MATHI 19:16 - DAÜLANGPÜ LAIHING (BSI)

¹⁶ Hapheikü shennyak hük büpa touei peiyei, “Nyuhbü, vanyangyem danghen shingvaishi ngei mehe doumei dükhenang?” shei phe.

MATHI 19:16 Iomraidhean Croise

DANIEL 12:2

Üam meshük diyei kahmongei nyu, yangei leihen; hanei nedohnetenpü yangnyu yem touei, hatü hanei veüpong hatü denden mongmangpü touei nyuhen.

MATHI 19:15

Büpai hathü kü laki shüngtü hatoueipü lüdai.

MATHI 19:26

Jisui jomphong kü veitü, “Hangku shingvaishi hayü neaokbenüng shejao Kahvang shingvaishi peü aokbenüng” shei e.

MATHI 19:29

Üami ngelei men kü laophülei shem, jeihinaü, nyahinaü nevaijü nyühipa, hapeüthü nevaijü kahthü tuhphong, jomphongi kho hükpa nyeishi danghen hatü yangnyuyem danghen.

MATHI 25:46

Hathüyü nedohnetenpü hanghi shingei shühen, shejao daülangpüthü vanyangyem touei shühen.

JOHAN 10:28

Ngei jom kü vanyangyem shuohnyeih, hatü jom mechemao nemahhen. Ngelei lak leipü üpaiyao jom aetei nedaiaokpih.

JOHAN 12:25

Üami laophülei yangnyu kü bamnya mahtükhen, hatü üami hapa kahdoknyü kü laophülei yangnyu kü jiühitnya, vanyangyem shingvaishi yangei tuhhen.

JOHAN 3:15

hatü üami büpa kü hinglem yangnyuyem danghen.

JOHAN 4:14

shejao üami ngei shuohpü yung yinghenshang mechemao yung nelehen. Ngei shuohpü yungü jom kü yunglok leiyei vanyangyem touei bhaoei vamhen” shei e.

JOHAN 5:39

“Ammi laihing yemnyüke; mehenangkü halei yangnyuyem nyüpeih shei ammi deihnyüke; ha laihingthüi ngei jung denpü shuohnyüke,

JOHAN 6:47

Hingmei ngei am kü enyeih, üami hinglemnya, vanyangyem nyüpeih.

JOHAN 6:68

Simon Peteri, “Shembüpa, ham üpa touei daijanüng? Nüng kü vanyangyem shahthü nyüke.

PHONGSHANTHÜ DOU 16:30

Hapheikü büpai jiji shakei ngaitü, “Longpü am, ngei yemleihen shingvaishi mehe dükhenang?” shei phe.

ROM SHAHSHA APPÜ 2:7

Üami nenteipai mei düknya müknyinshekhang, dhüm hatü nemahnemenpü yangnyu yemnyüke; hathü kü büpai nedohnetenpü yangnyu shuohhen;

ROM SHAHSHA APPÜ 5:21

Hanangkü mangi dipü kü vanglem lempükei, Jisu Khrista, jenei Shembüpa homei daülangshemshepai yangnyuyem touei müpü homei phahjipai vanglem lempeih.

1 TIMOTI 1:16

Shejao ha tata kü üami büpa kü hinglem yangnyuyem danghen shei Khrista Jisui nedohnetenpü büpa nenteiaokpü lappü hük huhen shingvaishi ngei keipü nemeipü mang shennyak kü phahji hupeih.

1 TIMOTI 6:12

Hinglempü vehok meipü hoktuh; vanyangyem kü shoungtuh; hapa shingvaishi nüng nyükpeih, hatü denpü longi omshi nüngi lahpü meipü lingpeih.

1 TIMOTI 6:19

Hapakei dükpai ngoikahen den shingvaishi wong kohpü chongnyiam keiha jomi laophü shing mop jaohen, shejüang jomi yangnyu mepa hingshangpü yangnyu nyüpa, ha kü shoungaokhen.

TITUS 1:2

shahshem ne-epü Kahvangi denshemthü mangpangi lahpü nedohnetenpü yangnyuyem kü monglempü kü,

TITUS 3:7

hanangkü phahjipai jen dahshakhüei nedohnetenpü yangnyu monglempü kü mükjüp yahpü am leihüpeih. Hapa shah-ü hingshangpü.

1 JOHAN 1:2

Hapa yangnyu shakei vam, ha hami eetih hatü ha kü denpü shuohnyeih, hatü hapa nedohnetenpü yangnyu Chepa mü nyupü jen touei shakei vampü jung am kü baongnyeih.

1 JOHAN 2:25

Hatü büpai jen kü mehe lah, hayü vanyangyem yangnyu khih.

1 JOHAN 5:20

Jeni büpayü shahhing shei nyinghen shingvaishi Kahvang Ha peiyei jen kü danaokpü shuohpeih shei jeni nyingnyüke. Jenphongü üpa shahhing büpa kü nyüke– hapayü büpalei Ha Jisu Khrista. Büpayü hingshangpü Kahvang hatü yangnyuyem.

JUD SHAHSHA APPÜ 1:21

Kahvang bampü kü am nyutuh; vanyangyem lemei müpü jenei Shembüpa Jisu Khristalei phahji kü shesha lemei veituh.