MATHI 24:21 - DAÜLANGPÜ LAIHING (BSI)

²¹ Mehenangkü hapa hepak keyü kahdoknyü chongpanghinüng shaang thahshi kü mechemao hapakei nenyupü hatü mechemao hapakei nenyukahen shanghah hük nyuhen.

MATHI 24:21 Iomraidhean Croise

EZEKIEL 5:9

Ammei jiühitnalaipü douthü nangkü ngei shelei chemao nedükpü dou hatü ngoikahen kao nedükhen dou ngei am kü dükhen.

DANIEL 12:1

Hahepak kü longpü vangsho phongshan Mikhael, üpai nüngei nanglak yomnya, büpa peikahen. Jatthü chongpanghinüng hapakei chemao mangvampü shangpong yakying hepak hük peikahen. Shejao shangpong hepak kü nüngei nanglakthü üamei men laitap kü nyangei nyu, yanghen.

DANIEL 9:26

Hapta pejempünyi peihpheikü, thiteiphutükpü ongpayü jütükhen hatü meheyao neshiühen, hatü peikahen nyupü ongpalei veshanthüi chingnyü hatü Phopshem mangtükhen. Dohpütenpeyü bünghiyang kei peikahen hatü dohpü ngoishi vehok nyukahen.

JOEL 1:2

Hapa bangtuh, amphong behethü; kahmük kü nyupü peüi hapa kü dhaong shaangtuh. Ammei nyih kü nevaijü ammei bühipa hepak kü henüng kei chemao vamla?

JOEL 2:2

Hapayü vangnyak hatü vang yimpü nyih hük, phumnyaki jümpü shangmang nyih hük vaikahen! Vang mangei kahshangthü banglangpü keiha, longpü, hatü wong kohpü veshanthü kei shouk peikünyüke; Aivang den kao jom mechemao hapakei nenyu, nevaijü ngoikahen denhivan kao hapakei nechongkahen.

MALAKI 4:1

Veituh, hingmei changmeipüthü hatü douten dükpüthü peü aw kü hahtang kei jaktükhen nyih ngoikünyüke; hapa nyih jom peü tünglang hatü kaohilakao ne-ao-i jaktükhen shei Shembüpa Kahvangi enyüke.

MATHI 24:20

Amphong nyaipü ünyü hepak nevaijü Sabbath nyih nejiühen phoptuh.

MATHI 24:29

Hathü shangpongpü nyih peihhinüng vanghenyü manghdaihen, hatü lennyüi vangngai neshuohhen; hatü vangsho leipü lithathü vüdaihen, hatü vangsho nganthü jenhen.

MARK 13:9

Am laophü nyingi lishi nyutuh; mehenangkü jomi am yepei shahphen shingei lanei shuohhen; hatü amphong kü Sinagoglei üpphahen, hatü amphong ngei nangkü denpü shuohhen governor hatü ongthü touei yaonghen.

LUK SHAHSHA APPÜ 21:24

Jomphong yani mahhen, hatü jatthü peü touei wüpküpei müei daihen, hatü Jerusalemü Kung amei hepak mangngoi thahshi Kung ami la-i shouptükhen.

1 THESALONIKA 2:16

hatü Kung am yanghen shingvaishi ham kü chongteven shei khüampai shennyak peü mü khetnyüke. Hapakei dükpai jomi jomei mang hanggo mahünyüke, shejao shompülei Kahvang mongshih jom shak kü peiteke.

SHAKEI VAMPÜ 16:18

Halei klang nyepei, vangmuk khungei hatü ahshi mangshi pedi vükei pei; kahdoknyü kü hangku nyuhinüng chemao hapakei nevam; pedi ahshi mangshi vükteke.

SHAKEI VAMPÜ 7:14

Ngei büpa kü, “Longpüba, nüngiang nyingei nyüpeih” shei ngei jangei e. Hahepak kü büpai ngei kü, “Hathüyü shüveidoidei longpü kübü yangei peiküpüthü khih; jomi jomei bhagthuh Mi Chehalei iy kü dhotüktü shotoh-i leihüpü khih.