MATHI 24:9 - DAÜLANGPÜ LAIHING (BSI)

⁹ Hahepak kü amphongü shüveihen shingvaishi lanei shuohtükhen, hatü am jütükhen, hatü ngelei men kü jat peüi am kü jiühitphahen.

MATHI 24:9 Iomraidhean Croise

KANDOK 29:27

Daülangpüthüi nedaünelangpüthü kü jiühitnyeih, hatü nedaünelangpüthüi daülangpüthü kü jiühitnyeih.

DANIEL 11:33

Kon kohpü mübüthüi mih longi mü jomei kihikon hanteihen, shejao kanja shingvaishi jomphong hanei vehok kü mahhen, nevaijü aw kü jakei jühen, aetpüshepü ponghen nevaijü khoklat kü küphen.

MATHI 22:6

hatü aopüthüi büpalei chongphobüthü yepei üp, haneiyü jütük.

MATHI 23:34

Hanangkü ngei am kü thibüthü, nyingpühingpüthü hatü shahkung nyuhbüthü shomphahen; ha khong kübü hanei ammi jühen, shophang kü aphen, hatü hanei Sinagoglei üphen, hatü jila hük kübü hük shei changteiyei anghen,

LUK SHAHSHA APPÜ 11:49

Hanangkü Kahvangi büpalei kihikoni, ‘Ngei jom touei thibüthü hatü phongshanthü shomhen, jomi hathü hanei jühen hatü shüveihen’ shei eteke;

LUK SHAHSHA APPÜ 21:12

“Shejao hathü peü vamshekü jomi amphong yepei shüveiphahen; jomi amphong Sinagoglei hatü khoklatei tuhhen, hatü ngelei men kü jomi am ongthü hatü governorthü touei müei deihen.

JOHAN 15:18

Kahdoknyüi am kü jiühitjema, am kü jiühit shekü ngei kü jiühitteke shei ammi nyingtuh.

JOHAN 15:21

Shejao ngelei men tata kü jomi am kü ha douthü dükphahen; mehenangkü üpai ngei shom, jomi büpa nenying.

JOHAN 16:2

Jomi am Sinagog leipü changtükhen. Hingmei, am jüpüthüi hapakei dükpai Kahvang kü khümnyeih shei deihhen hepak hük ngoikünyüke.

PHONGSHANTHÜ DOU 28:22

Shejao nüngi mehe deih, hami nüng leipü danhahhüangke; mehenangkü hapa khong nangkü peüei khüei langmaanpü hami nyingnyüke” shei e.

PHONGSHANTHÜ DOU 7:59

Mechem jomi Stephen kü yaongi shükpa, büpai, “Shembüpa Jisu, ngelei laangha yahtuh” shei phop.

1 PETER 4:16

Shejao Khristan hük keiha am shangpongjema, hapayü veüpong kei tedeih, shejao ammi hapa men kopü nangkü Kahvang men vihtuh.

SHAKEI VAMPÜ 2:10

Am mepa shangponghen nyu, ha kü tenyem. Am kü dokhen shingvaishi kahshih-i am hanei yah-ei khoklatei shükhen mü nyüke lituh, hatü nyih an shing am shangponghen. Dipü thahshi hinglemtuh, hatü ngei am kü yangnyu athen shuohhen.

SHAKEI VAMPÜ 2:13

Melei Satan ong uoshing nyu, halei am nyupü ngei nyingnyeih. Shejao ammi ngelei men kü wongshongi shoungnyüke, hatü ngelei denbü Antipas, ngei kü hinglempü hük, Satan nyushing ammei chingnyülei jütükpü nyih kao ammi ngelei men kü hinglempü neyaktük.

SHAKEI VAMPÜ 7:14

Ngei büpa kü, “Longpüba, nüngiang nyingei nyüpeih” shei ngei jangei e. Hahepak kü büpai ngei kü, “Hathüyü shüveidoidei longpü kübü yangei peiküpüthü khih; jomi jomei bhagthuh Mi Chehalei iy kü dhotüktü shotoh-i leihüpü khih.