MATHI 23:5 - DAÜLANGPÜ LAIHING (BSI)

⁵ Mih-i eehen shingvaishi jomi dou peü düknyüke; mehenangkü jomi jomei phaishuw pela longshi lingnyüke hatü ashakmai lushi ownyüke.

MATHI 23:5 Iomraidhean Croise

2 ONGPATHÜ 10:16

Jehu-i, “Ngei mü mükei, hatü ngei mekei Shembüpa kü nyakei kennya, veituh” shei e, hatü büpai büpa laophülei koyei khari kü uotü Samarialei leiteke.

MÜLANGPÜ 13:9

Hapa mo homei am shingvaishi lak kü nyangeihepü hatü ammei shangba kü deihhenlehen nyangeihepü shapükei nyukahen; hapai Shembüpalei shahkungnyü ammei jubenyeijaang kü nyuhen; mehenangkü Shembüpalei wonghingani am Ijip leipü mülangpeih.

KANDOK 3:3

Bampü hatü hinglempü nüng toueipü teyantük; Hathü nüngei üng kü yüklangtuh, hatü nüngei mongdang yaongshung kü nyanglangtuh.

LEVI 13:32

Nyih nyetpabü kü ngongpai hapa ma dokei veihen, hatü hapa ngühma daei nedai, hatü haleipü hangmum vungpuh-i nenyujema, hatü lebü hangshuw mü hayaoha chüei neshüjema,

MATHI 9:20

Hahepak kü nyüha hük bong anpünyi thahshi iy yenei tüngei nyupü büpa phei müei heih-ei büpalei ashakjung kü hong;

LUK SHAHSHA APPÜ 16:15

Hanangkü büpai jomphong kü, “Ammi laophü nyingi mih touei dahshaknyüke, shejao Kahvangi ammei mong nyingnyeih; mehenangkü hangkui mehe douvang shei deih, hayü Kahvang touei jiühitbenüng” shei e.

LUK SHAHSHA APPÜ 20:47

Jomi vaümnyüthülei shem bomei yahnyüke, hatü eehen shingvaishi luangi phopnyüke. Jomphong nyeinya nemeipü hanghi danghen” shei e.

JOHAN 12:43

mehenangkü jomi Kahvangi vihpü meyü shennyaki vihpü lümdai.

JOHAN 5:44

Üpa mon Kahvang nyu, ammi büpa leipü peipü müknyinshekhang neyemi am hüki hük leipü dupü-oupü yemyaki mekei etü am hinglemhen?

JOHAN 7:18

Üami laophülei nang mon ehahnya, hathüi laophü nyingkü müknyinshekhang yemnyüke; shejao üpai büpa shom, büpalei müknyinshekhang yempeyü shahhing, hatü büpa kü shahshem neshiü” shei e.

SHAHKÜP 11:18

Hathü shah ammei mongkü jaotuh; hathü ammei lak kü shatuh hatü ammei shangba kü khüamtuh.

SHAHKÜP 22:12

Ammei ashakjung aliphen kü motem sheütuh.

SHAHKÜP 6:8

Ammei lak kü hathü shatuh hatü nyangeihepü hük leshi ammei shangba kü hathü khüamtuh.

PHILIPPI 1:15

Hanei amiyü mükhakpü hatü khüpü homei Khrista jung venteke, shejao lebüthüi mei deihshi venteke.

PHILIPPI 2:3

Laophü shing mon hahnemei deihpü, nevaijü laophü shing mon maongnyeipai mepayao tedük, shejao maanpü leipü kü laophü meyü mih-üng meipüba shei ieyeilemtuh.

2 THESALONIKA 2:4

Büpai khüei yaonghen hatü büpa laophü nyingi kahvang shei epü hatü khümpü dou lemphü shak kü longei aonghen, shejüang büpai kahvang hih shei eshi Kahvang phopshemei uohen.