MATHI 3:16 - DAÜLANGPÜ LAIHING (BSI)

¹⁶ Jisu baptükhinüng yungeipü vam. Hahepak kü vangsho shaden aptü athuba keiha Kahvang Laangha vangsho leipü yiüei büpa kü bakteke,

MATHI 3:16 Iomraidhean Croise

ISAIAH 11:2

Shembüpalei laangha büpa kü nyuhen, kihikon hatü danaokpü laangha, shahnying venpü hatü ngan laangha, nyingpühingpü hatü Shembüpalei laangha büpa kü nyuhen.

ISAIAH 42:1

Ngei wong kohhüpü ngelei chongphobü hamü nyüke, Ngei monghahpü ngei jepü hük; Ngei ngelei laangha büpa kü shihpeih, hatü büpai jatthü peü kü shahhing koei peikahen.

ISAIAH 59:21

Shembüpai, “Ngei shingvaishiyü, hapayü ngei jomphong mü vangteipü nyüpeih” shei enyüke. “Ngelei laangha mepa am kü nyu, hatü ngelei shah ammei ju kü shihpü ha ammei ju kübü nevaijü ammei hapeüthü nevaijü hapeüthülei ju kübü shaang mebü dohpü neshiüi neyandaipih” shei Shembüpai enyüke.

ISAIAH 61:1

Shembüpa Kahvangei laangha ngei kü nyüpeih, mehenangkü Shembüpai ngei jepeih; Büpai ngei tokvaihanghipüthü touei shahjangmei kohen, mongdang mangdaipüthü meihühen, Wüpküpei nyupüthü kü bümei baonghen, hatü khoklatei nyupüthü laihühen;

EZEKIEL 1:1

Vangbong hapüan mü lenyang alipabü nyih ngapabü kü ngei Kebar yungyenei wüpküpei deipüthü mü nyushingkü vangshothü ap hatü ngei Kahvangei manghkhang eeteke.

MARK 1:10

Mechem büpa yung mongeipü vamjapa, vangsho jiam yamtü athuba keiha Laangha Daülangpü yiüei büpa kü bakpü büpai ee;

JOHAN 1:51

Shao büpai büpa kü, “Hingmei mü ngei nüng kü enyeih, nüngi vangsho shaden aptüktü Shennyak Ha shak kü vangsho phongshanthü aongpü leipü eehen hih” shei eteke.

JOHAN 3:34

Büpa üpa Kahvangi shom, büpai Kahvangei shah enyüke, mehenangkü büpai Laangha maei shuoh.

PHONGSHANTHÜ DOU 1:22

Johani baptükpü kübü pangei jen toueipü büpa manganlangpü nyih thahshi nyupü shennyak hük jehen vongbong khih. Mehenangkü hathü khongkü jepü hükü jenphong mü büpa yangei leipü kü denbü vaihen vongbong” shei Peteri eteke.

PHONGSHANTHÜ DOU 7:56

Büpai, “Veituh, ngei vangsho shaden aptüktü Shennyak Ha Kahvangei lakdah philei yaongshi eenyüke” shei e.

1 JOHAN 5:6

Hapayü yung hatü iy homei peipü Jisu Khrista, yungi mon nevai, shejao yung hatü iy homei. Hatü hapa kü denpü shuohpeyü Laangha; mehenangkü Laanghayü shahhing nyüke.