MATHI 5:18 - DAÜLANGPÜ LAIHING (BSI)

¹⁸ Hingmeipa ngei am kü enyeih, vangsho hatü kahdok mangpeih thahshi shahkungnyülei nyangpü hatü pinpü shah maanpü hük dangkao mangjiü thahshi ha peih-ei nedaihen.

MATHI 5:18 Iomraidhean Croise

MENVIH KESHO 102:26

Hathü mahdaihen, shejao nüng den kü nyuhen; hathü peü ashak chang kei leidaihen. Nüngi hathüyü owhiai kei jeiteihünyeih, hatü hathü peihdainyeih.

MENVIH KESHO 111:8

Hinglempai hatü hingshangpai dükhen shingvaishi hathüyü shuoh-ei nyüke.

MENVIH KESHO 119:152

Hepak luangi daiteke, nüngi den kü nyuhen shingvaishi hathü lingei tuhpeih shei nüngei shahkung leipü danpeih.

ISAIAH 40:8

Phenhavunglak kaudainyüpeih, hatü chübongthü laaidainyüpeih, shejao jenei Kahvangei shah denden kü nyuhen” shei baongtuh shei ephüteke.

ISAIAH 44:26

Shejao mechem ngelei chongphobüi teteivanei ehen, mechem ngelei küpjan shakei vamhühen shingvaishi ngelei chongphobü shomhen, Ngei hathü tetshahvanshah hatü küpjanthü jiühünyeih. Shennyakthü shao chingchingei nyuhen shei ngei Jerusalem kü enyeih, hatü Judah chingnyüthüao shao ne-ei leiyei linghen, hatü beneilangei nyupü shao ngei lingei leihen.

ISAIAH 51:6

Vangshothü kü ngangei veituh, kahdoknyü kü thaungei veituh! Mehenangkü vangshothü peü awshit keiha mahdaihen, hatü kahdoknyü ashak kei chang leidaihen, hatü halei nyupüthü peü maanha keiha didaikemhen. Shejao ngelei yemleipü denden kü nyuhen, ngelei daülangshemshe mechemao nekemdaihen.

MATHI 10:15

Hingmei ngei am kü enyeih, shahphenpü nyih kü hapa ching nevaijü jila leimeyü Sodom hatü Gomorrah am kü-üng nyeinya phahji huhen.

MATHI 10:23

Mechem jomi am kü jila hükei shüveiphahen, hükpalei nyaidaituh; mehenangkü hingmei ngei am kü eshah, Shennyak Ha yiüshekü amphong Israel jilathü peü kü daiyei nekemi nyuhen hih.

MATHI 10:42

hatü üami yung shong hük dangkao ngelei nanglom maanpüthü khongkü hük kü dangkao shuohhenshang, ngei hingmei enyeih, hapa laklei nemahhen.

MATHI 11:11

Hingmei ngei am kü enyeih, nyüi paipü moi khongkü Johan Baptükbü mü longpü nevamangpih, shejao vangsho ongching kü peü mü maanpübayü büpa mao longpüba vaihen.

MATHI 13:17

Hingmei ngei eshah, thibüthü hatü daülangpü shennyakthü longi ammi mehe ee, ha eehüei ongyangei nyupeih, shejao ha ne-ee; hatü ammi mehe dan, ha danhahhüei nyupeih, shejao jomi ha nedan.”

MATHI 16:28

Hingmei ngei am kü enyeih, hamü yaongshi nyupü khongkü Shennyak Ha laophülei ongching kü peipü mang-ee thahshi nedihen.”

MATHI 17:20

Büpai jomphong kü, “Am vaipü maanpü nangkü hih. Ngei am kü enyeih, am kü haoyangvang shük dangkao hinglempü nyujema, ammi hapa kahshang kü, ‘Hatoueipü antolei shindaituh’ shei eshuohjü ha shindaiphahen; hatü am shingvaishi neaokbenüng meheyao nechongkahen.

MATHI 18:18

Hingmei ngei am kü enyeih, amphongi mehe kahdoknyülei sha, ha vangsholeiyao shahen, hatü amphongi mehe kahdoknyülei lai, ha vangsholeiyao laihen.

MATHI 18:3

“Hingmei ngei am kü enyeih, amphong yeiyaei maanpü naüthü kei manglei thahshi amphongi vangsho ongchingei shününg neaokpih.

MATHI 19:23

Hapheikü Jisui büpalei nanglomthü kü, “Hingmei ngei am kü enyeih, shemmeipa hük vangsho chingei shühenü wongshi nyüpeih.

MATHI 19:28

Jisui jomphong kü, “Ngei amphong kü shahhing eshah, dou peü ja leipü mü mechem Shennyak Ha laophülei müknyinshekhangpü ong uoshing kü uohen, am üami ngei phei mütepa, hathüi ong uoshing anpünyi kü uotü Israel phang anpünyi kü shahphenhen.

MATHI 21:21

Jisui jomphong kü, “Hingmei ngei am kü enyeih, amphong kü jü-üpü neshiüi hinglempü nyujema, hapa adhapü kü mehe dük, henüng mon nevai, shejao amphongi hapa kahshang kü, ‘Nüng daiyei yungchingei hüngdaituh’ shei eshuohjü ha hapakei dükkahen.

MATHI 21:31

Henyi aa kü üpai chepai mongpü dükpa? Jomphongi, “Hashongpai” shei e. Jisui jomphong kü, “Hingmei ngei am kü enyeih, lat thaipüthü hatü büm yupüthü am shekü vangsho ongchingei shüdainyüke.

MATHI 23:36

Hingmei ngei am kü enyeih, ha peü hapa denhivan kü vamhen.

MATHI 24:2

Hahepak kü büpai jomphong kü, “Amphongi hathü peü eenyüla? Hingmei ngei am kü enyeih, yaong hükao hük shangkü haüshi nenyuhen; peü noei shüktükkemhen” shei e.

MATHI 24:47

Hingmei ngei enyeih, büpai büpalei mopthü peü kü veihen hük jeyei tuhhen.

MATHI 25:12

Shejao büpai, “Hingmei ngei am kü enyeih, ngei amphong nenying” shei jangei e.

MATHI 25:40

Ongpai jomphong kü, “Hingmei ngei am kü enyeih, amphong maanpü ngelei jeihinaüthü kü mepa ammi düktepa, hayü ngei kü dükpeih” shei jangei ehen.

MATHI 25:45

Hahepak kü büpai jomphong kü, “Hingmei ngei am kü enyeih, hathü khongkü maanpü hük kü ammi nedükpeyü ngei kü nedükpeih” shei ehen.

MATHI 5:26

Hingmei ngei am kü enyeih, nüngi poisa phahükao aoei netuh-i mangshemkem thahshi nüng haleipü vamei nedaiaokhen.

MATHI 6:16

Mechem am shüaeiyunglehen, akhümmongümthü kei dhe mangei tehu; mehenangkü jomi mih kü shüaeiyunglenyeih shei huhen shingvaishi dhe yimnyüke. Hingmei ngei am kü enyeih, jomi jomei laklei danglangteke.

MATHI 6:2

Hanangkü mechem ammi taopathü kü sheühpü shuohhen, mih-i vihhahhen shingvaishi akhümmong-ümthüi Sinagog hatü chingshongei dükpükei ammi amit vüngei tebaong. Hingmei ngei am kü enyeih, jomi jomei laklei danglangteke.

MATHI 8:10

Mechem Jisui ha danpa, büpa thama hatü büpa phei müpüthü kü, “Hingmei ngei am kü enyeih, Israel kü hapakei hinglempü ngei neheüangpih.

MARK 10:15

Hingmei ngei am kü enyeih, maanpü hashih hük kei leitü üami Kahvang ongching neyahhenshang, halei neshüaokpih” shei e,

MARK 10:29

Jisui, “Hingmei ngei am kü enyeih, üpai ngelei men hatü shahjangmei nangkü bükhishem, jeihinaüthü, nyahinaüthü, nyü nevaijü pa, hapeüthü nevaijü kahthü tuhphong, jomi ha den kao kho lomei,

MARK 11:23

Hingmei ngei am kü enyeih, ammi hapa kahshang kü, ‘Daituh, hatü yungchingei hüngdaituh’ shei ammei mong kü nejü-üi ammi mehe e, ha dükkahen shei hinglemei ejema, ha dükkahen.

MARK 12:43

Hapheikü büpai nanglomthü nyükei jomphong kü, “Hingmei ngei enyeih, lop jaoshingei moila shuohpüthü peü khongkü hapa vaümnyüi peü mü nyeishi shuohteke.

MARK 13:30

Hingmei ngei am kü enyeih, hathü dou peü vamei mangpeih thahshi hapa denhivan peih-ei nedaihen.

MARK 14:18

hatü mechem jomphong laophü laophüi shing yemei uotü hahyingpa, Jisui, “Hingmei ngei am kü enyeih, amphong khongkü hük, ngei mü hahyingpü hüki ngei luhahhen khih” shei e.

MARK 14:25

Hingmei ngei eshah, Kahvang ongching kü amphong mü nyalingngupai yiü ja yinghen nyih mangngoi thahshi ngei amphong mü hapa nyalingngupai yiü neyinghen” shei e.

MARK 14:30

Jisui büpa kü, “Hingmei ngei nüng kü enyeih, shinnyih, sheyaüng ou nyipa gashekü nüngi jempa thahshi ngei nelah-aokpih” shei e.

MARK 14:9

Hingmei ngei am kü enyeih, melei hapa shahjangmei kahdoknyü kempülei baonghen, pinnyüi mehe dük, ha pinnyü deih-ei dangei eteihen” shei e.

MARK 3:28

Hingmei ngei am kü enyeih, nanglakthü kü jomei mangthü hatü jomi mepa mepa eelaei ehen hathü mang tükhen,

MARK 6:11

Shing haneilei am mongongshi yen neyahjema hatü ammi epü kü nebangjema, am leidaishingkü jom khüpü denpü hük vaishi ammei la kübü kübhih kaongphongtuh” shei e.

MARK 8:12

Büpai ngülu heetü, “Mehekei hapa den shennyakthüi yashanyale yünya? Ngei hingmei am kü enyeih, hapa den kübü shennyakthü kü mepa yashanyale dou-ao nehupih” shei e.

MARK 9:1

Nedoh-i büpai jomphong kü, “Hingmei ngei am kü enyeih, hatouei yaongshi nyupü hanei-i Kahvang ongching ngan kü yiüpü mangee thahshi nedipih” shei e.

MARK 9:41

Hingmei ngei am kü enyeih, amphong Khristalei vaipü nangkü üami ngelei men kü yinghen yungshong hük dangkao shuohhen, mekei etao jomei laklei nemahdaipih.

LUK SHAHSHA APPÜ 11:51

Abelei iy kübü moidü hi Daülangpü Shing nyi aa kü jüpü Zekhariah thahshi. Hih, ngei am kü enyeih, hapa denhivan kü ha yühen.

LUK SHAHSHA APPÜ 12:37

Shembü nyokei leishingkü mükpaonathaei nyupü chongphobüthü moihiman; hingmei ngei am kü enyeih, büpai laophülei shüngshep wonghen, hatü jomphong ühyinghen uohühen, hatü büpai jomphong kü nemnoshuohhen.

LUK SHAHSHA APPÜ 13:35

Veituh, ammei shem am kü lavüngtoiyei tuhphünyeih. Ngei am kü enyeih, ‘Shembüpalei men kü peipüba moihiman’ shei ehen hepak mangngoi thahshi ammi ngei ne-eepih.”

LUK SHAHSHA APPÜ 16:17

Shejao shahkungei pinei nyupü hük nedhaümi peihlei meyü vangsho hatü kahdok peihdaihen.

LUK SHAHSHA APPÜ 18:17

Hingmei, ngei am kü enyeih, üpai maanpü hashih keiha Kahvang ongching neyahhenshang, halei neshüaokpih” shei e.

LUK SHAHSHA APPÜ 18:29

Büpai jomphong kü, “Hingmei ngei am kü enyeih, üpai Kahvang ongching shingvaishi shem, nevaijü nyüha, nevaijü jeihinaü nevaijü nyühipa nevaijü hapeüthü tuhphongnya,

LUK SHAHSHA APPÜ 23:43

Jisui büpa kü, “Ngei nüng kü shahhing enyeih, shinnyih nüng ngei mü paradiselei nyuhen” shei e.

LUK SHAHSHA APPÜ 4:24

Büpai jomphong kü nedoh-i e, “Ngei am kü shahhing enyeih. Üpa thibüao laophülei chingei vihshi neyahnyih.

JOHAN 1:51

Shao büpai büpa kü, “Hingmei mü ngei nüng kü enyeih, nüngi vangsho shaden aptüktü Shennyak Ha shak kü vangsho phongshanthü aongpü leipü eehen hih” shei eteke.

JOHAN 10:1

“Hingmei mü ngei am kü enyeih, üpai mi khaok shaden homei neshüi lebü lemei bakei shünya, büpayü gühpa hatü peileipa.

JOHAN 10:7

Hanangkü shao Jisui jomphong kü, “Hingmei ngei am kü enyeih, ngeiyü mi khaok shaden.

JOHAN 12:24

Hingmei ngei am kü enyeih, hahkuk hük kahdokei vüei mangdi thahshi hahkuk lakshing nyunyeih, shejao ha dijema, hapai betjük longi jüknyeih.

JOHAN 13:16

Hingmei ngei am kü eshah, chongphobüthüyü shembü mü longpü nevai, nevaijü phongmokbüyü büpa shompü shennyak mü longpü nevai.

JOHAN 13:38

Jisui, “Nüngi ngei shing nüngei yangnyu lanei shuoh-aokhen je? Hingmei mü ngei nüng kü enyeih, ou gashekü jempa thahshi nüngi ngei nelah-aokpih” shei e.

JOHAN 14:12

Hingmei ngei am kü enyeih, üpai ngei kü hinglemhen, büpai ngei dükpü douthü dükaokhen; hingmei, ngei dükpü kao nyeishi dükaokhen; mehenangkü ngei sheyü Opa touei lüdainyeih.

JOHAN 16:20

Hingmei ngei am kü enyeih, amphong thepeiyounghen, shejao kahdoknyüi mongonghen; am tüngpüyapü eehen shejao ha mongongpü leidaihen.

JOHAN 16:23

Hapa nyih ammi ngei kü meheyao nephehen. Hingmei ngei am kü enyeih, ammi ngelei men kü Opa kü lemhük dangkao yüjema, büpai ha am kü shuohhen.

JOHAN 21:18

“Ngei nüng kü hingmei mü enyeih, mechem nüng vaanwong hepak nyupa, nüngi laophü nyingi shüngshep sheptü nüng melei daihü halei daihampeih. Shejao mechem nüng viüdaihen, nüngi laophülei lak haonghen hatü mih-i nüng kü shünglok lokhen, hatü nüng nedaihüpülei müei daihen” shei e.

JOHAN 3:11

Ngei nüng kü hingmei enyeih, jeni nyingei nyupü jung jeni eteinyeih, jeni eepü jung jeni denpü shuohnyeih, shejao ammi hamei shahjangmei neyah.

JOHAN 3:3

Jisui büpa kü, “Hingmei mü ngei nüng kü enyeih, nyipabü nebühpheikü üpaiyao vangsho ongching dangnüng neaokpih” shei e.

JOHAN 3:5

Hingmei mü ngei nüng kü enyeih, shennyak hük yung hatü Laanghai nebühpheikü mekei etao vangsho ongchingei shününg neaok.

JOHAN 5:19

Jisui jomphong kü, “Hingmei mü ngei am kü enyeih, Ha-i büpai mongpü meheyao nedükaoknyih, shejao Pa-i mehe dükei ee, ha mon düknyüpeih; mehenangkü mehe mehe Pa-i düknya, Ha-i hapakei düknyüpeih.

JOHAN 6:26

Jisui jomphong kü, “Hingmei mü ngei am kü enyeih, ammi nyangeihepü eepü nangkü ngei yemnyu nevai, shejao moh-ei hahhen dangpü nangkü ngei yemnyu khih.

JOHAN 6:32

Hahepak kü Jisui jomphong kü, “Hingmei ngei am kü enyeih, am kü vangsho leipü hahying shuohpeyü Mosa nevai shejao hingshangpü hahying shuohpeyü ngelei Opa hih.

JOHAN 6:47

Hingmei ngei am kü enyeih, üami hinglemnya, vanyangyem nyüpeih.

JOHAN 6:53

Hanangkü Jisui jom kü, “Hingmei ngei am kü enyeih, ammi Shennyak Halei phai nehahpheikü hatü büpalei iy neyingpheikü am kü yangnyuyem nenyu.

JOHAN 8:34

Jisui jomphong kü, “Hingmei ngei am kü enyeih, mang thahpü peü mangei aathü hih.

JOHAN 8:51

Ngei am kü shahhing enyeih, üpai ngelei shah bangnya, büpa mechemao nedipih” shei e.

JOHAN 8:58

Jisui jomphong kü, “Hingmei ngei am kü enyeih, Abraham shekü ngei nyuhampeih” shei e.

1 PETER 1:25

shejao Shembüpalei shah düngei nyuhen, hatü hapayü am kü chongvenpü shah.”

SHAKEI VAMPÜ 20:11

Hapheikü ngei longpü ong uoshing shola hatü halei uopüba ee; kahdok vangsho büpa toueipü nyaidaikemi ee, hatü jom shingvaishi shing neshiüi leidai.