MATHI 5:11 - DAÜLANGPÜ LAIHING (BSI)

¹¹ Ngei nangkü mechem hangkuthüi am kü yaüeilunghen, am kü shüveihen hatü am khüei shahshemi ten peü ehenshang am moihimanpü.

MATHI 5:11 Iomraidhean Croise

MENVIH KESHO 35:11

Shennyaktenthüi ngei khüei denpü shuohnyüke, hatü ngei nyingei neshiüpü shahhidou nangkü ngei nyonghünyüke.

MENVIH KESHO 44:22

Shejao nüng tata kü helushoei ham jütüknyüke; hamü jühen deipü mithü kei nyüke.

ISAIAH 25:8

Büpai dipü den shingvaishi lühtükhen. Hahepak kü Shembüpa Kahvangi peüei mük kübümükphi thittükhen, hatü büpai kahdoknyü peü kübü laophülei nanglakthü lomohpü peü yahlanghen shei Shembüpai eteke.

ISAIAH 51:7

Ngei epü bangtuh, am jiüpü nyingpüthü, hatü ngelei shahkung mongdangei tuhpüthü; Hangkui eelapü hatü depünaampü kü tenyem.

ISAIAH 66:5

Am üami Shembüpalei shah kü nyemnya, büpalei shah bangtuh: “Ammei jeihinaüthü üami am kü jiühitnya, hatü ngelei men kü amphong laktük hathüi eteke, ‘Hami am mongongpü eehen shingvaishi Shembüpa müknyinshekhanghütuh’ shejao jomphongü veühühen.”

JEREMIAH 37:14

“Hapakei nevaipih! Ngei Babylon am tuhphongnyu nevai” shei Jeremiah-i e. Shejao Irijah-i büpai epü kü nebangi büpai Jeremiah yepei lakchongbüthü touei müei dei.

MATHI 10:18

hatü ngelei men tata kü jom hatü Kung am touei denpü hük vaihen nangkü am governor hatü ongthü touei shüei deihen.

MATHI 10:22

Ngelei men kü peüi am kü jiühitphahen. Shejao üpai dohpü ngoishi nenaokhenshang yanghen.

MATHI 10:25

nanglom hüki nyuhbü kei nyuhen, hatü aa hük shembü kei nyuhen changpeih. Shemong kü shangjing hük kü Beelzebul shei nyükjema, aopü shem am keyü ha kao nemeipüba nyükphahen.

MATHI 10:39

Üami laophülei yangnyu dangnya, ha mahtükhen, hatü üami ngelei men kü jomei yangnyu mahtükhen, ha danghen.

MATHI 19:29

Üami ngelei men kü laophülei shem, jeihinaü, nyahinaü nevaijü nyühipa, hapeüthü nevaijü kahthü tuhphong, jomphongi kho hükpa nyeishi danghen hatü yangnyuyem danghen.

MATHI 24:9

Hahepak kü amphongü shüveihen shingvaishi lanei shuohtükhen, hatü am jütükhen, hatü ngelei men kü jat peüi am kü jiühitphahen.

MATHI 27:39

Peihpü peüi ngaüm dhiyei büpa kü eela,

MARK 13:13

hatü ngelei men kü am kü peüi jiühithen. Shejao üpai dohpü thahshi nenhenshang yanghen.

MARK 13:9

Am laophü nyingi lishi nyutuh; mehenangkü jomi am yepei shahphen shingei lanei shuohhen; hatü amphong kü Sinagoglei üpphahen, hatü amphong ngei nangkü denpü shuohhen governor hatü ongthü touei yaonghen.

MARK 4:17

Shejao jom kü tünglang yiüei nenyupü nangkü jomü hepak kansho hük mon nyunyüke. Hapa shahjangmei nangkü mechem shanghah nevaijü shüveidoidei peihenshang jom lomi dodainyüke.

MARK 8:35

Mehenangkü üami laophülei yangnyu yanghünya, mahhen, hatü üami ngei shingvaishi hatü shahjangmei nangkü laophülei yangnyu mahnya, yanghen.

LUK SHAHSHA APPÜ 21:12

“Shejao hathü peü vamshekü jomi amphong yepei shüveiphahen; jomi amphong Sinagoglei hatü khoklatei tuhhen, hatü ngelei men kü jomi am ongthü hatü governorthü touei müei deihen.

LUK SHAHSHA APPÜ 21:17

Ngelei men kü peüi amphong kü jiühitphahen.

LUK SHAHSHA APPÜ 6:22

Shennyak Ha nangkü mechem nanglakthüi am kü jiühithen, mechem am laktükhen, naamei ehen, hatü am kü ten ehenshang am moihiman.

LUK SHAHSHA APPÜ 9:24

Mehenangkü üpai laophülei yangnyu yanghünya, mahtükhen, shejao üpai laophülei yangnyu mahtüknya, yanghen.

JOHAN 15:21

Shejao ngelei men tata kü jomi am kü ha douthü dükphahen; mehenangkü üpai ngei shom, jomi büpa nenying.

JOHAN 9:28

Hahepak kü jomi büpa kü eelaei, “Nüngü büpalei nanglom, shejao hamphongü Mosalei nanglomthü.

PHONGSHANTHÜ DOU 9:16

Ngelei men kü büpa meshük shangponghen ngei büpa kü hutepih” shei e.

ROM SHAHSHA APPÜ 8:36

Ha nyangei nyüke: “Nüngei men kü hami helushoei dipü ponghah; hamphong keyü jütükhen mi kü kei nonyüke.”

1 KORINT 4:10

Khristalei men kü hamphongü ngapathü kei, shejao amphongü Khrista kü longi nahshi nyüke. Hamphongü wong nekoh, shejao amphongü wong kohshi nyüke! Amü dhüm kohshi, hamphongü dhüm neshiü.

2 KORINT 4:11

Mechem ham yemmü nyunya, hamei hangku phai kü Jisulei yangnyu eehühen shingvaishi hami düngei Jisulei men kü dihen kü lanei shuohtüknyeih.

PHILIPPI 1:29

Mehenangkü hapayü Khristalei men kü hinglemhen mon nevai, shejao büpa shingvaishi shangponghenao am kü shuohpeih.

1 PETER 2:23

Mechem jomi büpa kü yaüeilungei epa, büpai ha kü nekhang; mechem büpa shangpongpa, büpai nyemneshao, shejao shahhing shahphenbü kü büpa lanei shuoh.

1 PETER 4:14

Khristalei men kü am kü yaüphüjema, am moihimanpü; mehenangkü müknyinshekhangpü Laangha, Kahvang Laangha am kü nyuishi nyüke.

SHAKEI VAMPÜ 2:3

Am munenpü hatü ngelei men kü tok vaipü ngei nyingnyüpeih, hatü am nenyiunenang.