MATHI 20:8 - DAÜLANGPÜ LAIHING (BSI)

⁸ Mechem om dhüpa, kah shembüi büpalei dou veibü kü, “Nang shapüthü shomshi shapü kübü pangei shongei shapü thahshi nyükei jomei nanglat yah-eishuoh” shei e.

MATHI 20:8 Iomraidhean Croise

KAHBHAO 15:2

Shejao Abrami, “Oh Shembüpa Kahvang, nüngi ngei kü mehe yahphahen? Mehenangkü ngeiyü hapeü neshiü, hatü ngelei mükjüpü Damaska am Eliezer-i yahhen je?” shei e.

KAHBHAO 43:19

Hanangkü jomphongi Josephei chongphobü touei heihei shadenei yaongtü büpa mü,

LEVI 19:13

Ammei chingyowpa kü telutelem nevaijü tegüh. Nepphei thahshi ammei kahlei nang shapü kü lat neshuoh-i tetuh.

MATHI 20:7

Jomphongi büpa kü, “Mehenangkü ham kü üpaiyao nang neyepphopeih” shei e. Büpai jomphong kü, “Amphongao nyalingngupai kahlei shatuh” shei e.

MATHI 20:9

Mechem nga baji kü shomshi shapüthü peijapa, jom peü kü nyih hükei nanglat shuoh.

MATHI 25:19

Hepak longi angtü chongphobüthülei shembü lei, hatü jomphong mü hapa lop hengteke.

MATHI 25:31

Mechem Shennyak Ha müknyinshekhang kü vangsho phongshanthü peü büpa mü yiühen, hahepak kü büpa müknyinshekhang ong uoshing kü uohen.

LUK SHAHSHA APPÜ 10:7

Jomi mehe yahphahenshang hah-ei yingei ha shemei nyutuh; mehenangkü dou dükbü-ü nanglat danghen jiüpeih. Ammi shem hük kübü hük shei telongtei.

LUK SHAHSHA APPÜ 12:42

Jisui e, “Laophülei shembüi büpalei aathü kü hepak jiüshi jomphong kü hanpü hahying shuohhen dousho hanhen mü hingshangpü hatü kon kohpü kheipa üpa nyüpa?

LUK SHAHSHA APPÜ 8:3

hatü Herodei kheibü Chuzalei chenyüha Joanna, hatü Susanna, hatü lebü longi nyu. Hathü nyühathüi jomi angpü yah-ei Jisu hatü büpalei nanglomthü kü sheühteke.

2 KORINT 5:10

Mehenangkü jen peü Khristalei shahphenpü uoshing touei yaonghen, hatü halei shennyak peü mei vaijao ten vaijao hapa kahdoknyü büm kü mehe dük, ha shing lat danghen.

SHAHKÜP 24:15

Nyihjeih vanghe mangshü shekü nanglat shuohtüktuh; mehenangkü büpai hapa bhei itnyüke. Hei nevaijema büpai am khüei Shembüpa kü lenhen hatü am mang thahhen.

TITUS 1:7

Mehenangkü attoi mübü hükü Kahvangei dou kü khei vaibü vaipü nangkü eela neshiüpü vaihen vongbong; büpayü changmeipü nevaijü mongshih lomi vampü nevaijü yiü chokteipü, nevaijü depülaopü hatü lop kü bampü nevaihen vongbong;

HEBREW 9:28

hapa keiha Khrista-ao nanglak longilei mang yah-ei lüdaihen shingvaishi chem mon moila shuohpeih. Büpa nyipabü yiükahen, hayü mangthü mü eteihen nangkü nevai, shejao büpa omdanpüthü kü yemleipü koei yiükahen.

1 PETER 4:10

Kahvangei phahji longpü kü khei vaibü meipü hük keiha ammi mehe mehe thintho dangtepa, hapai hüki hük chongphoteituh.

RUTH 2:6

Hapa shennyaki, “Pinnyü-ü Naomi mü leipü Moab am khih.