MATHI 10:17 - DAÜLANGPÜ LAIHING (BSI)

¹⁷ Amphongi jom kü lituh; mehenangkü jomi am shahphen shingei müei deihen, hatü Sinagoglei jomi am kü bheiphahen;

MATHI 10:17 Iomraidhean Croise

MARK 13:9

Am laophü nyingi lishi nyutuh; mehenangkü jomi am yepei shahphen shingei lanei shuohhen; hatü amphong kü Sinagoglei üpphahen, hatü amphong ngei nangkü denpü shuohhen governor hatü ongthü touei yaonghen.

MATHI 23:34

Hanangkü ngei am kü thibüthü, nyingpühingpüthü hatü shahkung nyuhbüthü shomphahen; ha khong kübü hanei ammi jühen, shophang kü aphen, hatü hanei Sinagoglei üphen, hatü jila hük kübü hük shei changteiyei anghen,

PHONGSHANTHÜ DOU 26:11

Hepak longshi shingkü ngei Sinagog hük leipü hük thahshi jom hanghihühen longteihampeih, hatü jom vaipü jom nyingi sheyü nevaipih shei ehühen ngei khehampeih. Ngei ahshi-üng jom kü mongshihpü nangkü ngei jom hanghihühen nangkü mih kung kahdok leipü chingnyüthü leiyao daiyei shüveihampeih.

JOHAN 16:2

Jomi am Sinagog leipü changtükhen. Hingmei, am jüpüthüi hapakei dükpai Kahvang kü khümnyeih shei deihhen hepak hük ngoikünyüke.

LUK SHAHSHA APPÜ 12:11

Mechem jomi am Sinagoglei, vanglem lembüthü hatü wong nopüthü touei müei deihenshang, am yanghen nangkü mekei ehen, mehe ehen shei mongteshang;

MATHI 5:22

Shejao ngei amphong kü ha enyeih, ammi jeihinaü nevaijü nyahinaü hük kü mongshihjema, nüng shahphenhen, hatü nüngi jeihinaü nevaijü nyahinaü hük vüshih-ei, “Nüng yahlak neshiü” shei ejema am shahtapei müei deihen; hatü üami, “Ngapa” shei ehenshang, am molo aw vongshüh kü nyuhen.

PHONGSHANTHÜ DOU 22:19

Ngei jangei, “Shembüpa, ngei Sinagog hük leipü hük shei nüng kü vaipüthü khoklatei küphen hatü üpei longteihampeih shei jomi nyingei nyüke;

MIKA 7:5

Ammi chingnyü kü hingtelem, ammei küphü hük kü mongtelem. Nüngei nyüha touei dangkao mehe enya nüngi lituh, hatü nüngei ju yomtuh.

HEBREW 11:36

Lebüthüyü ne-ienelempü, üphahpü hatü nyiamvüi shatü khoklatei tuhhahpü pongteke.

2 TIMOTI 4:15

Nüngao büpa touei lishi nyutuh; mehenangkü büpai jenei shahjangmei kü wongmü khüei yaongnyüke.

PHILIPPI 3:2

Shithü kü lituh, douten dükpüthü kü lituh, phai vetteipüthü kü lituh.

JOHAN 11:47

Hanangkü ngongpathü hatü Phariseethüi shahtapei shahthai hük thongei, “Jeni mehe dükhenang? Hapa shennyaki nyangeihepü longi düknyüke.

MARK 13:12

Jeihinaü hi jeihinaü, pa hi ha, hatü hapeüthüi nyühipa khüei yaonghen hatü jüteihen;

MATHI 26:59

Shaang ngongpathü hatü shahtap kü uopüthüi Jisu jühen nangkü büpa khüei shahshem denpü yemei nyu;

PHONGSHANTHÜ DOU 17:14

Hahepak kü vaipüthüi shülangi Paul yungching yungkungei shomtük, shejao Silas hi Timoti nyi payü halei nyu.

MATHI 20:19

hapheikü jomi büpa Kung am kü yaühühen, üphen hatü shophang kü aphen, hatü nyih jempabü kü yangei leihen” shei e.

MATHI 10:18

hatü ngelei men tata kü jom hatü Kung am touei denpü hük vaihen nangkü am governor hatü ongthü touei shüei deihen.

PHONGSHANTHÜ DOU 9:2

ha Lem kü nyupüthü dangjü nyüha vaijao baha vaijao yepei Jerusalemei leihen shingvaishi Damaskalei nyupü Sinagogthü kü büpa jung eyei nyangpü lai yüteke.