MATHI 2:2 - DAÜLANGPÜ LAIHING (BSI)

² “Jehoda amei ong hük bühpü melei nyüke? shei pheyei pei. Hamphongi büpalei litha heong philei eepeih, hatü büpa kü khümhen peiküpeih” shei e.

MATHI 2:2 Iomraidhean Croise

MENVIH KESHO 2:6

“Ngei Zion kü hatü ngelei daülangpü shangtao kü Ong hük uohütepih” shei enyüke.

MENVIH KESHO 45:11

Nüng nela meipü ongpai lümei deihhen; büpa nüngei shembü vaipü nangkü büpa touei aümei shatuh.

ISAIAH 60:3

Ammei vangngai touei jatthü peikahen, hatü ammei vangngai eeyei ongthü thaikahen.

JEREMIAH 23:5

Ngei David kü kon kohshi vanglem lemhen, hatü kahdok kü mehe shahhing, hatü jiüpü nyüpa, ha dükhen daülangpü Pükao hük vamhühen nyihthü ngoikünyüke, shei Shembüpai enyüke.

JEREMIAH 30:9

Shejao jomi Shembüpa, jomei Kahvang hatü ngei jom shing vamhüpü David ongpa jomi chongphohen.

ZEKHARIAH 9:9

Longi mongongtuh, Oh Zion nela! Wongmü lentuh, Jerusalem yiükha! Veituh, ammei ongpa am touei, daülangshemshepü kü, hatü yemleipü kotü nenteiaokpai gadu chebaongha dok shangkü uotü am touei peikünyüke.

BHEI-IE 24:17

Ngei büpa eenyüke, shejao shaang nevai; Ngei büpa kü veinyeih, shejao yopailei nevai. Jakob kübü litha hük vamkahen; Israel kübü lenshuoh hük vamkahen. Büpai Moab amei mübüthü, hatü Shethlei hapeüthü kemei ngümtükhen.

MATHI 2:3

Mechem Herod ongpai ha danpa, büpa hatü Jerusalemei nyupü peü mongshang,

MATHI 21:5

“Zion nela kü etuh, Veituh, ammei ong am touei, nenteiaokpai gadu dok shangkü, gadu cheha kü uotü peikünyüke.”

MATHI 27:11

Shaang Jisu governor touei yaong, hatü governor-i büpa kü, “Nüngü Jehoda amei Ong je?” shei phe. Jisui, “Nüngi enyüke” shei e.

LUK SHAHSHA APPÜ 19:38

“Shembüpalei men kü peipü ongpa moihimanpü! Vangsholei chingmei, hatü shaopüba kü müknyinshekhang!”

LUK SHAHSHA APPÜ 2:11

Shinnyih David chingnyü kü am touei Yemleipüba, üpa Khrista, Shembüpa nyüpa, büpa angei nyüke.

LUK SHAHSHA APPÜ 23:3

Hanangkü Pilati büpa kü, “Nüngü Jehoda amei ongpa je?” shei phe. Büpai, “Nüngiang hapakei enyüke” shei jangei e.

LUK SHAHSHA APPÜ 23:38

Büpa dok kü hapa shah nyangtü khaümteke: “Hapayü Jehoda amei Ongpa.”

JOHAN 1:49

Nathanaeli jangei, “Nyuhbü, nüngü Kahvang Ha khih! Nüngü Israel amei Ongpa khih!” shei e.

JOHAN 12:13

Hanangkü jomi phenhavunglak bhagei büpa mü pongteinüng, “Hosanna! Üpa Shembüpa, Israel Ongpalei men kü peikünya moihimantuh!” shei lenyaki peiteke.

JOHAN 18:37

Pilati büpa kü, “Shejema nüngü ong je?” shei phe. Jisui jangei, “Nüngiang ngeiyü ong hük khih shei enyüke. Ha tata kü ngei bühpeih, hatü ha tata kü ngei hapa shahhing denpü shuohhen nangkü ngei kahdoknyülei yiüpeih. Hapa shahhing kü nyupü peüi ngei epü bangnyeih” shei e.

JOHAN 19:19

Pilati shah hük hapakei nyangtü ha shophang shangei tuh: “Nazareth am Jisu, Jehoda amei Ongpa.”

JOHAN 20:28

Thomas-i büpa kü, “Ngelei Shembüpa, ngelei Kahvang!” shei e.

JOHAN 5:23

shejüang Pa kü dhüm hupükei Ha kao dhüm huhen. Üpai Ha kü dhüm nehu, büpai büpa shompü Pa kü dhüm nehunyu” shei e.

JOHAN 9:38

Büpai, “Shembüpa, ngei hinglemnyeih” shei e, hatü büpai büpa kü khüm.

HEBREW 1:6

Hatü shao mechem büpai kahdoknyülei laophülei hashongpa shompa, büpai hei epeih: “Kahvangei vangsho phongshanthü peüi büpa kü khümtuh.”

SHAKEI VAMPÜ 22:16

“Attoithü shingvaishi nüng touei hapa denpü koei vangsho phongshanthü shompeyü ngei, Jisu hih. Ngeiyü Davidei tünglang hatü hühiha, nyapü nepnüng litha.”