MATHI 10:16 - DAÜLANGPÜ LAIHING (BSI)

¹⁶ Veituh, ngei amphongü shuw chi kü mi keiha shomnyeih; hanangkü biü keiha nahshi nyutuh, hatü athuba keiha lapja-i nyutuh.

MATHI 10:16 Iomraidhean Croise

KAHBHAO 3:1

Shaang Shembüpa Kahvangi lingpü phaüyemthü khongkü biü-ü peü mü glüp kohpü yem nyuteke. Hapa biüi nyüha kü, “Kahvangi hapa pemongei nyupü pü kübü meheyao tehah shei ephopü je?” shei phe.

KAHBHAO 3:13

Hahepak kü Shembüpa Kahvangi hapa nyüha kü, “Nüngi mehe dükpa?” shei e. Hapa nyühai, “Biüi ngei luhahpeih; hanangkü ngei ha hahpeih” shei e.

NEHEMIAH 4:13

Hanangkü ngei bham peü mü nyaümpü shing peü eepü shingei phang phang aimü yan, phung, hatü lah notü yaonghüpeih.

JEREMIAH 40:16

Shejao Ahikamei cheha Gedaliah-i Kareahlei cheha Johanan kü, “Henüng dou tedük! Nüngi mehe Ishmael nang enya, hayü jiüpü nevaipih” shei e.

HOSEA 7:11

Ephraim amü ken nehingpü, sholi nekohpü athuba leangke; Jomi Ijip am kü sheühpü yünyüke, shao Assyria am philei lepnyüke.

MATHI 24:25

Yeihshi ngei am kü ha etepih, nyingtuh.

MATHI 24:45

Shejema hingmeipü hatü kon kohpü chongphobü üpaang? Büpayü shembüi laophülei shem leipü lebü chongphobüthü shak kü hepak jiüshi hahying hanei shuohhen shembü shaei tuhpüba hih.

MATHI 25:2

Jom ngayü nelipü hatü jom ngayü kon kohshi nyuteke.

MATHI 25:4

shejao kon kohpüthüi awdük mü awyung nyeinya koteke.

MATHI 25:9

Shejao kon kohpüthüi, “Jen peü shingvaishi awyung changshi neshiüpih; yupü shingei daiyei ammi laophü shing shakhahtuh” shei e.

LUK SHAHSHA APPÜ 10:3

Daituh, ngei amphongü shuw chi kü mithü kei shomnyeih.

LUK SHAHSHA APPÜ 21:15

mehenangkü ammei vepa üamiyao am mü nekhangteihen nevaijü shah nedakteihen mü ngei am kü shahthü hatü kihikon shuohhen.

PHONGSHANTHÜ DOU 20:29

Ngei leidaipheikü mi aoei netuh-i hahtükhen mangpü shuw am touei peikahen shei ngei nyingnyüke.

1 KORINT 14:20

Jeihinaü hatü nyahinaüthü, chudeih kü hashih kei tenyu; ten nangkü hashih kei nyutuh, shejao chudeih kü behe kei nyutuh.

2 KORINT 1:12

Shaang ham changmeipü hatü hamei mongdeih denpeyü hapa hih: Hami hapa kahdoknyülei anyei vaishi am mü shahngai eshi, shüeinyiükei kahdoknyü kihikoni nevai, shejao Kahvang phahji homei nyupeih shei hamei mongi denpü shuohnyüke.

2 KORINT 11:14

Tethama! Kahshih-i dangkao vangngailei phongshan shei laophü nyingi yeiyaei hunyeih.

2 KORINT 11:3

Shejao biüei glüp homei Ev luhahpükei Khrista kü ammi mong kemei hatü daülangpai lanei shuohpü kübü lemnyongei mülanghen khih shei ngei yingei deihnyüke.

2 KORINT 8:20

Hami hapa mongong thintho noteishingkü hapa lem kü mih-i nümnümpü nevamhühen khenyeih.

PHILIPPI 2:15

shejüang kaokdaipü hatü nyongdaipü den kü amphong eela neshiüpü, daülangpü, kawhikang neshiüpü Kahvang hathü vaihen; hapa kü amphong lithathü kei kahdoknyü kü nyahen.

KOLOSI 1:9

Ha vaipü nangkü hami ha danpü nyih kübü hami am shingvaishi laangha kihikon hatü nyingpühingpü peü kü Kahvangi mongpü nyingpühingpai am mahen nangkü yüei phoppü nedohnyih.

KOLOSI 4:5

Hepak mei angei haolei nyupüthü touei ammi kon kohshi düktuh.

1 THESALONIKA 2:10

Am vaipüthü touei ham mekei daülangi, jiüshi hatü eela neshiüi nyupa, am hatü Kahvangao ha denbü nyüke.

1 THESALONIKA 5:22

ten lemphü kübü yanei nyutuh.