MATHI 3:11 - DAÜLANGPÜ LAIHING (BSI)

¹¹ Mong leppü nangkü ngei amphong yungi baptüknyeih, shejao ngei mao nyeishi wong kohpü hük üpa ngei pheikü peikünya, ngei büpalei lathuh nohen dangkao nechang, büpai amphong Laangha Daülangpü hatü awi baptükphahen.

MATHI 3:11 Iomraidhean Croise

ISAIAH 4:4

Shembüpai Zion nelathülei nühinam kemei paütükhen, hatü Jerusalemei iy haipü kemei shahphenpü laanghai hatü bahpü laangha aw homei daütükhen.

ISAIAH 44:3

Yung nedangpü kahdok kü ngei yung yahphahen, hatü kahngadok kü yungyenthü yenhühen; Ngei ngelei laangha ammei hühihathü, hatü ngelei moihiman ammei lihilathü kü khüpphahen.

ZEKHARIAH 13:9

Hatü ngei ha shing hük aopai aw kü shukhen, hatü hon hi ngin daüpükei daütükhen. Jomi ngelei men kü nyükhen, hatü ngei jom kü janghen. “Jomü ngelei nanglakthü” shei ngei ehen, “Shembüpayü hamei Kahvang” shei jomi ehen.

MATHI 3:6

hatü jomei mangthü lah-ei Jordan yungyenei büpai jom kü yung kü hünghüteke.

MARK 1:4

Hanangkü Johan baptükbüi jahpanei vamei mang tükpü danghen nangkü mong lepei yung kü hüngtuh shei chongven.

LUK SHAHSHA APPÜ 1:17

Elijahlei laangha hatü ngani büpai büpa shekü daiyei nyühipathülei mongdang hapeüthü philei, hatü ven nedanpüthü daülangpüthülei kihikon lemei nyokei leihen; hapa keiha Shembüpa shingvaishi nanglakthü temhen” shei e.

LUK SHAHSHA APPÜ 3:16

Johani jomphong kü shahnyok shuoh-ei, “Ngei amphongü yungi baptüknyeih, shejao ngei mao nyeishi wong kohpü hük peikünyüke; ngei büpalei lathuh vü laihenao neaok. Büpai amphong kü Laangha Daülangpai hatü awi baptükphahen.

LUK SHAHSHA APPÜ 3:3

Büpai Jordan shinpü kahmük peülei mang tükhen shingvaishi mong lepei baptükhen chongven.

JOHAN 1:15

Johani büpa nang denpü shuoh. Büpai lenei, “Ngei üpa nang e, hayü büpa hih. ‘Ngei pheikü üpa peikünya, büpayü ngei mü longpüba; mehenangkü büpayü ngei shekü nyuhampeih.

JOHAN 1:30

“Ngei pheikü shennyak hük peikünyüke, büpa ngei mü longpüba; mehenangkü büpa ngei shekü nyuhampeih” shei ngei ehampeyü büpa hih.

PHONGSHANTHÜ DOU 1:5

Mehenangkü Johani yung kü baptükteke, shejao shaang mebü nyih longi nenyui amphong kü Laangha Daülangpai baptükphahen.

PHONGSHANTHÜ DOU 19:4

Pauli, “Johanü mong leppü baptükpü kü büpa pheikü peihen hük, hayü Jisu kü hinglemtuh shei eyei baptükpeih” shei eteke.

PHONGSHANTHÜ DOU 8:36

Jiji chemi daishingkü yung nyupü shingei ngoi, hatü ban tüktükpü shennyaki, “Veihümao, hatouei yung nyüke! Ngei baptükhen mehe wongpü nyüpa?” shei e.

PHONGSHANTHÜ DOU 8:38

Büpai koyei khari yaonghü, hatü Philip jijiphen shüh-ei yungei yiü, hatü Philipi büpa kü baptükshuoh.

1 KORINT 12:13

Mehenangkü Laangha hük kü Jehoda am nevaijü Greek am, aa nevaijü bümei vaijao büm hük kü jen peü baptük, hatü jen peü kü Laangha hük yinghen shuoh.

EPHESIA 3:8

Ngei Kahvangei nanglakthü maanpü khongkü ahshi-üng maanpü hük vaijao, Kung am kü yemei neaokpü Khristalei mop jung shahjangmei kohen,

TITUS 3:5

büpai jen yangpeih. Hapayü jeni daülangpü dou dükpü nangkü nevai, shejao hapayü büpalei phahji shangshi Laangha Daülangpai jen ja bühpü kü daütüktü jen ja leihüei yangpeih.

1 PETER 5:5

Ha aihük mü am nethethüi behethü phangkü nyutuh. Am peüi hüki hük touei maanpü leipü ow owtuh; mehenangkü “Kahvangi changmeipüthü khünyeih, shejao maanpü leipüthü kü phahji shuohnyeih.”