MATHI 19:21 - DAÜLANGPÜ LAIHING (BSI)

²¹ Jisui büpa kü, “Nüngi changpüshapü leihüjema leituh, hatü nüngi angpü peü yutuh, hatü ha lop taopathü kü shuohtuh; shejüang nüng vangsholei mop nyuhen; hapheikü peikei, ngei phei mükei” shei e.

MATHI 19:21 Iomraidhean Croise

KAHBHAO 17:1

Mechem Abram bong 99 nyupa, Shembüpa büpa touei peiyei, “Ngeiyü Jeiyong Kahvang; ngei touei eela nekoh-i kamtuh.

KAHBHAO 6:9

Hathüyü Noahlei hühihathü: Noah-ü daülangshemshepü shennyak nyu, hatü büpa hepak kü hangku khongkü eela neshiüpü yangnyu, hatü büpa Kahvang mü kam.

JOB SHAHSHA APPÜ 1:1

Chem hepak kü Uz kahdokei shennyak hük Job shei mentü nyu. Hapa shennyakü eela neshiü hatü kangshangi nyu, hatü büpai Kahvang nyem hatü mang nedükhen kenhingpü shennyak nyuteke.

MENVIH KESHO 37:37

Eela neshiüpü shennyak kü veishi nyutuh, kangshangpü am kü veihümao; Chingmei kohpü shennyakei hüshompheinaü nyüpeih.

MATHI 16:24

Hahepak kü Jisui büpalei nanglomthü kü e, “Hanei ami ngei phei mühüjema, büpai laophü nang betüktuh hatü laophülei shophang paitü ngei phei mükei.

MATHI 19:20

Hapa nethepai, “Ngei hathü peü düktepih, shao ngei mepa-i nechangpa?” shei e.

MATHI 19:22

Mechem nethepai ha shah danpa, büpa mongmangei lüdai; mehenangkü büpa mop longi angteke.

MATHI 19:28

Jisui jomphong kü, “Ngei amphong kü shahhing eshah, dou peü ja leipü mü mechem Shennyak Ha laophülei müknyinshekhangpü ong uoshing kü uohen, am üami ngei phei mütepa, hathüi ong uoshing anpünyi kü uotü Israel phang anpünyi kü shahphenhen.

MATHI 4:19

Büpai jiji kü, “Ngei phei mükei hatü ngei anjiyü shennyak yeppü am leihühen” shei e.

MATHI 5:48

Vangsho leipü Pa keiha amphong changpüshapü leituh.

MATHI 8:22

Shejao Jisui büpa kü, “Ngei phei mükei, hatü didaipüthüi jomei mahng nyemvühah” shei e.

MATHI 9:9

Jisu hatoueipü daishingkü büpai shennyak hük Mathi shei mentü lat thaipü officelei uoshi eeyei büpai büpa kü, “Ngei phei mükei” shei e. Büpa haleipü yaongei büpa phei mü.

MARK 10:21

Jisui büpa kü bamei veitü, “Nüng lemhüki taoei nyüke; daituh, nüng angpü lemphü yutü ha lop taopathü kü shuohtuh, hatü nüngei mop vangsholei nyuhen; hapheikü huoi, ngei phei mükei” shei e.

MARK 2:14

Büpa kamei daishingkü büpai Alpheaslei cheha Levi lat thaiteipü shingei uoshi eeyei büpai büpa kü, “Ngei phei mükei” shei e. Büpa yaongei büpa phei mü.

MARK 8:34

Büpai khongnyü kü büpalei nanglomthü mü nyükei jomphong kü, “Hanei ami ngei phei mühüjema, laophü nyingi maanpü leituh, hatü laophülei shophang paitü ngei pheilei mükei.

LUK SHAHSHA APPÜ 12:33

Ammei mopthü yutü taopathü kü shuohtüktuh. Ammi laophü shing chang neleibenüng loptuw linghahtuh, gühpa yopailei nepei, thepi nehahpü vangsholei mechemao nemahnemenhen mop jaotuh.

LUK SHAHSHA APPÜ 14:33

Hanangkü ammi ammei mophimo kemei netuhphongjema amphong üpaiyao ngelei nanglom nelei-aokpih.

LUK SHAHSHA APPÜ 16:9

Ngei am kü enyeih, ammi shahhing ne-epü kahdoknyü mopi mongjempathü yemtuh, hatü mechem ha kemdaihen, jomi nüng dohpü neshiüpü nyushingei müei daihen.”

LUK SHAHSHA APPÜ 18:22

Mechem Jisui ha danpa, büpai büpa kü, “Shao lemhüki taoei nyüke. Nüngi angpü peü yutü hapa lop taopathü kü shuohtuh, hatü nüng vangsholei mop nyuhen, hapheikü ngei phei mükei” shei e.

LUK SHAHSHA APPÜ 5:27

Hapheikü büpa daishingkü lat thaibü hük Levi shei mentü lat thaishingei uoshi ee, hatü büpai büpa kü, “Ngei phei mükei” shei e.

LUK SHAHSHA APPÜ 6:40

Lai-ie hashih hükü laophülei nyuhbü mü longpü nevai, shejao mechem peüi nyingei manhenshang nyuhbü kei nyuhen.”

LUK SHAHSHA APPÜ 9:23

Hapheikü büpai jomphong kü ha eteke: “Hanei ami ngei phei müpü am leihüjema, büpai laophü nang betüktuh, hatü nyihjeih büpalei shophang paitü ngei pheilei mükei.

JOHAN 10:27

Ngelei mithüi ngelei ngeü dannyeih, ngei jom nyingnyeih, hatü hathü ngei phei münyeih.

JOHAN 12:26

Üami ngei chongphonya, ngei phei mütuh, hatü ngei melei nyu, halei ngelei chongphobüthü nyuhen. Üami ngei chongphonya, Opai-i dhüm huhen” shei e.

PHONGSHANTHÜ DOU 2:45

Jomi jomei mophimo hatü dou peü yutü napü aimü hanei shuoh.

HEBREW 10:34

Ammi khoklatei nyupüthü kü bampü hu, hatü ammei douhinang aetlangjao mongongshi nyupeih; mehenangkü meipüba hatü den den mop nyüpeih shei am nyingi nyingteke.