MATHI 2:13 - DAÜLANGPÜ LAIHING (BSI)

¹³ Shaang jom leidaipheikü Shembüpalei phongshan hük Joseph touei mangh mü peiyei, “Paotuh, naü hatü chenyü nyi müei Ijiplei lükdaituh, hatü ngei mang-epha thahshi halei nyutuh; mehenangkü Herodi naü jühen yemnyüke” shei e.

MATHI 2:13 Iomraidhean Croise

1 ONGPATHÜ 11:17

Shejao Hadad hatü chepalei chongphobü Edom am lakchongbüthü nyaiyei Ijiplei daiyei nyu. Hahepak kü Hadad-ü hashih mü nyuteke.

1 ONGPATHÜ 3:5

Gibeonei nyushi yanüng mangh mü Solomon touei Shembüpa peiyei, “Ngei nüng kü mehe mehe shuohhen yütuh” shei e.

JOB SHAHSHA APPÜ 33:15

Mangh hük kü, yanüng manghkhang hük kü, mechem shennyak laophülei shinshingei mükhet meiyei shihenshang,

JOB SHAHSHA APPÜ 33:17

büpai hayü hangkuthüi laophülei mang lem kübü hatü changmeipü kübü yanhen;

MÜLANGPÜ 1:22

Hahepak kü Pharaoh-i büpalei nanglak peü kü, “Hebrew shemongsha kü bühpü bahanaü kemei Nile yung kü shüktüktuh, shejao ammi nyühanaü peü yangei tuhtuh” shei ngeükhüam shuoh.

MATHI 1:20

Shejao mechem büpai hapa dükhen temei nyupa, Shembüpalei phongshan hük büpa touei mangh kü peiyei, “David ha Joseph, nüngi laophülei nyüha vaishi Mary yahhen tenyem; mehenangkü pinnyülei koshi nyupü naü-ü Laangha Daülangpü kübü nyüpeih.

MATHI 10:23

Mechem jomi am kü jila hükei shüveiphahen, hükpalei nyaidaituh; mehenangkü hingmei ngei am kü eshah, Shennyak Ha yiüshekü amphong Israel jilathü peü kü daiyei nekemi nyuhen hih.

MATHI 2:12

Hatü Kahvangi mangh mü Herod ongpa touei nyokei neleihen shahvüng shuohtükpü nangkü jom lebü lemei jomei kahdok yemei leidai.

MATHI 2:14

Hanangkü Joseph paoei naü hi chenyü nyi mütü vangnyak kü Ijiplei yiüdai,

MATHI 2:16

Mechem heongphi leipü nahpülangpüthüi büpa kü luteke shei Herodi nyingpa, büpa longi mongshih, hatü büpa kü nahpülangpüthüi ejapü hepak aimü ittü Bethlehem hatü hapa shinei nyupü kübü hashihthü bong nyi hatü ha phang kübü peü ngeükhüam shuohtü jütükkem.

MATHI 2:22

Shejao mechem büpai chepa Herod nangjei Arkhelaus-i Judea kü vanglem lemnyükeja shei danpa, büpa halei leihen nyem, hatü mangh mü eshuohpü nangkü büpa Galil kahdokei leidai.

PHONGSHANTHÜ DOU 10:22

“Veshan kho hük shak kü mübü Kornelius-i hamphong shompeih. Büpayü daülangpü hatü Kahvang nyempü shennyak hih. Jehoda am peüi büpa kü longi dhüm shuohnyeih. Nüngi mehe e büpai ha banghen shingvaishi daülangpü vangsho phongshani nüng jomei shemei nyükhen eshuohpüja” shei jomphongi jangei e.

PHONGSHANTHÜ DOU 10:7

Mechem büpa mü shah eteipü vangsho phongshan büpa tuhtü lüdaipa, büpai büpalei aa nyi hatü büpa chongphobü hinglempü veshan hük nyük,

PHONGSHANTHÜ DOU 12:11

Hahepak küang Peteri büpa nyingi deih-ei dang hatü, “Shembüpai laophülei vangsho phongshan shompü khih shei shaangang ngei nyingnyüke, hatü Herodei lak leipü hatü Jehoda ami omdanei nyupü kübü yangpü khih” shei e.

PHONGSHANTHÜ DOU 12:7

Ngangahük kü Shembüpalei vangsho phongshan hük peiyei büpa paümshingei vangngai khang. Büpai Peterlei bhagchong kü düktü phukei, “Lomi paotuh” shei büpai e, hatü lak leipü nyiamvü vüdai.

PHONGSHANTHÜ DOU 16:36

Khoklat yombüi shahjang koei peiyei Paul kü, “Lakchongbüi anji vetüktuh shei shah shomteke; hanangkü vamdaikei hatü chingmei kü daituh” shei e.

PHONGSHANTHÜ DOU 5:19

Shejao yanüng Shembüpalei vangsho phongshan hüki khoklat sha aptü jomphong müei ngai hatü,

PHONGSHANTHÜ DOU 7:19

Büpai jenli kü nemei-i nopeih, hatü jenei bühipathü kü jomei naüthü nyemdidai shei yakphonghen nyeanteke.

JOSHUA 3:13

Mechem kahdok peü shak kü Shembüpalei Vangpüshuwpü Pela paipü ngongpathüi Jordan yung kü la shuophenshang, Jordan yungsho phileipü shapü yung nesha-i yaongdaihen hatü düei leiyei shing hük mü shüngdaihen” shei eteke.

JOSHUA 3:17

Mechem nanglakthüi kahvan kü yungdang homei daipa, ngongpathüi Shembüpalei Vangpüshuwpü Pela paitü Jordan yung jiamei kahvan kü yaongshi nyuteke.

JOSHUA 4:10

Mosai Joshua homei nanglakthü kü dükhen epü dükei mangkem thahshi ngongpathüi Vangpüshuwpü Pela paitü Jordan yung jiamei yaongshi nyuteke. Nanglakthüi shüshülangi yungdang homei heih.

JOSHUA 4:18

hatü mechem Shembüpalei Vangpüshuwpü Pela paipü ngongpathü yung leipü vamei yungphang kü la shuoppa, sheleipü keiha yung bhümei leiyei phaang küpei shateke.

SHAKEI VAMPÜ 12:14

Shejao hapa nyüha kü hapa biü toueipü pinnyü kü bong jem mü hükkeishing jungpü jahpanei pidaihen shingvaishi alang longpülei yang nyi shuoh.

SHAKEI VAMPÜ 12:4

Büpalei mei-i vangsho leipü lithathü phaihan jem kübü hük maoei kahdokei shüktük. Hapheikü Dragon peiyei hapeü anghen nyupü hapa nyüha touei pinnyüi hapeü angjahinüng hahtüknüng yaongshi nyuteke.

SHAKEI VAMPÜ 12:6

hatü hapa nyühayü Kahvangi pinnyü kü nyih 1260 jungeilanghen temtüktü nyupü jahpanei laongei lüdai.