MATHI 13:15 - DAÜLANGPÜ LAIHING (BSI)

¹⁵ Mehenangkü hapa nanglakthülei mongdang bawdaiteke, hatü danpai jomei dhaong hüdaiteke, hatü jomei mük ngühdaiteke. Hei nevailangmeyü jomei müki eehen, jomei dhaongi ha danhen; jomei mongdangi nyingei yahpai mong lepei leihen, hatü ngei jom meitükhah shepeih.

MATHI 13:15 Iomraidhean Croise

MENVIH KESHO 119:70

Jomei mongdangü chetshi, hatü danaokpü neshiü; shejao ngeiyü nüngei shahkungthü kü mongongnyeih.

KANDOK 16:30

Üpai müki shah enya, büpai ten temnyüke; Üpai juben yowteinya, büpai mang vamhünyeih.

ISAIAH 44:20

Büpai depla hahnyüke; büpalei dhennyong mongnyongi büpa lemnyong kü mülangnyüke, hatü büpa nyingi neyangaok-ü nevaijü “Ngelei lakdah lemei nopü lajeiyü Kahvang nevai, shahshem khih” shei nedeihnyu.

ISAIAH 57:18

Ngei jomei lemthü eetepih, shejao jom meihühen; Ngei jom mühen hatü mahng theppüthü kü nyiumei shuohhen.

ISAIAH 6:10

Hapa nanglakthülei mongdang yawtüktuh; dhaong aangtükhütuh hatü mük phüngtüktuh. Hei nevaijema jomi eehen, danhen, nyinghen, hatü ngei touei mong lepei leiyei meitükpü danghen khih.”

JEREMIAH 17:14

Ngei meitükshih Oh Shembüpa, hatü ngei meidaihen; ngei yangshih, hatü ngei yangdaihen; mehenangkü ngei menvih shuohpeyü nüng mon hih.

JEREMIAH 17:9

Peü meyü mongdang-üng ühing kohshi, hatü nyeinya-üng nemei-i nyüke, hatü ha meihühen neaoknyu. Üpai ha yaoei aokhen?

JEREMIAH 3:22

Mong leptuh, Oh hingnelempü Israel, ngei am hingnelempü meitükphahen. “Ham nüng touei peikünyeih; mehenangkü nüngü Shembüpa, hamei Kahvang.

JEREMIAH 33:6

Shejoongpa, ngei hapa chingnyü kü meihüpü hatü yangnyu meipü shuohhen; ngei ngelei nanglakthü meihühen, hatü chingmeivangmei nyiushemmei changshi shuohhen.

HOSEA 14:4

Shembüpai enyüke: “Ngei nanglakthü lembienei lüdaipü müei leihen; Ngei jom kü changshi bamhen; mehenangkü ngei jom kü mongshihpü meidaiteke.

ZEKHARIAH 7:11

Shejao jomi ha kü mong neshuoh; ngaümphei lepdai hatü dhaong neno.

MALAKI 4:2

Shejao amphong üami ngelei men kü dhüm shuohnya, am shingvaishi daülangshemshepü vanghela kei meihüpü kohshi aongkahen. Mohoh cheha khaok leipü veshuohjü vamei phaukteipü keiha am vamei daiyei phaukteihen.

MARK 4:12

shejüang jomi veihen shejao ne-eehen, banghen shejao nedanaokhen; hei nevaijema jom Kahvang philei lephen hatü mang tükpü danghen” shei e.

LUK SHAHSHA APPÜ 19:42

hatü, “Chingmei shingvaishi lingpü hapa nyih ammi dangkao nyinglang meyo– Shejao shaang hapayü ammei mük kübü jolangteke.

PHONGSHANTHÜ DOU 28:27

Mehenangkü hapa nanglakthülei mongdang ngadai, hatü jomei dhaong nedanhen mü hüdai, hatü jomei mük phüngdaiteke. Hei nevailang meyü jomei müki eehen, jomei dhaongi danhen, hatü jomei mong kü nyinghen, hatü jom ngei lemei lepei leihen, hatü ngei jom meitükhah shepeih.”

PHONGSHANTHÜ DOU 3:19

Hanangkü mong leptuh, hatü ammei mang thitei yaktükphahen shingvaishi Kahvang touei lepei leituh,

PHONGSHANTHÜ DOU 7:57

Shejao jomi jomei dhaong kü dhühlang hatü ngeüwong anei jom peü chemi büpa khüei heihteke.

2 TIMOTI 4:4

hatü shahhing shah banghen kübü lepei lüdaihen hatü yimpilathü kü mong shuohdaihen.

HEBREW 5:11

Hami hapa nang ehen longi nyüke, shejao ammi danhen wongpü nangkü ha nih-ei ehen wongteke.

SHAKEI VAMPÜ 22:2

hatü hayü chingnyü chingyangshong jiam homei yenteke. Hapa yungdang nyiphen kü yangnyu pü nyüke, hatü halei betjük lem anpünyi len ieyei jüknyüke; hatü hapalei phenlakü jatthü meihühen shingvaishi nyüke.