü peü shing shennyakthü kü hanghi shuohhen.

TITUS 3:2

üpa kao ten ne-ehen, depülaopü nenyuhen, inyainyemi nyuhen, hatü peü touei nenteiaokpü huhen eyeishuoh.

HEBREW 12:25

Nüng kü shah epüba kü nebangi nenyuhen kentuh. Kahdoknyülei jom kü shahvüng shuohpübalei shah nebangpai jom neyangjema, vangsho leipü jen kü shahvüng shuohpüba toueipü yanei lüdaijema, jen meshük maanpü leihenang?

HEBREW 5:9

hatü büpa changpüshapü leihütü, büpayü büpalei ven danpüthü peü shing nedohnetenpü yemleipü shuohbü lei,

JAKOB 2:20

Ngapathü, dou neomi vaipeyü angsha shei huhahhüpü je?

JAKOB 3:6

Yeiyü aw khih. Hapayü jenei büm phaihan khongkü mangei kahdoknyü. Hapai büm kemei tentüknyeih, yangnyu lem kemei aw kü jaktüknyeih hatü laophü nyingi molo aw kü shukdainyeih.

1 PETER 2:23

Mechem jomi büpa kü yaüeilungei epa, büpai ha kü nekhang; mechem büpa shangpongpa, büpai nyemneshao, shejao shahhing shahphenbü kü büpa lanei shuoh.

1 PETER 3:9

Ammi ten kü ten, thaüvaü kü thaüvaü tekhangtei, shejao ha nang jeiyei moihimaneishuoh. Moihiman mükjüp danghen tata kü amphong nyükpeih.

1 JOHAN 2:9

Üami laophülei jeihinaü hatü nyahinaüthü kü jiühityaki, “Ngei vangngai kü nyüpeih” shei ehenshang, shaangao vangnyak kü nyüke.

1 JOHAN 3:10

Üpa Kahvangei ha, üpa kahshihlei ha hapakei jeni nyingdainyeih: Üpai jiüpü nedük nevaijü laophülei jeihinaü hatü nyahinaüthü kü nebam, büpayü Kahvangei ha nevai.

1 JOHAN 5:16

Ammi laophülei jeihinaü hatü nyahinaü dibenüng nevaipü mang thah-ei eejema, ammi phopeishuoh, hatü Kahvangi büpa kü yangnyu shuohhen. Dibenüng nevaipü mang nang ngei enyeih. Dibenüng mang nyüke, hatü henüng nangkü ammi phoptuh shei ngei ne-enyih.

JUD SHAHSHA APPÜ 1:9

Shejao vangsho phongshan longpüba Mikhaeli dangkao mechem kahshih mü Mosalei mahng kü aetteipa, büpai büpa kü yaüeilungei thaüvaüei ne-eangpih shejao, “Shembüpai nüng kü lohnyüke” shei epeih.

SHAKEI VAMPÜ 20:14

Hapheikü Dipü hatü Yimchingü aw shemyungei shüktük. Hapa aw shemyungü nyipabü dipü.