MATHI 2:1 - DAÜLANGPÜ LAIHING (BSI)

¹ Herod ong vaipü hepak kü Judea kahdok Bethlehemei Jisu bühphei kü heongphi leipü nahpülangpü shennyakthü Jerusalemei,

MATHI 2:1 Iomraidhean Croise

KAHBHAO 10:30

Jom nyupü kahmükü Mesha kübü phaüshang kahmük heongphi Sephar thahshi nyu.

KAHBHAO 25:6

Shejao Abrahami büpalei yiükphüthüi bühpü hapeüthü kü büpai yemmü nyushiüng thintho mon shuohtü Isak toueipü yanei jom peü heong kahmükei shomtük.

KAHBHAO 41:8

Nepnüng paoei büpa longi mongshang, hanangkü büpai Ijip kahdok kübü tetpüvanpü hatü nahpülangpüthü peü nyükhen shom. Pharaoh-i jomphong kü mangh ejajao üpaiyao hapa mangh tetei büpa kü ne-eaok.

KAHBHAO 49:10

Judah ami ongpalei lenshuoh nopü, hatü vanglem lembülei lenshuoh nopü kübü neyanhen. Jatthüi büpa kü bom ühhen, hatü büpa touei ven bangei aümei khümhen.

1 ONGPATHÜ 4:30

Hanangkü Solomonei kihikonü Heong kahdok kübü shennyakthü hatü Ijip am nahpülangpüthülei kihikon mao nahpüba nyuteke.

1 SHÜPPÜKENGPÜ 2:51

Salmayü Bethlehemei chepa, hatü Hareph-ü Beth-Gaderlei chepa nyu.

JOB SHAHSHA APPÜ 1:3

Büpai mi haja nyet, ut haja jem, mohohbaong jora haja nga, gadu haja nga hatü aathü longi nyu. Hanangkü hapa shennyakü heongphi kübü nanglakthü khongkü peü mü longpü shemmeipa nyuteke.

ISAIAH 11:10

Hapa nyih Jesselei tünglangü nanglakthülei khüamlung hük leshi yaonghen; jatthü büpa touei thaihen, hatü büpa nyushingü müknyinshekhangshi nyuhen.

MIKA 5:2

Shejao nüng, Oh Bethlehem Ephrathah, nüng Judah phang khongkü maanpü vailangmao, nüng kübü Israel shak kü ngei shing vanglem lemhen hük vamhühen. Büpa vamshing bülemü aivang hepak kübü chongkahen.

MATHI 1:25

shejao hapa yeshang mangbüh thahshi büpai pinnyü mü nejem, hatü Joseph-i büpa kü Jisu shei menteke.

MATHI 2:16

Mechem heongphi leipü nahpülangpüthüi büpa kü luteke shei Herodi nyingpa, büpa longi mongshih, hatü büpa kü nahpülangpüthüi ejapü hepak aimü ittü Bethlehem hatü hapa shinei nyupü kübü hashihthü bong nyi hatü ha phang kübü peü ngeükhüam shuohtü jütükkem.

MATHI 2:19

Mechem Herod didaipa, Ijiplei Joseph kü mangh mü Shembüpalei phongshan hük vamei,

MATHI 2:3

Mechem Herod ongpai ha danpa, büpa hatü Jerusalemei nyupü peü mongshang,

MATHI 2:5

Jomphongi büpa kü, “Judea kahdok Bethlehemei” shei e; mehenangkü ha nang thihivamthüi hapakei nyangei nyüke:

MATHI 2:7

Hahepak kü Herodi nahpülangpü shennyakthü kü joei nyükei mepa hepak kü jiüshi litha vampü eepa, ha pheteke.

LUK SHAHSHA APPÜ 1:5

Judea kü Herod ongpalei nyih kü Abijah ngong phang kübü ngongpa hük Zekhariah shei mentü nyu. Chenyühayü Aaronei hühhiha nyu hatü pinnyü kü Elizabeth shei men.

LUK SHAHSHA APPÜ 2:11

Shinnyih David chingnyü kü am touei Yemleipüba, üpa Khrista, Shembüpa nyüpa, büpa angei nyüke.

LUK SHAHSHA APPÜ 2:15

Mechem vangsho phongshanthüi jomphong tuhphongtü vangsholei aongdaipa, mi yombüthü hüki hük mü, “Jeni shaang Bethlehemei daishah hatü Shembüpai jen kü nyinghüpükei mehe dou vampa, ha kü jeni veishah” shei etei.

JOHAN 7:42

Laihingi Messiahyü David am phang kübü, hatü David nyupü Bethlehem kübü vamhen shei eyei nenyupü je?

SHAHPHENBÜTHÜ 17:7

Hahepak kü Judah kahdok Bethlehem kü Judah am phang nethe hük nyu. Büpayü halei nyupü Levi am nyuteke.