MATHI 22:13 - DAÜLANGPÜ LAIHING (BSI)

¹³ Hahepak kü ongpai chongphobüthü kü, “Büpa lakhila shatü shangmang kü chingdaüei shüktüktuh, halei theppü hatü bha vükpü nyuhen.

MATHI 22:13 Iomraidhean Croise

MENVIH KESHO 112:10

Nemeipüthüi ha eetü mongshihnyeih; jomi bha vüknyeih hatü mahdainyeih, nemeipü ami nyakpükenpü peü kong leidainyeih.

MENVIH KESHO 37:12

Daülangpüthü khüei nemeipüthüi shah shownyüke, hatü jomei bha vüknyüke;

ISAIAH 52:1

Paotuh, Paotuh, Oh Zion, Wong kohtuh! Nethe meipü owhiai owtuh, Oh daülangpü chingnyü, Jerusalem. Mehenangkü nejaptükpü hatü nedaünelangpüthüi hajük kü ammei penyüshamongei neshüküpih.

DANIEL 3:20

hatü büpalei veshanthü khongkü wong kohpüthü kü Shadrakh, Meshakh hatü Abednego yepei shatü awbhaong kü shüktükhen ngeükhüam shuoh.

MATHI 12:29

Nevaijü wong kohpü shennyak shong yepei neshatükphei kü mekei etü shennyak hük wong kohpü shennyakei shemei shüei dou aetaokhen? Hapakei dükjü mon büpai shemei shüei dou aetaokhen.

MATHI 13:30

Hahvet hepak ngoishi chemi nyemlong. Ngei hah vetbüthü kü shongei thüng shong vetei phongtü aw kü jaktüktuh; hapheikü mon hah vetei puongei kolangkei shei ehen” shei eteke.

MATHI 13:42

hatü hathü awbhaongei shüktükhen; halei theppüyoungpü hatü bha vükpü nyuhen.

MATHI 13:50

hatü jom awbhaongei shüktükhen; halei theppüyoungpü hatü bha vükpü nyuhen.

MATHI 24:51

Shembüi büpa khih mü dehtükhen hatü akhümmong-ümpüthü mü shüktükhen; halei theppü hatü bha vükpü nyuhen.

MATHI 25:30

Hapa yahlak neshiüpü chongphobüyü chingshelei shangmang kü shüktüktuh; halei theppü hatü bha vükpü nyuhen” shei e.

MATHI 8:12

shejao vangsho ongching mükjüpthü shangmangei yakphonghen, halei theppü hatü bha vükpü nyuhen” shei e.

LUK SHAHSHA APPÜ 13:28

Mechem ammi Abraham, Isak hatü Jakob hatü thibüthü peü Kahvang ongchingei eehenshang halei theppü hatü bha vükpü nyuhen, hatü am noei shüktükhen.

JOHAN 21:18

“Ngei nüng kü hingmei mü enyeih, mechem nüng vaanwong hepak nyupa, nüngi laophü nyingi shüngshep sheptü nüng melei daihü halei daihampeih. Shejao mechem nüng viüdaihen, nüngi laophülei lak haonghen hatü mih-i nüng kü shünglok lokhen, hatü nüng nedaihüpülei müei daihen” shei e.

PHONGSHANTHÜ DOU 21:11

Ham touei peiyei büpai Paulei shüngshep yah-ei büpalei lakhila kü hapa shatü, “Hapa keiha Jerusalemei nyupü Jehoda ami hapa shüngshep shembü yepei shatü Kung amei lak kü shuohtükhen shei Laangha Daülangpai enyüke” shei büpai eteke.

PHONGSHANTHÜ DOU 7:54

Mechem jomi ha danpa, jomi Stephen kü mongshih-ei bha vükteke.

2 THESALONIKA 1:9

Hathüyü Shembüpa, hatü büpalei müknyinshekhang ngan kübü yanei nedohnetenpü mahpü hanghi danghen,

2 PETER 2:17

Hathüyü yung neshiüpü yunglok, hatü vanglüki deipü phumthü; mehenangkü jom shingvaishi shangmang vangnyak jaoei nyüke.

2 PETER 2:4

Mehenangkü Kahvangi mang thahpü vangsho phongshan dangkao neyangi molo awlei shüktük hatü shahphenpü mangngoi thahshi chüpü shangmangei nyiamvüi shatü tuhjema;

JUD SHAHSHA APPÜ 1:13

Jomphongü mangpü yungching yungmok, jomei veüpong yung-oup kei puoei aongnyüke; shing nenüngpü lithathü, den kü jom shingvaishi peü mü nyakpü vangnyak jaoei nyüke.

JUD SHAHSHA APPÜ 1:6

Hatü vangsho phongshanthü üami laophülei wong laphen jiüshi netuh, shejao laophü nyushing tuhphong, büpai hathü nedohnetenpü nyiamvüi shatü vangnyakei longpü shahphenpü nyih shingvaishi tuhtükpeih.

SHAKEI VAMPÜ 21:27

Shejao halei nedaünelangpü, nevaijü jiühitnalai dou dükpü nevaijü shahshem meheyao neshüaokhen, shejao Mi Chehalei yangnyu laitap kü men nyangei nyupüthü mon shühen.