MATHI 10:40 - DAÜLANGPÜ LAIHING (BSI)

⁴⁰ Üami am mongongshi yah, jomi ngei mongongshi yahnyüke, hatü üami ngei mongongshi yah, jomi ngei shompüba mongongshi yahnyüke.

MATHI 10:40 Iomraidhean Croise

1 ONGPATHÜ 18:4

Mechem Jezebeli Shembüpalei thibüthü jütükpa, Obadiah-i thibüthü kho hük müei daiyei yaongsha nyi kü pinyipüan baong shüshihtü jotük, hatü hahying shuohteke.)

JEREMIAH 39:17

Shejao ngei nüng yanghen shei Shembüpai enyüke; nüngi nyempüthü kü nüng neshuohtükhen.

MATHI 18:5

Üpai ngelei men kü hapa keipü naü mongongshi yahhenshang, büpai ngei yahnyüke.”

MATHI 25:40

Ongpai jomphong kü, “Hingmei ngei am kü enyeih, amphong maanpü ngelei jeihinaüthü kü mepa ammi düktepa, hayü ngei kü dükpeih” shei jangei ehen.

MATHI 25:45

Hahepak kü büpai jomphong kü, “Hingmei ngei am kü enyeih, hathü khongkü maanpü hük kü ammi nedükpeyü ngei kü nedükpeih” shei ehen.

MARK 9:37

“Üami ngelei men kü hapa keipü hashih hük mongongshi yahnya, büpai ngei yahnyüke; hatü üami ngei mongongshi yahnya, ngei yahnyu nevai, shejao üpai ngei shom büpa yahnyüke” shei e.

LUK SHAHSHA APPÜ 10:16

Üami ammi epü bangnya, ngei epü bangnyüke, üami am yaktüknya, ngei hatü ngei shompüba yaktüknyüke.

LUK SHAHSHA APPÜ 9:48

jomphong kü, “Üpai ngelei men kü hapa naü maanpü yahhenshang, ngei yahnyüke, hatü üpai ngei yahnya, ngei shompüba yahnyüke; mehenangkü amphong khongkü peü mü maanpübayü peü mü longpüba” shei eteke.

JOHAN 13:20

Hingmei ngei enyeih, üami ngei shompü hük yahnya ngei yahnyüke, hatü üami ngei yahnya, ngei shompübaao yahnyüke” shei e.

JOHAN 20:21

Jisui shao jomphong kü, “Amphong mü chingmei nyutuh. Opa-i ngei shompükei ngeiyao amphong shomnyeih” shei e.

JOHAN 5:23

shejüang Pa kü dhüm hupükei Ha kao dhüm huhen. Üpai Ha kü dhüm nehu, büpai büpa shompü Pa kü dhüm nehunyu” shei e.

2 KORINT 5:20

Hanangkü hamphongü Khrista shing lembüthü; mehenangkü Kahvangi hamphong homei nanglakthü kü nyükhen phepü nangkü Khristalei men kü hami khümnyeih, Kahvang mü mongjemei leituh.

GALATIA 4:14

Ngei tüngpü am shingvaishi hanggovih hük kei vaijao ammi ngei kü neienelemi neno, hatü neyakphong, shejao ammi ngeiyü Kahvangei vangsho phongshan, hatü Jisu Khrista kü kei mongongshi yahpeih.

1 THESALONIKA 4:8

Hanangkü üpai hapa nyuhpüvenpü yaktüknya büpai shennyak nevai, shejao büpai Laangha Daülangpü shuohpü Kahvang yaktüknyeih.

2 JOHAN 1:9

Üpai Khristai nyuhpüvenpü kü nekam, shejao ha peih-ei dainya, büpa kü Kahvang nenyu; üami nyuhpüvenpü kü kam, Pa hatü Ha nyiphen nyüke.