MATHI 10:41 - DAÜLANGPÜ LAIHING (BSI)

⁴¹ Üami thibü hükei men kü thibü hük mongongshi yah, thibülei laklei danghen, hatü üami daülangpü shennyakei men kü daülangpü shennyak mongongshi yah, daülangpü shennyakei laklei danghen;

MATHI 10:41 Iomraidhean Croise

KAHBHAO 20:7

Shaang nüngi hapa nyüha chepaha kü leiyeishuoh; mehenangkü büpayü thibü hük, hatü büpai nüng shing phopphahen hatü nüng meishi nyuhen. Shejao nüngi pinnyü neleishihjema, nüng hatü nüngei nanglak kemei dihen” shei e.

ISAIAH 3:10

Daülangpüthü kü am-üng vangmei khih shei eyeishuoh; Mehenangkü jomi laophülei lak kübü vampü hahshi nyuhen.

MATHI 16:27

“Mehenangkü Shennyak Ha vangsho phongshanthü mü Palei müknyinshekhang kü yiühen, hatü büpai shennyak peü kü laophüi dükpü shangshi laklei shuohhen.

MATHI 25:44

Hahepak kü jomphongiyao jangei, “Shembüpa, mechem hamphongi nüng aeiyei, yung leyei, yenpa kei, bümkong, tüngei nevaijü khoklatei nyupü eetü hami nüng kü nejungpa?” shei ehen.

MATHI 25:45

Hahepak kü büpai jomphong kü, “Hingmei ngei am kü enyeih, hathü khongkü maanpü hük kü ammi nedükpeyü ngei kü nedükpeih” shei ehen.

MATHI 6:1

Mih-i eehen shingvaishi shennyak touei doumei nedükhen lituh. Hapakei dükjema, am shing vangsholei nyupü Opa leipü laklei neshiü.

MATHI 6:18

shejüang am shüaeiyunglepü mih-i ne-eehen, shejao ammi joshi dükpü ammei Pa-i ha eehen, hatü am kü laklei shuohhen.

MATHI 6:4

shejüang ammi sheühpeyü joshi nyuhen, hatü ammi joshi dükpü eepü Pa-i am kü laklei shuohhen.

MATHI 6:6

Shejao mechem ammi phophenshang, sha küpei dung-am mongei shüei joshi nyupü ammei Pa kü phoptuh, hatü ammei Pa üpai joshi nyupü eenya, büpai am kü laklei shuohhen.

MATHI 7:8

Mehenangkü yüpü peüi dangnyeih, yempü peüi dangnyeih, hatü khungpü peü kü apnyeih.

PHONGSHANTHÜ DOU 16:15

Mechem pinnyü hatü jom shem peü baptükpa, pinnyüi hamphong kü, “Amphongi ngeiyü Shembüpa kü hingshangi vaipü shennyak shei nyingaokjema ham shemei leiyei nyutuh” shei ephopeih, hatü jomei leihen pinnyüi hamphong kü nyükphopeih.

ROM SHAHSHA APPÜ 16:23

Gaius, üpai ngei hatü haleipü attoi am peü haümnya, am kü selamja. Chingnyü leipü shemchongbü Erastus, hatü jenei jeihinaü Quartus nyi-i am kü selamja.

1 KORINT 9:17

Ngei hayü ngei nyingi mongei dükjema, ngei shing laklei nyüpeih; shejao ngei nyingi mongei dükpü nevaijema, ngei kü kangpü dou hük shuohpü khih.

HEBREW 6:10

Mehenangkü Kahvangü shahhing ne-epü nevai; ammi shaang thahshi dükpükei ammei dou hatü daülangpüthü chongphoei büpalei men kü bampü hupü kü büpai am hei-üng nebetükpih.

2 JOHAN 1:8

Hami mepa shingvaishi dük, ha nemahtükhen, shejao ammi laklei changshi danghen shingvaishi thaeimaei nyutuh.