MATHI 27:4 - DAÜLANGPÜ LAIHING (BSI)

⁴ Büpai, “Ngei daülangpü shennyak jühen luhahpai mang thahteke” shei e. Shejao jomphongi, “Hami ha mehe vaihen? Hayü nüng mong khihma” shei e.

MATHI 27:4 Iomraidhean Croise

1 ONGPATHÜ 21:27

Mechem Ahabi hathü shah danpa, büpai laophülei ashak shaaktüktü bümbai dhoila ashak ümtü shüaeiyungleteke. Büpai dhoila ashak ümtü shi, hatü mongshangei dhe yimdaitü nyu.

2 ONGPATHÜ 24:4

hatü nyeinya vaishi büpai mang neshiüpü iy longi yenhü. Mehenangkü büpai Jerusalemü mang neshiüpü iy yenpai mahü, hatü Shembüpai mang tükhen nemong.

JOB SHAHSHA APPÜ 13:4

Shejao amphongü shahshemi hangei yahtü nyüke; am peü yahlak neshiüpü dinbüthü khih.

JOB SHAHSHA APPÜ 16:2

Hapa keipü douthü jung ngei longi dantepih; am peü yahlak neshiüpü nyiushem meibüthü khih.

MENVIH KESHO 94:21

Jom chemi daülangpüthü khüei shah shownyüke, hatü mang neshiüpüthü jütüknyüke.

MÜLANGPÜ 12:31

Nyak kü Pharaoh-i Mosa hi Aaron nyi kü nyükei, “Anjiphen hatü Israel am kemei ngelei nanglakthü toueipü layaongei leidaishih! Anjinyi-i epükei leiyei Shembüpa kü khümtuh.

MÜLANGPÜ 9:27

Hahepak kü Pharaoh-i Mosa hi Aaron nyi nyükei, “Shinnyih-ü ngei mang thahteke; Shembüpayü jiüshangpü nyüke, shejao ngei hatü ngelei nanglakthü nejiüpü khih.

KANDOK 12:8

Laophülei kihikon aimü shennyak hük kü vihnyüpeih, shejao sholi neshiüpüthüyü ne-ienelemi yakphongnyeih.

JEREMIAH 26:15

Shejao ammi ha nyingtuh, ammi ngei jütükjema, ammi laophü nying kü mang neshiüpü iy ammei chingnyü, hatü halei nyupüthü kü yenhüpü vaikahen; hingmei ammi danshi hathü shah ehen shingvaishi am touei Shembüpai ngei shompeih.”

JONAH 1:14

Hahepak kü jomphongi Shembüpa kü, “Oh Shembüpa, hapa shennyakei yangnyu mahtükpü nangkü chingmeilemlingei ham temahtük; hapa iy yenpü kü ham pungpü teleihü; Oh Shembüpa, hayü nüngi mongpükei düknyüpeih” shei e.

MATHI 27:19

Mechem büpa shahphenpü uoshingei uoshi nyupa, chenyüha-i büpa kü, “Hapa mang neshiüpü shennyak kü meheyao tedük; mehenangkü shinnyih ngei büpa nangkü mangh hük kü ngei longi shanghahpeih” shei shah shomei e.

MATHI 27:54

Shaang mechem veshan kho hük shak kü mübü hatü büpa mü Jisu yomei nyupüthüi pedi vükpü hatü vampü douthü eepa, jom longi nyem hatü jomi, “Hingmei, büpayü Kahvang Ha vaipü khih” shei etei.

LUK SHAHSHA APPÜ 23:22

Pilati jempabü jomphong kü, “Mehekei, büpai mehe nejiüpü dükpa? Büpa dihen mü ngei meheyao büpa pungpü nedangang; ngei büpa kü bheitü vetükshah” shei e.

LUK SHAHSHA APPÜ 23:41

Jiyü jiüpü kü ponghahnyeih, mehenangkü jilei doui shangpü dangpeih. Shejao hapa shennyaki meheyao nejiüpü nedük” shei eteke.

LUK SHAHSHA APPÜ 23:47

Mechem veshan kho hük shak kü mübüi mehe vam, ha eepa, büpai Kahvang kü menvih shuoh, hatü “Hingmei, hapa shennyakü daülangpü vaipü khih” shei e.

JOHAN 19:7

Jehoda ami büpa kü jangei, “Hamei shahkung hük nyüpeih, hatü hapa shahkung aimü büpa dihen jiüteke; mehenangkü büpai büpayü Kahvang Ha hih shei epeih” shei eteke.

PHONGSHANTHÜ DOU 13:28

Jomi büpa jühen shangpü mang meheyao nedangjao jomi Pilat kü büpa jühen yüpeih.

ROM SHAHSHA APPÜ 3:19

Shahkungnyüi mehe enya, hayü shahkung phangkü nyupüthü kü enyeih shei jeni nyingnyüke, shejüang peüei ju nentükhen, hatü kahdoknyü kempü Kahvang touei shahphenhen.

1 TIMOTI 4:2

Hapa keipü nyuhpüvenpeyü nyiamshami ooktükpü akhümmong-üm shahshem mongdeih kübü vamnyüke.

TITUS 1:16

Jomi Kahvang nyingnyeih shei enyüke, shejao jomei doui büpa yaktüknyüke. Jomphongü jiühitbenüng, ven nedanpü hatü doumei shingvaishi mounghibhang kü nejiüpüthü nyüke.

HEBREW 7:26

Mehenangkü jeni daülangpü, eela neshiüpü, nesheihpü, mangthü kübü yanei nyupü, hatü vangshothü shak kü longei aongpü hapa keipü ngongchong anghen jiüpeih.

1 PETER 1:19

shejao kawhikang hatü eela neshiüpü Mi Cheha, Khristalei iy homei angei leipeih.

1 JOHAN 3:12

Jenphongü laophülei naüpeü jütükpü kahshih leipü Kain kei nevaihen khih. Mehekei büpai chenaü jüpa? Mehenangkü büpai dükpü dou nejiü, shejao chenaüi dükpü dou jiüshi nyuteke.

SHAKEI VAMPÜ 11:10

hatü kahdoknyü kü nyupüthüi jom shak kü mongongteihen hatü moeitapei thintho jeiteihen; mehenangkü hapa thibü nyi-i kahdoknyü kü nyupüthü kü longi shüveiteke.

1 SAMUEL 15:24

Sauli Samuel kü, “Ngei mang thahteke; mehenangkü ngei Shembüpalei shahkung shaiteke hatü nüngei shah nebang; mehenangkü ngei nanglakthü kü nyempai jomei shah bangpeih.

1 SAMUEL 15:30

Hahepak kü Sauli, “Ngei mang thahteke, shejao Israel am behethü hatü nanglakthü touei ngei kü dhüm huei ngei Shembüpa nüngei Kahvang kü khümhen chemi leishah” shei e.

1 SAMUEL 19:5

Büpai Goliath jühen nangkü laophülei yangnyu-ao lanei shuohpeih hatü Shembüpai Israel am peü shingvaishi aokpü longpü danghüpeih. Nüngi ha eeteke hatü mongongteke. Shejema meheyao mang neshiüpü David jüei mang thahhen je?” shei e.