MATHI 18:10 - DAÜLANGPÜ LAIHING (BSI)

¹⁰ Nüngi hathü maanpü hük kü dangkao ne-ienelemi nedükhen lituh; mehenangkü ngei am kü enyeih, vangsholei jomphongei vangsho phongshanthüi vangsho leipü Opalei dhe kü düngei veinyüke.

MATHI 18:10 Iomraidhean Croise

2 SAMUEL 14:28

Absalomi ongpa mü nepongtei-i vangbong nyi thahshi Jerusalemei nyu.

1 ONGPATHÜ 22:19

Mikaiah-i nedoh-i, “Hanangkü Shembüpalei shah bangtuh: Shembüpai büpalei ong uoshing kü uotü büpalei laknyong lakdah kü vangsho phongshanthü shinei yaongtü eenyüke.

ESTHER 1:14

büpai büpa phang kübüthü kü mehe dükhen shei phehen nangkü Karshena, Shethar, Admatha, Tarshish, Meres, Marsena hatü Memukan, jomphong jom nyet Persia hatü Media kü ongpa thahei peiyei aokpüthü hatü ongching kü peü mü longpüthü kü nyükteke.

MENVIH KESHO 15:4

Üpai shennyaktenthü khaattüknya, shejao Shembüpa kü nyempüthü kü dhüm shuohnya, shanghahjao üpai laophüi lahtükpü jiüshi düknya,

MENVIH KESHO 17:15

Shejao ngei payü daülangshemshepü kü ngei nüngei dhe eehen; ngei mechem paohen, nüng lepü kü eeyei ngei mong hüshemhen.

MENVIH KESHO 34:7

Büpa kü nyempüthü kü vangsho phongshanthüi shinei yomnyeih, hatü yanglangnyeih.

MENVIH KESHO 91:11

Mehenangkü Kahvangi büpalei vangsho phongshan shomei nüng dailem peü kü yomhen.

ZEKHARIAH 13:7

“Paotuh, Oh yanlu, ngelei dou dükpü mi yombüthü khüei” shei Jeiyong Shembüpai enyüke. Mi yombü kü bheituh, hatü mithü nyaidaiphahen; Ngei ngelei lak nanglakthü khüei nohen.

ZEKHARIAH 4:10

Mehenangkü üami douha maanpü dükpü nyih ne-ienelemhen, mongonghen, hatü Zerubbabelei lakei shethen vü noshi eehen. “Hapa awdük nyet-ü kahdoknyü peü kü veipü Shembüpalei mükthü khih.”

MATHI 1:20

Shejao mechem büpai hapa dükhen temei nyupa, Shembüpalei phongshan hük büpa touei mangh kü peiyei, “David ha Joseph, nüngi laophülei nyüha vaishi Mary yahhen tenyem; mehenangkü pinnyülei koshi nyupü naü-ü Laangha Daülangpü kübü nyüpeih.

MATHI 12:20

Büpai shahhingi aokpü mangdang thahshi laamdaipü pingu hükao nebhagtükhen, nevaijü metdaihen mü nyupü aw büpai nemettükhen.

MATHI 18:14

Hanangkü hathü maanpü khongkü hük dangkao mahtükhenü vangsho leipü ammei Pa-i nemongnyih.

MATHI 18:6

Ammi ngelei men kü vaipü maanpü hük kü dangkao huluh yaong haüjema, am shingvaishi üng kü yaongba longpü shentü yungching ilangmongei hüngdaipü-üng meipüba.

MATHI 2:13

Shaang jom leidaipheikü Shembüpalei phongshan hük Joseph touei mangh mü peiyei, “Paotuh, naü hatü chenyü nyi müei Ijiplei lükdaituh, hatü ngei mang-epha thahshi halei nyutuh; mehenangkü Herodi naü jühen yemnyüke” shei e.

MATHI 2:19

Mechem Herod didaipa, Ijiplei Joseph kü mangh mü Shembüpalei phongshan hük vamei,

MATHI 24:31

hatü büpai laophülei vangsho phongshanthü amit ngeü longpü mü shomei büpai jelangpüthü kahdok vaungjung aliphen kübü, hatü vangsho jung hük kübü hük dohpü thahshi thailanghen.

LUK SHAHSHA APPÜ 1:19

Vangsho phongshani büpa kü, “Ngeiyü Gabriel hih. Ngeiyü Kahvang touei yaongshi nyunyeih, hatü ngeiyü nüng kü ha ehen hatü nüng kü hapa shahjangmei kohen shompeih.

LUK SHAHSHA APPÜ 10:16

Üami ammi epü bangnya, ngei epü bangnyüke, üami am yaktüknya, ngei hatü ngei shompüba yaktüknyüke.

LUK SHAHSHA APPÜ 16:22

Hapa taopa di, hatü vangsho phongshanthüi büpa Abraham mü nyuhen yah-ei anlang. Hapa shemmeipayao di hatü mahng vü.

PHONGSHANTHÜ DOU 10:3

Chem om jem baji mongkü büpai manghkhang hük kü Kahvangei vangsho phongshan hük büpa touei longi lekshi peiyei, “Kornelius” shei eshuoh-ei eeteke.

PHONGSHANTHÜ DOU 12:15

Jomphongi pinnyü kü, “Nüngü ngadainyu khih!” shei e. Shejao pinnyüi hapayü hingmei hih shei nedoh-i e. Jomphongi, “Hapayü büpalei vangsho phongshan vaihen hih” shei eteke.

PHONGSHANTHÜ DOU 12:23

Shejao büpai Kahvang kü müknyinshekhang neshuohpü nangkü ngangahük kü Shembüpalei vangsho phongshani büpa kü bhei, hatü büpa laongi hah-ei di.

PHONGSHANTHÜ DOU 27:23

Mehenangkü meya ngelei Kahvang, ngei üpalei nyüpa hatü üpa kü khümnya, büpalei vangsho phongshan ngei touei peiyei,

PHONGSHANTHÜ DOU 5:19

Shejao yanüng Shembüpalei vangsho phongshan hüki khoklat sha aptü jomphong müei ngai hatü,

ROM SHAHSHA APPÜ 14:10

Mehekei nüngi laophülei nyahinaü hatü jeihinaü kü shahphen shuohnya? Nevaijü mehekei nüngi laophülei jeihinaü nevaijü nyahinaü kü ne-ienelemnya? Mehenangkü jen peü Kahvangei shahphenpü uoshing touei yaonghen.

ROM SHAHSHA APPÜ 14:21

Nüngei jeihinaü hatü nyahinaü huluh shuohhü leimeyü phai nehahpü nevaijü yiü neyingpü nevaijü meheyao nedükpü meipüba.

ROM SHAHSHA APPÜ 15:1

Jen üami hinglempü kü wong koh, wong nekohpüthü kü sheühen khih, hatü jen nyingi jen mongmeihühen nedükhen khih.

1 KORINT 11:22

Meheang! Am hahhen yinghen shem neshiüpü je? Nevaijü ammi Kahvangei attoi nyonghütü meheyao neshiüpüthü veühünyu je? Ngei am kü mehe ephahen? Ha nangkü ngei am kü vihhen je? Ha nangkü ngei am kü nevihpih.

1 KORINT 16:11

hanangkü üpaiyao büpa teyakphong. Mehenangkü jeihinaüthü mü büpaao ngei touei peikahen shei omdannyeih; hanangkü büpa meishi jingei shomte.

1 KORINT 9:22

Wong nekohpüthü müei leihen shingvaishi wong nekohpüthü touei ngei wong nekohpü am kei leipeih. Mehe vaihen vaijao hanei am dangkao yanghen nangkü ngei nanglak peü touei lemphü kei leipeih.

2 KORINT 10:1

Khrista nenteiaokpü hatü inpünyaipü homei ngei, Pauli am kü khümei enyeih– ngei am mü dhe dhe gongei thaijü veüpükei nyunyeih, shejao mechem yanei daihen am touei monglongshi nyunyeih.

2 KORINT 10:10

Mehenangkü hanei ami, “Büpalei laiyü mangshi hatü wong kohshi khih, shejao büpa jen mü nyujü wong nekohnyu, hatü büpalei shah-ü yahlak neshiü” shei enyüke.

GALATIA 6:1

Jeihinaüthü, hanei ami mang dükei yepjema, am üami Laangha yah-ei nyu, inyainyempü laanghai hapa keipü shennyak müei leituh. Am laophü nyingi nedokhahhen lituh.

1 THESALONIKA 4:8

Hanangkü üpai hapa nyuhpüvenpü yaktüknya büpai shennyak nevai, shejao büpai Laangha Daülangpü shuohpü Kahvang yaktüknyeih.

1 TIMOTI 4:12

Nüngei nethe yangnyu kü üpaiyao ne-ienelemi tenohah, shejao epü kü, dükpü kü, bampü kü, hatü daülangshemshepü kü lappü hük nyutuh.

HEBREW 1:14

Vangsho phongshanthü peü Kahvang chongphopü laanghathü, yemleipü mükjüp danghenthü touei büpai chongphohen nangkü shompüthü nevaipü je?

HEBREW 9:24

Mehenangkü Khristayü hingshangpü hük nyuh-ei hangkulei laki lingpü Longi Daülangpü Shingei neshü, shejao büpa vangsholei shüpeih; shaang jenei men kü Kahvang touei nyüke.

SHAKEI VAMPÜ 8:2

Hapheikü ngei vangsho phongshan nyet Kahvang touei yaongshi jomphong kü amit nyet yahshuoh-ei ee.