MATHI 23:8 - DAÜLANGPÜ LAIHING (BSI)

⁸ Shejao amphong kü, “Nyuhbü” shei nenyükhen; mehenangkü amphongei nyuhbü hük nyüpeih, hatü amphong peü nyinghahpü am.

MATHI 23:8 Iomraidhean Croise

MATHI 10:25

nanglom hüki nyuhbü kei nyuhen, hatü aa hük shembü kei nyuhen changpeih. Shemong kü shangjing hük kü Beelzebul shei nyükjema, aopü shem am keyü ha kao nemeipüba nyükphahen.

MATHI 17:5

Büpa shah eyei nyushingkü phum shola peiyei dhüm, hatü phum leipü ngeü hük vamei, “Hapayü ngei bampü Ha, ngei büpa kü mong hahnyeih; büpai epü bangtuh!” shei e.

MATHI 23:10

Nevaijü amphongi üpa kao, “Nyuhbü!” shei tenyük; mehenangkü ammei Nyuhbü hük nyüpeih, büpayü Messiah.

MATHI 23:7

hatü bhei leihshingei peüi selam shihhah-ei, hatü nanglak peüi jom kü, “Nyuhbü” shei nyükhahhünyüke.

MATHI 26:25

Büpa luhahpü Judasi büpa kü, “Nyuhbü, hingmei ngei nevai je?” shei e. Büpai, “Nüngi eteke” shei jangei e.

MATHI 26:49

Judas laülüki Jisu touei heih-ei, “Nyuhbü, meishi nyute!” shei etü ju kü jüp.

MARK 10:51

Jisui büpa kü, “Ngei nüng kü mehe dükhahhünya?” shei phe. Mükphüngpai büpa kü, “Nyuhbü, ngei eehüangke” shei e.

MARK 11:21

Hahepak kü Peteri ha deih-ei dang hatü büpa kü, “Nyuhbü, veituh! Nüngi thaüvaüphongpü adhapü kaudaiteke” shei e.

MARK 14:45

Hanangkü Judas jiüshangi Jisu touei heih-ei, “Nyuhbü!” shei etü ju kü jüp.

MARK 9:5

Hahepak kü Peteri Jisu kü, “Nyuhbü, jenphongü hammü nyupü meihen khih; hamphongi tap jem veshah, hük nüng shing, hük Mosa shing, hatü hük Elijah shing” shei e.

LUK SHAHSHA APPÜ 22:32

shejao nüng vaipü kübü nevüdaihen shingvaishi ngei phoptepih, hatü mechem nüng ngei touei lepei leihenshang nüngi jeihinaüthü wong kohhütuh.”

JOHAN 1:38

Yaakei veishingkü Jisui jiji müjapü eeyei, “Anji mehe napa?” shei phe. Jijinyi-i, “Rabbi, lappai, ‘Nyuhbü’ nüng melei nyunya?” shei phe.

JOHAN 1:49

Nathanaeli jangei, “Nyuhbü, nüngü Kahvang Ha khih! Nüngü Israel amei Ongpa khih!” shei e.

JOHAN 11:8

Nanglomthüi büpa kü, “Nyuhbü, Jehoda ami nüng kü yaongi shükhen kheteijü nüng shao halei heihhen je?” shei e.

JOHAN 20:16

Jisui pinnyü kü, “Mary!” shei e. Pinnyüi yaakei büpa kü Hebrew shah mü Rabboni (lappai, Nyuhbü) shei e.

JOHAN 3:2

Büpai nyak kü Jisu touei peiyei büpa kü, “Nyuhbü, nüngü Kahvang leipü yiüpü nyuhbü shei nyingnyüke; mehenangkü Kahvang ne-ompheikü nüngi dükpü nyangeihepü douthü üpaiyao nedükaokpih” shei e.

JOHAN 3:26

Jomi Johan touei peiyei büpa kü, “Nyuhbü, nüng mü Jordan yungdangei nyupüba, üpa jung nüngi denpü shuohpa, büpaiyao baptüknyüke hatü peü büpa touei peinyüke” shei e.

JOHAN 4:31

Hahepak kü büpalei nanglomthüi büpa kü, “Nyuhbü, lemhük payü hahtuh” shei nyeanteke.

JOHAN 6:25

Mechem jomi yungdangei Jisu heüpa, jomi büpa kü, “Nyuhbü, nüng hatouei mechem heihpa?” shei phe.

JOHAN 9:2

Büpalei nanglomthüi büpa kü, “Nyuhbü, hapa shennyak mükphüngdaitü bühhen meyü üpai mang thahpa, büpai hi nyühipa homei vampa?” shei phe.

2 KORINT 1:24

Hapayü hami am hinglempü shak kü shembü vaihen nangkü nevai, shejao am vaipü kü wongshongi yaongpü nangkü am mongonghen shingvaishi hamü am mü chemi dou dükbüthü hih.

2 KORINT 4:5

Mehenangkü hami laophü jung nebaongnyih; hami Jisu Khristayü Shembüpa, hatü hamü Jisulei men kü ammei aathü shei baongnyeih.

EPHESIA 3:15

büpa leipü vangsho hatü kahdoknyü kübü shemong peüi hapalei men yahnyeih.

PHILEMON 1:16

Hajük keyü aa hük kei nevai, shejao aa hük mao nyeipüba, bampü jeihinaü hük, anyei vaishi ngei kü, shejao nyeinya nüng kü phai hatü Shembüpa kü nyüpeih.

JAKOB 3:1

Ngelei jeihinaü nyahinaüthü, amphong longshi shing nyuhbüthü neleihen vongbong; mehenangkü jen üami nyuhnya hathü kü nyeishi wong mü shahphenhen.

1 PETER 5:3

Am phangkü nyupüthü shak kü am shembü telei, shejao mithü touei lappü meipü leituh.

SHAKEI VAMPÜ 1:9

Ngei, Johan, Jisu nangkü shüveipü hatü ongching hatü munenpü kü am mü hean yahpü ammei jeihinaü, Kahvangei shah hatü Jisu jung denpü nangkü Patmos shei epü shübaongei nyuteke.

SHAKEI VAMPÜ 19:10

Hahepak kü ngei büpalei la tüngei khümnüng aümei sha, shejao büpai ngei kü, “Nüngi ha tedük! Ngeiyü nüng mü chemi chongphopüba hatü Jisulei denpü kopü nüngei küphü. Kahvang kü khümtuh. Mehenangkü Jisu jung denpeyü tetpüvanpü laangha” shei eteke.

SHAKEI VAMPÜ 22:9

shejao büpai ngei kü, “Nüngi ha tedük! Ngeiyü nüng mü, hatü nüngei jeihinaü thibüthü hatü hapa lai kübü shahthü ven bangei dükpüthü peü mü chemi chongphopü hih. Kahvang kü khümtuh!” shei eteke.