MATHI 10:1 - DAÜLANGPÜ LAIHING (BSI)

¹ Hapheikü Jisui büpalei nanglom anpünyi nyükei jomphong kü mang laanghathü changhen, dinlem hatü tüngpü lemphü meihen wong shuoh.

MATHI 10:1 Iomraidhean Croise

MATHI 19:28

Jisui jomphong kü, “Ngei amphong kü shahhing eshah, dou peü ja leipü mü mechem Shennyak Ha laophülei müknyinshekhangpü ong uoshing kü uohen, am üami ngei phei mütepa, hathüi ong uoshing anpünyi kü uotü Israel phang anpünyi kü shahphenhen.

MATHI 26:20

Mechem om dhüpa, büpai anpünyi mü chemi uo;

MATHI 26:47

Mechem büpa shah eyei nyupa, anpünyi khong kübü hük Judas pei. Büpa mü khongnyü longpü hük yanlu hatü miyaung notü ngongpathü hatü behethü khong kübü peiteke.

MATHI 4:23

Jisui Galil peü thümei Sinagoglei nyuh-ei, hatü ongching jung shahjangmei chongvenei lemphü dinlem meihüei hatü nanglakthü khongkü tüngpü lemphü meihüei dai.

MATHI 6:13

Nüngi ham shüveipülei temühü, shejao nemeipü leipü ham yangtuh. Mehenangkü ongching ngan, hatü müknyinshekhang düngei nüng lompü vaituh.” Amen.

MATHI 9:35

Hapheikü Jisui chingnyü chingha peülei daiyei jomei Sinagoglei nyuh, hatü ongching jung shahjangmei baongei, din lemphü hatü tüngpüthü meihüei dai.

MATHI 9:38

hanangkü hah vethen shingvaishi hah vetbü Shembüpa kü nanglak shomhen phoptuh” shei e.

LUK SHAHSHA APPÜ 10:19

Veituh, ngei amphong kü biü hatü yiüjikaungkang, hatü vepathülei ngan peü shak kü la-i shouphen wong shuohtepih, hatü mepaiyao am kü ma neshahühen.

LUK SHAHSHA APPÜ 21:15

mehenangkü ammei vepa üamiyao am mü nekhangteihen nevaijü shah nedakteihen mü ngei am kü shahthü hatü kihikon shuohhen.

LUK SHAHSHA APPÜ 24:49

Veituh, ngelei Pa-i mehe lah, ha ngei am kü shomhen; hanangkü amphong shangeipü ngani am kü mangbak thahshi chingnyülei nyutuh” shei e.

LUK SHAHSHA APPÜ 6:13

Mechem dhom ngoipa, büpai laophülei nanglomthü nyük, hatü jom anpünyi je; büpai jomphong kü phongshanthü shei men.

JOHAN 17:2

Nüngi büpa kü shuohpüthü peü kü yangnyuyem shuohhen shingvaishi nüngi hangkuthü peü shak kü büpa kü wong shuohteke.

JOHAN 3:27

Johani, “Vangsho leipü shuohpü nevaipheikü üpaiyao meheyao nedangaokpih” shei e.

JOHAN 3:35

Pa-i Ha kü bampü nangkü lemphüli büpalei lak kü shuohteke.

JOHAN 6:70

Jisui jomphong kü, “Ngei am Anpünyi neje-angpü je? Shejao amphong khongkü hükü kahshih nyüke!” shei e.

PHONGSHANTHÜ DOU 1:8

Shejao mechem Laangha Daülangpü am kü peikahen, ammi ngan yahhen, hatü amphongü Jerusalem, Judea hatü Samaria peü kü hatü kahdoknyü dohpü ngoishi ngelei denbüthü vaihen.”

PHONGSHANTHÜ DOU 19:15

Shejao mang laanghai jom kü, “Jisu, ngei nyingnyeih hatü Paulao ngei nyingnyeih, shejao amphong üpaang?” shei jangei e.

SHAKEI VAMPÜ 12:1

Vangsholei nenyingaokbenüng nyangeihepü hük vam: Nyüha hük vanghenyü ow kei owtü, lennyü pinnyülei la phangei, hatü pinnyülei shangjingei litha anpünyi yah-ei athen thentü vamteke.