MATHI 2:16 - DAÜLANGPÜ LAIHING (BSI)

¹⁶ Mechem heongphi leipü nahpülangpüthüi büpa kü luteke shei Herodi nyingpa, büpa longi mongshih, hatü büpa kü nahpülangpüthüi ejapü hepak aimü ittü Bethlehem hatü hapa shinei nyupü kübü hashihthü bong nyi hatü ha phang kübü peü ngeükhüam shuohtü jütükkem.

MATHI 2:16 Iomraidhean Croise

KAHBHAO 39:14

pinnyüi shem am kü nyüktü, “Veituh, ngelei bahai hapa Hebrew amü jen kü mükshüngshenaamhen shakpü khih! Büpai ngei mü shinüng shüküpeih, hatü ngei wongmü ngeü anei lenpeih,

KAHBHAO 39:17

Hapheikü pinnyüi büpa kü hapa büshah ejateke: “Nüngi jenei leiküpü hapa Hebrew am chongphobüyü ngelei dungei shüei ngei kü mükshüngshenaamhen dükpeih,

KAHBHAO 49:7

Jiji mongshihpü thaüvaü vaihütuh, mehenangkü hayü ahshi nemei; Jiji mongshihpü ahshi mangshi! Ngei jiji Jakob hatü Israel am khongkü haitükhen.

2 ONGPATHÜ 8:12

“Ngelei shembü, nüng mehekei thepnya?” shei Hazaeli phe. Büpai jangei, “Mehenangkü nüngi Israel am kü dükhen nemeipü douthü ngei nyingnyüke. Nüngi jomei pe showtükpü chingnyüthü awi haptükhen, jomei nethethü nüngi jükemhen, jomei maanpü hashihthü yah-ei kahdokei shüktü jütükhen, hatü jomei büm nekongpü nyühathülei vom shaakei jükemhen khih” shei e.

JOB SHAHSHA APPÜ 12:4

Ngeiyü küphüthü toumü mihnyi pü leidaiteke; Ngei Kahvang kü nyükjü büpai janglangmao; ngei kü eela neshiüjao ngeiyü mihnyi pü leidaiteke.

KANDOK 28:15

Ngüngei nyupü mailang, nevaijü kethen nyeandaipü sheptao keiha, taopathü shak kü nemeipü shennyaki vanglem lempü nyüke.

KANDOK 28:17

Shennyak hanei-i mih jüpü mang jotü hanghijema, büpa mangdi thahshi paüeiyonei angtuh; üpaiyao büpa kü tesheüh.

ISAIAH 26:21

Kahdoknyülei nyupüthü kü jomei mang nangkü hanghi shuohhen shingvaishi Shembüpai büpa nyushing leipü vamei daikünyüke. Kahdoknyüi pinnyü shak kü iy yenpü küpei neaokhen; pinnyüi mahpüchahpüthü joei neaokhen.

ISAIAH 59:7

Jomei la nemeipü lemei moknyüke, hatü mang neshiüpü kü iy-aongmakohühen moknyüke; Jomei mongdeih kemei ten mon nyüke; Jomei lemü bentükhen hatü tentükhen kü mon dainyüke.

DANIEL 3:13

Mongshih wong kempai, Nebukadnezzari Shadrakh, Meshakh hatü Abednego kü nyükteke. Hanangkü jomphong ongpa touei müei dei,

HOSEA 10:14

Ammei nanglakthü khüei vehok vamkahen, hatü ammei penyüsha bentükhen. Hapayü Shalman ongpai Beth-Arbel vehok kü nyü, hatü hapeüthü ngümei jüpükei nyukahen.

BHEI-IE 22:29

Balaami, “Mehenangkü nüngi ngei lueilempeih! Ngelei lakei yan nyulangmeyü ngei shaang-üng nüng jütükhah shepeih” shei e.

BHEI-IE 24:10

Hahepak kü Balaam kü Balaki longi mongshih. Balaki Balaamei lak kü vukei düktü eteke, “Ngei nüng kü ngelei vepathü kü thaüvaühen shingvaishi nyükpeih, shejao nüngi jom kü jempa thahshi moihimanteke.

MATHI 2:1

Herod ong vaipü hepak kü Judea kahdok Bethlehemei Jisu bühphei kü heongphi leipü nahpülangpü shennyakthü Jerusalemei,

MATHI 2:17

Hapayü Jeremiah thibüi epü jiüteke:

MATHI 2:7

Hahepak kü Herodi nahpülangpü shennyakthü kü joei nyükei mepa hepak kü jiüshi litha vampü eepa, ha pheteke.

SHAKEI VAMPÜ 12:4

Büpalei mei-i vangsho leipü lithathü phaihan jem kübü hük maoei kahdokei shüktük. Hapheikü Dragon peiyei hapeü anghen nyupü hapa nyüha touei pinnyüi hapeü angjahinüng hahtüknüng yaongshi nyuteke.

SHAKEI VAMPÜ 17:6

Hapa nyühayü daülangpüthülei iy, hatü Jisu jung denpü shuohpüthülei iy-i chokei eeteke. Mechem ngei pinnyü eepa, ngei longi yashan.

SHAHPHENBÜTHÜ 16:10

Shao Delilah-i Samson kü, “Nüngi ngei kü lueilemnyu khih; nüngi ngei kü shahshem epü khih; nüng kü mekei shahen eshih” shei e.