MATHI 3:2 - DAÜLANGPÜ LAIHING (BSI)

² “Mong leptuh; mehenangkü vangsho ongching yopailei nyüke” shei e.

MATHI 3:2 Iomraidhean Croise

1 ONGPATHÜ 8:47

jomi jom wüpküpei nyushi mong yeiyaei mong lepei vepa kahdokei nüng kü phopei, “Ham mang thahteke, nejiüi dükteke; hami nemei-i dükteke” shei ejema;

JOB SHAHSHA APPÜ 39:12

Büpai hah tenshingei manang paiyei leikahen shei nüngi hinglemaokhen je?

JOB SHAHSHA APPÜ 42:6

Hanangkü ngei etükpeyü nejiü shei ngei lahnyeih, hatü ngei bhihla hatü depla kü hoiyei mong lepnyeih.”

EZEKIEL 33:11

Ngeiyü vanyangyem Kahvang shei Shembüpa Kahvangi enyüke, ngei mang shennyak hük dipü kü mongneongnyih, shejao mang shennyak hük laophülei lem kübü mong lepei leiyei yangnyu yem dangei nyupü eehünyeih. Oh Israel phang, ammei mang lemthü kübü mong leptuh, mehekei am dihenang?

DANIEL 2:44

Hathü ongthülei nyih kü, vangsho Kahvangi mechemao nemahnechahhen ongching hük linghen, nevaijü vepai nehahhen. Hapai lebü ongchingthü kemei ngümtükhen, hatü dohtükkemhen, shejao hapa ongching denden kü nyuhen.

MATHI 10:7

Am daishingkü, “Vangsho ongching yopailei nyüke” shei ha shahjangmei baongeishuoh.

MATHI 11:20

Hapheikü büpai ngan homei yashanpü dou dükpü chingnyüthü kü jomi mong neleppü nangkü lohteke.

MATHI 12:41

Shahphenpü nyih kü Nineveh nanglakthü yaonghen hatü am nyonghühen; mehenangkü jomi Jonah-i chongvenpü kü mong lepteke, hatü veituh, Jonah mao longpü lemhük hamü nyüke.

MATHI 13:11

Büpai jangei e, “Amphong kü payü vangsho ongching doujo nyinghen shuohteke, shejao jomphong kü payü mangshuohpih.

MATHI 13:24

Büpai jomphong kü lebü shahlap hük e: “Vangsho ongchingü shennyak hük laophülei kahlei sheili haipü hük leshi nyüke.

MATHI 13:31

Büpai jomphong kü lebü shahlap hük e: Vangsho ongchingü shennyak hüki haoyang vang yah-ei laophülei kahlei haipü hük leshi nyüke.

MATHI 13:33

Büpai jomphong kü shao lebü shahlap hük e: Vangsho ongchingü nyüha hüki daw yah-ei aanthüng dok jem kü ha mangpaai thahshi vukpükei nyüke.

MATHI 13:47

Shao, vangsho ongchingü yungching kü shang haentü nyahlem laolao yeppü leshi nyüke.

MATHI 13:52

Büpai jomphong kü, “Hanangkü vangsho ongching shingvaishi nyuhtükpü shahkung nyuhbüthüyü shem shembü hük laophülei mop tuhshing leipü mop chang mop ja peü ngaipükei nyüke” shei e.

MATHI 18:23

Hanangkü vangsho ongchingü ongpa hüki laophülei chongphobüthülei bheishe hang henghen yaongpü leshi nyüke.

MATHI 20:1

Vangsho ongchingü kah shembü hük dhom mü laophülei nyalingngupai kahlei shahen nang yemei daipü leshi nyüke.

MATHI 22:2

Vangsho ongchingü ong hüki laophülei yeshang shingvaishi yiükjing mo ühpü leshi nyüke.

MATHI 23:13

Am akhümmong-üm shahkung nyuhbü hatü Phariseethü, onyükei! Mehenangkü ammi shennyakthü neshühahhen mü vangsho ongching küptüknyüke, hatü am nyingiyao halei neshünyu, hatü mih shühenao nehannyu.

MATHI 25:1

Hahepak kü vangsho ongchingü nela an awdük notü yiükyahpa ombaong daipü leshi nyukahen.

MATHI 25:14

Shao hapayü shennyak hük yen kü dainüng kü laophülei chongphobüthü nyükei büpalei mop kü veihen hanei shuohpü leshi nyüke.

MATHI 4:17

Hahepak kübü Jisui, “Amphong mong leptuh; mehenangkü vangsho ongching yopailei peiteke” shei baonghen chongpang.

MATHI 4:23

Jisui Galil peü thümei Sinagoglei nyuh-ei, hatü ongching jung shahjangmei chongvenei lemphü dinlem meihüei hatü nanglakthü khongkü tüngpü lemphü meihüei dai.

MATHI 5:10

Daülangshemshepü men kü üami shüveidoideipü ponghahnya, jom moihiman; mehenangkü vangsho ongchingü jomphongei.

MATHI 5:3

Laangha kü taopü nyingpüthü moihiman; mehenangkü vangsho ongching jomphongei.

MATHI 6:10

Nüngei ongching peikei. Vangsholei keiha kahdoknyü leiyao nüng mong vaituh.

MATHI 6:33

Shejao shongei Kahvang ongching hatü büpa daülangshemshepü yemtuh, hatü hathü douthü peü am kü yahphahen.

MARK 1:15

hatü, “Hepak ngoiteke, hatü Kahvang ongching yopailei nyüke; mong lepei shahjangmei kü hinglemtuh” shei e.

MARK 1:4

Hanangkü Johan baptükbüi jahpanei vamei mang tükpü danghen nangkü mong lepei yung kü hüngtuh shei chongven.

MARK 6:12

Hanangkü jom daiyei peü mong leptuh shei chongven.

LUK SHAHSHA APPÜ 1:16

Büpai Israel nanglakthü longi Shembüpa, jomei Kahvang touei müei leihen.

LUK SHAHSHA APPÜ 11:20

Shejao ngei Kahvangei ngani mang laanghathü changtükjema, Kahvang ongching am touei peiteke.

LUK SHAHSHA APPÜ 13:3

Ngei am kü enyeih, nevai! Shejao amphong mong nelepjema ammao hapakei mahhen.

LUK SHAHSHA APPÜ 13:5

Ngei am kü enyeih, nevai! Shejao amphong mong nelepjema amphongao hapakei mahhen” shei e.

LUK SHAHSHA APPÜ 15:10

Hapakei ngei am kü enyeih, mang shennyak hük mong lepei leijü Kahvangei vangsho phongshanthü nyupü shingei mongong longpü nyüke.”

LUK SHAHSHA APPÜ 15:7

Hapakei ngei am kü enyeih, mong lephen nadang nevaipü daülangpü shennyak büalipüanpüshü leimeyü mechem mang shennyak hük mong lepei leihenshang vangsholei nyeinya mongongpü nyuhen.”

LUK SHAHSHA APPÜ 16:30

“Nevai, opa Abraham, dipü kübü hanei yangei leiyei jom kü ejü mon jom mong lephen khih” shei büpai e.

LUK SHAHSHA APPÜ 21:31

Hapa keiha mechem ammi hathü dou vamei eehenshang, Kahvang ongching yopailei nyüke shei nying.

LUK SHAHSHA APPÜ 24:47

hatü Jerusalem kübü pangei jatthü peü kü mong leppü hatü mang tükpü jung baonghen.

LUK SHAHSHA APPÜ 6:20

Hapheikü büpai nanglomthü kü ngangei veitü ha eteke: “Am taopathü moihiman, mehenangkü Kahvang ongchingü amphongei.

LUK SHAHSHA APPÜ 9:2

hatü büpai jomphong Kahvang ongching baonghen hatü tüngpü meihühen shom.

PHONGSHANTHÜ DOU 11:18

Mechem jomi ha danpa, jomphong nendai, hatü jomi Kahvang men longei, “Shejema Kahvangi Kung am kao yangnyuyem touei mülanghen mong lephen shuohhen khih” shei e.

PHONGSHANTHÜ DOU 17:30

Peihdaipü hepak kü hapakei nenyingpeyü Kahvangi hei-üng tuhphongpeih, shejao shaang büpai shing peü leipü hangkuthü kü mong lephen shahkung shuohnyüke.

PHONGSHANTHÜ DOU 2:38

Peteri jomphong kü, “Amphong mong leptuh, hatü am peüi Jisulei men kü yung kü hüngtuh, shejüang ammei mang tükphahen, hatü amphongi Laangha Daülangpü thintho danghen.

PHONGSHANTHÜ DOU 20:21

Ngei Jehoda hatü Greek am nyiphen kü Kahvang touei mong lephen hatü Shembüpa Jisu kü hinglemhen ngei denpü shuohteke.

PHONGSHANTHÜ DOU 26:20

shejao shongpüba kü Damaska, hapheikü Jerusalem, hatü Judea kahmük kempülei hatü Kung am kao jom mong lepei Kahvang touei leihen, hatü jom mong leppü doui huhen epeih.

PHONGSHANTHÜ DOU 3:19

Hanangkü mong leptuh, hatü ammei mang thitei yaktükphahen shingvaishi Kahvang touei lepei leituh,

2 KORINT 7:10

Mehenangkü Kahvang deihshi mongmangpeyü yemleipü touei mühen mong leppü vamhünyeih, hatü mongmangei nenyunyih, shejao kahdoknyü mongmangi dipü vamhünyeih.

KOLOSI 1:13

Mehenangkü büpai jen vangnyaki vanglem lempü kübü jen yangei büpai bampü Halei ongchingei jen müei leiteke.

2 TIMOTI 2:25

laophü kü khüpüthü kü inyainyemi yeanpü shuohaokpü vaihen vongbong. Üpai nying, jom mong lepei shahhing nyingei leihen Kahvangi shuohhen aok,

HEBREW 6:1

Hanangkü jeni Khrista jung lapjai nyuhpüvenpü tuhphongtü behe leipü lemei daishah. Didaipü dou kübü mong lepei Kahvang kü hinglempü,

2 PETER 3:9

Shembüpai lahtükpü nangkü hanei ami deihpükei kaaei nenyu, shejao üpayao nemahtükhüei, shejao peü mong lepei leihahhüpü nangkü am mü nenteiaokei danei nyüke.

SHAKEI VAMPÜ 2:21

Ngei pinnyü kü mong lephen hepak shuoh, shejao pinnyüi mükbongjuyung kübü mong lepei neleihünyu.

SHAKEI VAMPÜ 2:5

Mepa kübü am vüei nyüpa, ha deih-ei dangtuh; mong leptuh, hatü ammi shongei dükpü dou düktuh. Hei nevaijema ngei am touei peiyei ammei awdük vangngai ha shing leipü yahlanghen.