MATHI 5:10 - DAÜLANGPÜ LAIHING (BSI)

¹⁰ Daülangshemshepü men kü üami shüveidoideipü ponghahnya, jom moihiman; mehenangkü vangsho ongchingü jomphongei.

MATHI 5:10 Iomraidhean Croise

MENVIH KESHO 37:12

Daülangpüthü khüei nemeipüthüi shah shownyüke, hatü jomei bha vüknyüke;

ISAIAH 66:5

Am üami Shembüpalei shah kü nyemnya, büpalei shah bangtuh: “Ammei jeihinaüthü üami am kü jiühitnya, hatü ngelei men kü amphong laktük hathüi eteke, ‘Hami am mongongpü eehen shingvaishi Shembüpa müknyinshekhanghütuh’ shejao jomphongü veühühen.”

MATHI 10:23

Mechem jomi am kü jila hükei shüveiphahen, hükpalei nyaidaituh; mehenangkü hingmei ngei am kü eshah, Shennyak Ha yiüshekü amphong Israel jilathü peü kü daiyei nekemi nyuhen hih.

MATHI 19:14

shejao Jisui, “Maanpü hashihthü ngei touei deikei, hathü kü tekhüamshuoh; mehenangkü vangsho ongchingü hapa keipüthü shing hih” shei e.

MATHI 25:34

Hahepak kü ongpai büpalei lakdah philei nyupüthü kü, “Peikei, amphong Opai moihimanpüthü, kahdoknyü chongnyiam lingshingkü am shing tempü ongching mükjüp yahtuh;

MATHI 5:3

Laangha kü taopü nyingpüthü moihiman; mehenangkü vangsho ongching jomphongei.

MARK 10:14

Shejao mechem Jisui ha eepa, büpai jomphong kü mongshih-ei, “Maanpü hashihthü ngei touei peihütuh; jom kü tekhüamshuoh; mehenangkü Kahvang ongchingü hathü keipülei hih.

MARK 10:30

shemthü, jeihinaüthü, nyahinaüthü, nyü, hapeüthü, hatü kahthü mü shüveidoideiyao omshi hapa den kü danghen, hatü ngoikahen den kü vanyangyem danghen.

LUK SHAHSHA APPÜ 21:12

“Shejao hathü peü vamshekü jomi amphong yepei shüveiphahen; jomi amphong Sinagoglei hatü khoklatei tuhhen, hatü ngelei men kü jomi am ongthü hatü governorthü touei müei deihen.

LUK SHAHSHA APPÜ 22:29

Opa-i ngei kü ongching hük shuohpü keiha ngeiyao amphong kü ha shuohnyeih;

LUK SHAHSHA APPÜ 6:20

Hapheikü büpai nanglomthü kü ngangei veitü ha eteke: “Am taopathü moihiman, mehenangkü Kahvang ongchingü amphongei.

LUK SHAHSHA APPÜ 6:22

Shennyak Ha nangkü mechem nanglakthüi am kü jiühithen, mechem am laktükhen, naamei ehen, hatü am kü ten ehenshang am moihiman.

JOHAN 15:20

“Aathüyü shembü mü longpü nevai” shei ngei am kü epü shah deih-ei dangtuh. Jomi ngei kü dangkao shüveijema, am kao shüveiphahen. Jomi ngelei shah bangjema, ammei shah-ao bangkahen.

PHONGSHANTHÜ DOU 5:40

hatü jomi phongshanthü nyükei shüei hathü kü bheiteke. Hapheikü jomi hathü kü Jisulei men kü shah ne-ehen ngeükhüam shuohtü deishihtük.

PHONGSHANTHÜ DOU 8:1

Hatü jomi büpa jüpü kü Sauli monghamei jiüphei shei deih. Ha nyih Jerusalem leipü attoi khüei shüveidoidei nemei-i chongpang, hatü phongshanthü mü lenei peü Judea hatü Samaria kahmükei yandaikem.

2 KORINT 4:17

Mehenangkü hapa maanpü hatü kansho hük shangpongpü homei ham shing shetei neaokpü nedohnetenpü müknyinshekhang temnyanyüke;

PHILIPPI 1:28

hatü am khüpüthüi am nenyemhühen. Jom shingvaishi hapayü jom mahhen nyangeihepü, shejao am shingvaishiyü yemleipü nyüke, hatü hayü Kahvangi dükpeih.

2 TIMOTI 2:12

jeni munenjema, jenao büpa mü vanglem lemhen; jeni büpa nelahjema, büpaiyao jen nelahhen;

2 TIMOTI 3:11

hatü Antiokh hatü Ikonium hatü Lystralei ngei shüveidoidei ponghahpü munenpü nüngi eeteke. Shejao Shembüpai hathü peü kübü ngei yangpeih.

JAKOB 1:12

Dokpü peishingkü üpai hinglemei nyu, büpa moihiman. Hapa keipü dokpü kü aokpü shennyak kü Shembüpai büpa kü bampüthü kü shuohhen lahpü yangnyu athen shuohhen.

JAKOB 5:11

Hingmei nenteiaokpü hupüthü kü hami moihimanpü shei nyüknyeih. Jobi munenpü ammi danphei hatü mekei Shembüpai phahji hatü shinshang, ammi Shembüpalei mükhong eeteke.

1 JOHAN 3:12

Jenphongü laophülei naüpeü jütükpü kahshih leipü Kain kei nevaihen khih. Mehekei büpai chenaü jüpa? Mehenangkü büpai dükpü dou nejiü, shejao chenaüi dükpü dou jiüshi nyuteke.

SHAKEI VAMPÜ 2:10

Am mepa shangponghen nyu, ha kü tenyem. Am kü dokhen shingvaishi kahshih-i am hanei yah-ei khoklatei shükhen mü nyüke lituh, hatü nyih an shing am shangponghen. Dipü thahshi hinglemtuh, hatü ngei am kü yangnyu athen shuohhen.