MATHI 13:19 - DAÜLANGPÜ LAIHING (BSI)

¹⁹ Mechem hanei ami hapa ongching jung epü shah bangtü nyingei neyahhen, mongdangei mehe sheili haiyei tuh, kahshih peiyei ha aetei lüdainyeih; lemshongei haipü sheiliyü ha hih.

MATHI 13:19 Iomraidhean Croise

KANDOK 1:7

Shembüpa nyempeyü nyingpühingpü chongpangpü; shejao ngapai kihikon, hatü nyuhpüvenpü yaktüknyeih.

KANDOK 17:16

Ngapa hüki kihikon nyinghen mong neshiüshiüi, hapa shakhen lop noshi longteipü kü mehe nangleinyüpa?

EZEKIEL 31:18

Eden leipü püthü mepai nüng nethe meipü hatü longpü mü shetteiaokhen? Shejao nüngao Eden leipü püthü mü kahmongei shüei shühen; nüngü nejaptükpü, yani mahpüthü mü lemshi nyuhen. “Hapayü Pharaoh hatü büpalei nanglakthü” shei Shembüpa Kahvangi enyüke.

MATHI 12:26

Satani Satan changaokjema büpa laophü khüei hannyüke; shejema mekei etü büpalei ongching yaongaokhen?

MATHI 13:20

Yaong shangkü vüpü sheiliyü ha hih; hanei ami hapa shah dantü monghumpai lomi yahnyüke;

MATHI 13:38

Kah lappeyü kahdoknyü, hatü meipü sheiliyü ongching kü hapeüthü, hatü nüklangthüngü kahshihlei hapeüthü,

MATHI 4:23

Jisui Galil peü thümei Sinagoglei nyuh-ei, hatü ongching jung shahjangmei chongvenei lemphü dinlem meihüei hatü nanglakthü khongkü tüngpü lemphü meihüei dai.

MATHI 5:37

Nüngei shah-ü, “Hih, shejü hih” nevaijü, “Nevai, shejü nevai” shei etuh. Ha mü lendaipü peü mang kübü vamnyüke.

MARK 4:15

Shennyak haneiyü lemei vüpü sheili keiha shahjangmei haishuohjü jomi ha danhinüng kahshih peiyei jom kü haipü shahjangmei yah-ei lüdainyüke.

LUK SHAHSHA APPÜ 10:9

Haleipü tüngpüthü meihütuh hatü jom kü, ‘Kahvang ongching am yopailei nyüke’ shei etuh.

LUK SHAHSHA APPÜ 9:2

hatü büpai jomphong Kahvang ongching baonghen hatü tüngpü meihühen shom.

JOHAN 18:38

“Shahhingü meheang?” shei Pilati phe. Büpai ha epheikü büpai shao Jehoda am touei vamei jomphong kü, “Büpa nyonghühen mü ngei meheyao nedangang.

JOHAN 8:43

Ngei epü ammi mehekei nedannya? Hayü ammi ngelei shah neyahpü nangkü hih.

PHONGSHANTHÜ DOU 17:32

Mechem jomi dipü kübü yangei leipü jung danpa, hanei ami nyienteke, shejao lebüthüi, “Hami shao-üng hapa jung banghen hih” shei e.

PHONGSHANTHÜ DOU 18:15

shejao hapayü shah hatü men hatü ammei shahkung nangkü shah dakteipü vaipü nangkü am nyingi ehahtuh; ngei henüng nangkü shahphenbü nevaipih” shei e.

PHONGSHANTHÜ DOU 20:25

Ngei mü amphong Kahvang ongching jung chongvenei daipüthü üpaiyao sheyü ngelei dhe ne-eeshasha shei ngei nyingdaiteke.

PHONGSHANTHÜ DOU 28:23

Jomi büpa mü ponghen nyih itteipheikü jomi büpa paümpü shingei khong longi pei. Dhom kübü om dhüshi büpai hapa jung nih-ei Kahvang ongching jung denpü shuoh, hatü Mosa shahkung hatü thihivam laithü kübü eyei jomphongao Jisu shingvaishi lepei leihen khe.

ROM SHAHSHA APPÜ 1:28

Kahvang nyinghen jomphong den nengoi shei veiaokpü nangkü Kahvangi jomphong nedükbenüng dou dükhen mongdang ten kü lanei shuohtükpeih.

ROM SHAHSHA APPÜ 14:17

Mehenangkü vangsho ongchingü hahbenüng hatü yingbenüng nevai, shejao daülangshemshepü, chingmei hatü Laangha Daülangpü kü mongongpü nyüke;

ROM SHAHSHA APPÜ 2:8

shejao üami laophü shing mon yemnya, hatü shahhing yaktüktü mang phei münya, Kahvangi büpalei mongshih hatü mongpuk show laihen.

EPHESIA 3:8

Ngei Kahvangei nanglakthü maanpü khongkü ahshi-üng maanpü hük vaijao, Kung am kü yemei neaokpü Khristalei mop jung shahjangmei kohen,

2 THESALONIKA 2:12

shejüang shahhing kü hingnelempüthü shejao mang kü mongongpüthü nyonghühen.

HEBREW 2:1

Hanangkü jeni mehe dan, ha kübü yanei nedeilanghen shingvaishi jeni longi kenhingei mong shuohhen khih.

1 JOHAN 3:12

Jenphongü laophülei naüpeü jütükpü kahshih leipü Kain kei nevaihen khih. Mehekei büpai chenaü jüpa? Mehenangkü büpai dükpü dou nejiü, shejao chenaüi dükpü dou jiüshi nyuteke.

1 JOHAN 5:18

Kahvangi bühpüthü mang thah-ei nenyunyih shei jeni nyingnyüke, shejao Kahvangi bühpü shennyak yangei tuhnyeih hatü kahshih-i büpa kü lak nehingnyih.

1 JOHAN 5:20

Jeni büpayü shahhing shei nyinghen shingvaishi Kahvang Ha peiyei jen kü danaokpü shuohpeih shei jeni nyingnyüke. Jenphongü üpa shahhing büpa kü nyüke– hapayü büpalei Ha Jisu Khrista. Büpayü hingshangpü Kahvang hatü yangnyuyem.