MATHI 4:24 - DAÜLANGPÜ LAIHING (BSI)

²⁴ Hanangkü büpai dükpü doumei jung Syria kahdok peü lemei dai, hatü jomi büpa touei tüngpüthü, dinlem laolao thahpüthü, shangpüthü, shepe-i yeppüthü, mohohyoi kohpüthü hatü büm bhaoei didaipüthü büpai meihü.

MATHI 4:24 Iomraidhean Croise

2 SAMUEL 8:6

Hapheikü Davidi Damaskalei Aramea am kü veshanthüi yomei tuh, hatü Aramea am David phangkü nyu, hatü büpa kü bom ühteke. David melemei dai, peü lem kü Kahvangi aokpü danghü.

1 ONGPATHÜ 10:1

Mechem Sheba am onglanyüi Shembüpalei men homei Solomon men-e leipü jung danpa, pinnyüi büpa kü wongpü wongpü shahthü pheyei dokhen shingvaishi pei.

1 ONGPATHÜ 4:31

Büpa shennyakthü peü mü nahpüba nyu: Ezrah am Ethan, hatü Maholei chehathü Heman, Kalkol hatü Darda mao nahpüba nyu, hatü büpalei men ngeihpü shonpü jatthü peü touei baongeiyaüei etei.

1 SHÜPPÜKENGPÜ 14:17

Kahdok peülei Davidei men baongeiyaüei dai, hatü Shembüpai jatthü peü David kü nyemhü.

1 SHÜPPÜKENGPÜ 29:2

Hanangkü ngelei Kahvangei shem shingvaishi ngei aokpü thahshi hon, ngin, melangnyiam, nyiam hatü pü temtepih. Ha mü lenei nyemhen onyx yaong, nyiam, ow kohpü yaong, douvang yaong lemphü, hatü marble yaong changshi temtepih.

MÜLANGPÜ 15:26

Büpai, “Ammi Shembüpa, ammei Kahvangei ngeü kenhingei bangjema, hatü büpa touei mehe jiüpa, ha dükjema, hatü büpai kangpü kü ven bangei büpalei shahkungnyü noteijema, ngei Ijip am kü shuohbenüng dinlem meheyao am kü neshuohpih; mehenangkü ngeiyü din meihüpü Kahvang hih” shei eteke.

MATHI 12:22

Hapheikü jomphongi büpa touei mang laanghai yeppü shennyak hük mükao phüngdai shah-ao ne-e-i müei dei, hatü Jisui büpa meihü, hatü büpai shah-ao eaok, mükiyao eeteke.

MATHI 14:1

Hahepak kü Galil kü vanglem lembü Herodi Jisu jung dan;

MATHI 15:22

Hahepak kü hapa shing leipü Kanan am nyüha hük lenyaki vamei, “Ngei kü phahjishih, Shembüpa, David Ha: ngelei yiükha mang laanghai yepei hanghinyüke” shei e.

MATHI 17:15

“Shembüpa, ngelei hapeü kü phahjishih; mehenangkü büpa kü mohoh yoi nyüpeih, hatü longi shangpongnyüke; büpai chengei aw kü shünyüke, hatü yungei laongnyüke.

MATHI 17:18

Jisui mang laangha kü loh, hatü ha büpa leipü vamdai, hatü shaangüng meidai.

MATHI 4:23

Jisui Galil peü thümei Sinagoglei nyuh-ei, hatü ongching jung shahjangmei chongvenei lemphü dinlem meihüei hatü nanglakthü khongkü tüngpü lemphü meihüei dai.

MATHI 8:28

Mechem büpa yungdang homei Gadarenes kahmükei heihjapa, shepe laangi yeppü shennyak nyi mahngchong leipü vamei büpa mü pongtei. Üpaiyao hapa lem homei nedaiaokhen mü jijiyü longi mangshi nyu.

MATHI 8:33

Hapa ook yombüthü chingei mokei aongei shepe-i yeppü nyi kü mehe vampa, hapa büshah kemei ejateke.

MATHI 8:6

“Shembüpa, ngelei chongphobü büm bhaoei didaitü longi shangpongei shemei lemshi nyüpeih” shei e.

MATHI 9:26

Hapa shahjang ha kahmük peülei yaüei dai.

MATHI 9:35

Hapheikü Jisui chingnyü chingha peülei daiyei jomei Sinagoglei nyuh, hatü ongching jung shahjangmei baongei, din lemphü hatü tüngpüthü meihüei dai.

MARK 1:28

Chemjalak kü büpai dükpü doumei jung Galil kahmük shonpü peü lemei yaüei dai.

MARK 1:32

Ha ya om vanghe shüpheikü jomphongi büpa touei tüngpü hatü mang laanghai yeppüthü peü müei dei,

MARK 2:3

Hahepak kü shennyak hanei-i bümphi diyei tüngpü shennyak hük shennyak ali-i paiyei pei.

MARK 2:4

Khong ahdaipü nangkü jomi shem adok yamtüktü jomi büpa lüngei lemhütü chongei sheüei shanshih.

MARK 2:9

Tüngpü shennyak kü, ‘Nüngei mangthü tüktepih’ shei ehen yopü hi ‘Yaongtuh hatü nüngei lüng paitü kamtuh’ shei ehen yopa?

LUK SHAHSHA APPÜ 2:2

Hapayü shongpü men nyangpü hatü hayü Syria kü Quirinias-i governor vaipü hepak kü nyuteke.

LUK SHAHSHA APPÜ 4:14

Hapheikü Jisui Laangha Daülangpai maei Galilei nyokei lei, hatü büpa jung shinpü kahmük peü lemei yanei dai.

LUK SHAHSHA APPÜ 4:38

Büpai Sinagog tuhtü daiyei Simonei shemei shü. Shaang Simonei chenyühalei chenyü mihbheüi tüngei nyu, hatü jomi pinnyü nang Jisu kü ejateke.

LUK SHAHSHA APPÜ 5:15

Shejao nyeinya büpa jung shahjang yanei dai, hanangkü büpai epü banghen hatü tüngpü meitükhahhen shingvaishi büpa touei pei.

LUK SHAHSHA APPÜ 5:24

Shejao hapai kahdoknyü kü Shennyak Ha kü mang tükhen wong nyüke shei ammi nyinghen” shei e. Büpai bümphi dipü shennyak kü, “Ngei nüng kü enyeih, nüng lüng paitü shemei leidaituh” shei e.

LUK SHAHSHA APPÜ 7:17

Büpa nang hapa shahjang Judea kempülei hatü shinpü kahmük peülei yanei dai.

JOHAN 10:21

Lebüthüi, “Hapayü kahshih nyupülei shahthü nevaipih. Kahshih-i mükphüngpalei mük apaokhen je?” shei e.

PHONGSHANTHÜ DOU 10:38

Mekei Kahvangi Nazareth am Jisu Laangha Daülangpai hatü ngani thiteiphu, hatü mekei büpai doumei dükei, hatü mang laanghai shüveihahpüthü meihüpa ammi nyingei nyüke; mehenangkü Kahvang büpa mü nyuteke.

PHONGSHANTHÜ DOU 15:23

hapa lai kotü shom: “Ammei jeihinaü, phongshanthü hatü behethüi jeihinaü Kung am vaipüthü Antiokh, Syria hatü Cilicia kü nyupüthü peü touei selam.

PHONGSHANTHÜ DOU 15:41

Büpai attoithü wong kohhüei Syria hatü Cilicia homei dai.

PHONGSHANTHÜ DOU 28:9

Ha vampheikü hapa shübaong kübü lebü nanglak din nyupüthü pei hatü tüngpü meitükkem.

PHONGSHANTHÜ DOU 8:7

Mang laangha nyupü shennyakthü ngeüwong anei vaüei vamteke, hatü bümphi dipü hatü lakhopüthü lebü longi meihü.

JOSHUA 6:27

Hanangkü Shembüpa Joshua mü nyu, hatü büpalei men kahdoknyü peü lemei yaüei daiteke.