MATHI 13:11 - DAÜLANGPÜ LAIHING (BSI)

¹¹ Büpai jangei e, “Amphong kü payü vangsho ongching doujo nyinghen shuohteke, shejao jomphong kü payü mangshuohpih.

MATHI 13:11 Iomraidhean Croise

MENVIH KESHO 25:14

Shembüpai büpa kü nyempüthü kü shahmong ngaiyei enyeih. Shembüpai laophülei vangpüshuwpü nyinghünyeih.

ISAIAH 29:10

Mehenangkü Shembüpai amphong kü shükshi shihen laangha shuohteke; Thibüthüi büpai ammei mük kü shaktükteke, hatü manghkhang eepüthüi ammei shangjing kü jümtükteke.

ISAIAH 29:11

Am shingvaishi hapa manghkhangü küptükpü laitap hük leshi leidaiteke. Ammi hapa laitap ieaokpü shennyak kü, “Hapa ieshih” shei eshuohjü jomi, “Hapayü küptükpü nangkü ne-ieaokükhih” shei ephahen.

ISAIAH 35:8

hatü halei lemnyüshong hük nyuhen; ha kü, “Daülangpü Lem” shei nyükhen. Nedaünelangpüthü hapa lem kü nekamhen, shejao hapayü Kahvangei shennyakthü shing mon nyuhen. Nemeipü, ngapathü hapa lem kü nekamhen.

MATHI 13:10

Hahepak kü nanglomthü peiyei büpa kü, “Nüngi mehekei jomphong kü shahlap mü eshuohnya?” shei e.

MATHI 16:17

Jisui büpa kü, “Nüng moihimanpü, Jonahlei cheha Simon! Mehenangkü iy hatü phai-i nevai, shejao vangsholei nyupü Opa-i ha nüng kü shakei vamhüpü khih.

MATHI 19:11

Shejao büpai jomphong kü, “Ha nyuhpüvenpü peü shingvaishi nevai, shejao üam kü Kahvangi shuoh, hathü shing mon.

MATHI 20:23

Jisui jomphong kü, “Amphongi ngelei yungshong kübü yingaokhen, shejao ngelei laknyong lakdah kü uohenü ngei shuohhen nevai, shejao hapayü Opai-i üam shing tem, hathü shing vaikahen” shei e.

MARK 10:40

shejao ngelei laknyong hatü lakdah philei uohenü ngei shuohhen nevai, shejao hapayü üam shing temei nyu hathü shing hih” shei jangei e.

MARK 4:11

Büpai hathü kü, “Amphong kü payü vangsho ongching shahjo shuohtepih, shejao haolei nyupüthü shingvaishi lemphüli shahlap mü enyeih;

LUK SHAHSHA APPÜ 8:10

Büpai, “Amphong kü hapa Kahvang ongching shahjo nyinghen shuohtepih; shejao lebüthü kü ngei shahlapi enyeih, shejüang ‘Veijao jomi ne-eehen, hatü danjao jomi ha nenyinghen’ ” shei e.

JOHAN 6:65

Büpai nedoh-i, “Ha tata kü ngei shelei mebü amphong kü Opa-i neshuohpheikü üpaiyao ngei touei nepeiaokpih shei ngei etepih” shei e.

JOHAN 7:17

Üpai Kahvangi mongpü dükhen shei mongei nyu, büpai hapayü Kahvang leipü hi ngei nyingkü deihtü ehahnya nyinghen hih.

PHONGSHANTHÜ DOU 16:14

Nyüha hük Lydia shei mentü nyu; pinnyü-ü Kahvang kü khümpü shennyak hük hamphongi epü kü bangei nyuküpeih. Pinnyü-ü Thiatira am hatü manghmepü ashak yuteipü shennyak nyuteke. Pauli epü kü mong shuoh-ei banghen Shembüpai pinnyülei mongsha apteke.

ROM SHAHSHA APPÜ 11:25

Hanangkü jeihinaü hatü nyahinaüthü, am meheshang, ha mü lenei am nahpeih shei nechangmeihen shingvaishi ammi hapa shahjo nenyingi nyemtenyu shei ngei deihnyüke. Israel am hanei kü mong vaanhen peipeyü denshing nevai, shejao Kung am peü mangpei thahshi mon.

ROM SHAHSHA APPÜ 16:25

Shaang büpa, üpai ngelei shahjangmei aimü, hatü den luangi joshi angpü shahjo shakei vampü aimü Jisu Khrista jung baongpai am wong kohhühen aok,

1 KORINT 13:2

Hatü ngei kü thihivam nganthü, hatü shahjo peü nyinghen thintho hatü nyingpü peü nyujao, hatü kahshang shintükaokhen mü ngei kü hinglempü nyujao ngei kü bampü nenyujema, ngeiyü kong.

1 KORINT 15:51

Bangtuh, ngei shahjo hük am kü ephüshah: Jen peü shishi nenyuhen, shejao jen peü,

1 KORINT 2:14

Üam kü Laangha nenyu, Kahvang leipü Laangha thinthothü danghen neaok; mehenangkü hathüyü jom shingvaishi ngadou, hatü hathü jung jomi nenyingaokpih; mehenangkü jomphongü meheshang laangha kü nyingdaiteke.

1 KORINT 2:7

Shejao hami joshi hatü jaoshi nyupü Kahvangei kihikon jung enyeih, hatü hapayü denshemthü pangshekü Kahvangi jenei müknyinshekhang shingvaishi jetükpeih.

1 KORINT 4:1

Hamphong keyü Khristalei chongphobüthü hatü Kahvangei shahjothü kü khei vaibüthü shei deihtuh.

1 KORINT 4:7

Mih mü hayaoha kei am üpai lingpa? Ammi nedangpü kü angpü üpa nyüpa? Hatü ammi ha dangjü thintho hük nevaipü keiha mehekei ammi changmeinya?

EPHESIA 1:18

Shejüang ammei mongdang mük apei mepa monglem shingvaishi büpai am nyük, daülangpüthü khongkü büpalei müknyinshekhang mükjüp mop mepa nyu,

EPHESIA 1:9

büpai Khrista kü mong hahpü aimü büpai mongpü shahjo jen kü nyinghüteke.

EPHESIA 5:32

Hapayü longpü shahjo, hatü ngei hapayü Khrista hatü attoi nyi jung shetei enyeih.

EPHESIA 6:19

Mechem ngelei ju kübü shah vamei ehen, monglongshi hapa shahjang meipü shahjo nyinghühen nangkü ngei kü shahjang yahphahen shingvaishi ngei shingao phopshih.

KOLOSI 2:2

Ngei ha dükpü mükhongü jom mongkü mongnang thongteihen hatü bampü kü mongjemhen nangkü nyüpeih, shejüang hingshangpü danteipai koei peipü lekhingpü mop hatü Kahvangei shahjo lappai, Khrista nyinghen.

1 TIMOTI 3:16

Nejü-üi jenei vaipü vanglem kü shahjo longpü nyüpeih: “Büpa phai kü shakei vam, Laangha kü dahshakhü, vangsho phongshanthüi ha ee, Kung am kü ha baongteke, kahdoknyü kempülei hinglem, müknyinshekhang kü shangei anlang.”

1 TIMOTI 3:9

jomei mongdeih daülangpai hinglempü shahjo kü wongshongi shoungpü vaihen vongbong.

JAKOB 1:5

Am hanei kihikon kü taojema peü kü bhashahshi hatü nekaungi shuohpü Kahvang kü yütuh, hatü ha am kü yahphahen.

1 JOHAN 2:20

Shejao amphongü Laangha Daülangpai thiteiphuteke, hatü am peüi shahhing nyingei nyüke.

1 JOHAN 2:27

Am nang keyü ammi büpa leipü thiteiphupü dangpü ha am kü nyüke, hanangkü am kü nyuhhen üpayao nadang neshiü. Shejao büpai thiteiphupai dou peü am kü nyuhnyüke, hatü hayü shahhing, shahshem nevai, hatü am kü nyuhpükei shahhing nyüke; ammi büpa kü nyutuh.