MATHI 2:6 - DAÜLANGPÜ LAIHING (BSI)

⁶ “Nüng, Judah kahdok kü nyupü Bethlehem, Judah am longhivang khongkü nüng mekei etao maanpü nevai; mehenangkü nüng kübü, ngelei Israel nanglak mi yomhen vanglem lembü hük vamhühen.”

MATHI 2:6 Iomraidhean Croise

KAHBHAO 49:10

Judah ami ongpalei lenshuoh nopü, hatü vanglem lembülei lenshuoh nopü kübü neyanhen. Jatthüi büpa kü bom ühhen, hatü büpa touei ven bangei aümei khümhen.

2 SAMUEL 5:2

Shelei Saul hamei ong vaipü hepak kü thepjulei Israel veshanthü müei daipeyü nüng hih. Shembüpai nüng kü Israel nanglakthü mi yomhenü nüng vaihen, Israel shak kü vanglem lemhenü nüng vaihen shei epeih” shei e.

1 SHÜPPÜKENGPÜ 2:51

Salmayü Bethlehemei chepa, hatü Hareph-ü Beth-Gaderlei chepa nyu.

1 SHÜPPÜKENGPÜ 5:2

hatü Judah amao jeihinaüthü khongkü wong kohpüba hatü vanglem lempü jom kübü vamjao jeiyongpa heanü Joseph kü shuohtükpeih.”

EZRA 2:21

Bethlehem am 123.

ISAIAH 40:11

Mi yombü hük keiha büpai laophülei mi haümnyeih; büpai mi chehathü laophülei laki mongdang kukei deiyei paümnyeih; Büpai mi chenyüthü youngmü atei leinyüpeih.

MIKA 5:2

Shejao nüng, Oh Bethlehem Ephrathah, nüng Judah phang khongkü maanpü vailangmao, nüng kübü Israel shak kü ngei shing vanglem lemhen hük vamhühen. Büpa vamshing bülemü aivang hepak kübü chongkahen.

BHEI-IE 24:19

Jakob kübü vanglem lembü hük vamkahen, hatü nemah-i aopüthüao li hümei mahtükhen.”

MATHI 2:1

Herod ong vaipü hepak kü Judea kahdok Bethlehemei Jisu bühphei kü heongphi leipü nahpülangpü shennyakthü Jerusalemei,

MATHI 28:18

Hahepak kü Jisui jomphong touei heih-ei e, “Vangsho hatü kahdoknyü kü ngan peü ngei kü shuohteke.

JOHAN 21:16

Nyipabü büpai büpa kü, “Johanei ha Simon, nüngi ngei kü hingmei bamnyüla?” shei e. Büpai büpa kü, “Hih, Shembüpa; ngei nüng kü bamnyeih shei nüngi nying” shei e. Jisui büpa kü, “Ngelei mithü jungtuh” shei e.

JOHAN 7:42

Laihingi Messiahyü David am phang kübü, hatü David nyupü Bethlehem kübü vamhen shei eyei nenyupü je?

EPHESIA 1:22

Büpai dou peü büpalei la phangei tuhpeih, hatü attoi mepa büpalei büm nyüpa, ha shingvaishi büpai büpalei dou peü kü shangjing leihüpeih,

KOLOSI 1:18

Büpayü büm, hakeiha attoi kü shangjing, büpayü chongpangpü, dipü kübü yangei leipü shongpüba. Hanangkü lemphüli kü büpa kü monha shongpü uoshing nyüpeih.

HEBREW 7:14

Mehenangkü jenei Shembüpayü Judah jat kübü pei, hatü ha jat nangkü Mosai ngongpathü nang meheyao eyei neshiü.

SHAKEI VAMPÜ 11:15

Hapheikü nyetpabü vangsho phongshani büpalei amit vüng, hatü vangsholei ngeü longpü vamei e: “Kahdoknyü ongchingü jenei Shembüpa, hatü büpalei Messiahlei ongching leidaiteke, hatü büpai den den kü ong vaihen.”

SHAKEI VAMPÜ 2:27

“Büpai jom kü nyiam lenshuoh notü vanglem lemhen, büpai jom ashem dük bhaopükei bheitü bhaotükhen.”

SHAKEI VAMPÜ 7:17

mehenangkü ong uoshing jiamei Mi Chehayü jom mi yombü vaihen, hatü büpai jom yangnyuyem yunglok touei mühen, hatü Kahvangi jomei mük kübü mükphi peü thittükhen.”