MATHI 22:4 - DAÜLANGPÜ LAIHING (BSI)

⁴ Shao büpai lebü chongphobüthü kü, “Nyükpüthü kü hapakei etuh: Veituh, ngei mo temtepih, ngei mohohbaong hatü nitshüpü mohoh chehathü jütepih, hatü lemphü temei nyüpeih; yiükjing molei peikei” shei ehen shom.

MATHI 22:4 Iomraidhean Croise

NEHEMIAH 9:17

jomi ven nedan, hatü jom touei yashanpü douthü dükpü peü betük, shejao jomei ngaümvang vaanei aa laphen kü Ijiplei nyokei leihen tem. Shejao nüngü mang tükpü, phahji yahyangpü, mongshih youngmü vampü, hatü bampü kü changshishashi nyupü Kahvang, hatü nüngi jom netuhphong.

MENVIH KESHO 86:5

Mehenangkü nüngü meipü, hatü mang tükpü, Oh Shembüpa, nüng kü nyükpüthü peükü bampü bhashahshi shuohnyüke.

KANDOK 15:17

Jiühitpai maei mohohbaong jüei mo molei meyü, bampai maei nükhüng hahpü-üng meipüba.

SOLOMONEI KESHO 5:1

Ngei ngelei pemongei peitepih, ngelei naüpeü, ngelei shembünyü; ngei myrrh mü vong meipü meli thaitepih. Ngei ngelei nyahdük hatü nyahjiü hahtepih; ngei ngelei yiü hatü amma yingtepih. Hahtuh, Oh küphüthü, hatü moh-ei yingtuh, Oh ngei bampüthü.

MATHI 21:36

Shao büpai lebü chongphobüthü sheleipü kao nyeishi shom, hatü hathüi jomphong kao aihük mü dük.

MATHI 22:5

Shejao mo kü nyükpüthüi mong neshuoh-i lüdaikem; hükü kahlei, hükü bhei leih lüdai,

MATHI 22:8

Hapheikü büpai chongphobüthü kü, “Yiükjing mo temteke shejao ngei nyükpüthü neshangang.

LUK SHAHSHA APPÜ 14:17

Hahyinghen hepak kü büpai nyükpüthü touei büpalei chongphobü shomei, ‘Peikütuh, lemphü temteke’ shei ehen shom.

PHONGSHANTHÜ DOU 1:8

Shejao mechem Laangha Daülangpü am kü peikahen, ammi ngan yahhen, hatü amphongü Jerusalem, Judea hatü Samaria peü kü hatü kahdoknyü dohpü ngoishi ngelei denbüthü vaihen.”

PHONGSHANTHÜ DOU 13:46

Hahepak kü Paul hi Barnabas nyiphen mong longei e, “Kahvangei shah am kü shong ehen nadang vaipeih. Shejao ammi ha yaktüktü yangnyuyem danghen ham nechang shei am nyingi shahphenpü nangkü shaangü hami Kung am touei lüdainyeih.

ROM SHAHSHA APPÜ 8:32

Büpa, üpai laophülei Ha shümei netuh, shejao jen peü shingvaishi büpa lanei shuoh, büpai büpa mü jen kü lemphüli neyahphahen je?