MATHI 26:3 - DAÜLANGPÜ LAIHING (BSI)

³ Hahepak kü ngongpathü hatü behethü ngongchong Kaiaphaslei shemei thai,

MATHI 26:3 Iomraidhean Croise

MENVIH KESHO 56:6

Jomi dehilao vamhünyeih, jomi ngei tapei ngei daihilei veiyei nyunyüke, hatü ngei jühen dannyüke.

JEREMIAH 11:19

Shejao ngeiyü nenteiaokpü mi cheha jüshingei müei daipükei nyupeih. Jomphongi ngei khüei phaüshah showei, “Jeni hapa pü betjük mü agtükshah; büpalei men hajük kü deih-ei nedanghen shangmü jeni büpa yemmü nyupü kahdok leipü jütükshah” shei eteipü ngei nenyingi nyupeih.

JEREMIAH 17:27

Shejao ammi Sabbath nyih Jerusalem penyüsha homei hanggo kotü neshüpü homei Sabbath nyih daülangi tuhtuh shei ngei epü nebangjema, ngei Jerusalem penyüshathü kü mechemao nemethen aw vamhühen hatü hapai penyüshathü hahtükhen.’ ”

MATHI 26:69

Shaang Peter-ü chingshelei uoshi nyu. Chongphopü nela hük büpa touei heih-ei, “Galil am Jisu mü nüngao nyuhampeih” shei eshuohteke.

MATHI 27:27

Hapheikü governorlei veshanthüi Jisu müei governorlei ongshemei dei, hatü khong kemei büpa shonei thai.

MARK 14:54

Peter payü khaatshi büpa phei müshi daiyei ngongchongei chingkon thahshi heih-ei mongei shüei veyombü mü aw kü wohong meiyei uoshi nyu.

MARK 14:66

Peter maishi chingkonei nyushingkü ngongchongei chongphobü nyühanaüthü khongkü hük heih;

MARK 15:16

Hapheikü veshanthüi ongshem chingkon mongei (hayü governor ongshem) müei shü, hatü veshanthü peü chemi nyük.

LUK SHAHSHA APPÜ 22:55

Mechem jomi chingkon jiamei aw jaktü chemi uopa, Peter-ao jomphong mü nyu.

LUK SHAHSHA APPÜ 3:2

hatü Anna hatü Kaiaphas nyi ngongchong vaiyei nyushi Zekhariahlei cheha Johan kü jahpanei Kahvangei shah pei.

JOHAN 11:57

Shaang ngongpathü hatü Phariseethüi Jisu yephen shingvaishi büpa melei nyu nyingpüthüi jomphong kü shah shuohhen ngeükhüam shuohtüktü nyu.

JOHAN 18:24

Hahepak kü Anna-i shatükpü lakshing büpa Kaiaphas ngongchong touei shom.

JOHAN 18:28

Hahepak kü jomi Jisu Kaiaphas toueipü müei Pilatei ongshemei dei. Hapayü dhom hepak nyu. Jehoda am mübüthü ongshemei neshü; mehenangkü jomi Hompü Mo hahhen shingvaishi jom nyingi daütüktü nyuteke.