MATHI 1:12 - DAÜLANGPÜ LAIHING (BSI)

¹² Babylon wüpküpei deipheikü: Jekoniah-ü Salathielei chepa, Salathielü Zerubbabelei chepa;

MATHI 1:12 Iomraidhean Croise

2 ONGPATHÜ 24:14

Büpai Jerusalem am kemei: lakchongbüthü, veshanthü peü hatü lahhinei dou dükaokpüthü peüshep haja an thahshi wüpküpei deilang. Peü mü taopathü mon Judahlei nedeihah-i tuhphong.

2 ONGPATHÜ 25:27

Judah am Jehoiakin ongpa wüpküpei küpshi nyupü bong hapüanpünyetpabü len anpünyi, nyih hapünyetpabü kü Evil-Merodakh-i Babylon kü ong vaiyei chongpangpü bong Judah am Jehoiakin ongpa khoklat leipü veteke.

1 SHÜPPÜKENGPÜ 3:17

Hathüyü Jehoiakinei hühihathü Babylon ami wüpküpei müei daipüthü: cheha Shealtiel,

EZRA 3:2

Hahepak kü Jozadakei cheha Jeshua hatü büpa mü jempü ngongpathü hatü Shealtielei cheha Zerubbabel hatü büpa mü jempüthüi Kahvang shennyak Mosa Shahkung kü nyangei nyupükei jakpü moila shuohhen Israel Kahvangei moidü vehen chongpang.

EZRA 5:2

Hahepak kü Shealtielei cheha Zerubbabel hatü Jozadakei cheha Jeshua nyi-i Jerusalemei Kahvangei shem veyei leihen dousho chongpang, hatü Kahvang thibüthü jom mü sheühteiyei nyu.

NEHEMIAH 12:1

Hathüyü Shealtielei cheha Zerubbabel hatü Jeshua nyi mü wüpküp leipü leipü ngongpa hatü Levi am nyüke. Ngongpathü: Seraiah, Jeremiah, Ezra,

JEREMIAH 22:24

Shembüpai Judah amei ongpa Jehoiakimei cheha Jehoiakin kü eteke, “Hingmei ngeiyü vanyangyem Kahvang, nüngü ngelei lakdahphi kü sheppü anguti kei nyulangmao, ngei nüng bhühtükhen.

JEREMIAH 22:28

Hapa Jehoiakinü yaktükpü dükten je? üpaiyao nenapü douten je? Mehekei büpa hatü büpalei hapeüthü jomi nenyingpü kahdokei deishihhen? shei ngei eteke.

JEREMIAH 22:30

Shembüpai hapakei enyüke: “Ha shennyakü hapeü neshiüpükei nyangei tuhtuh. Shennyak hük laophülei nyih kü uoshing jeihen neshiüpü; Mehenangkü büpalei hapeüthü üpaiyao David ong uoshing kü uohen nevamhen, hatü Judah kü shao vanglem nelemhen.”

JEREMIAH 27:20

Babylon ongpa Nebukadnezzari Jerusalem leipü Babylonei Jehoiakimei cheha Judah ongpa Jehoiakin mü lebü Judah hatü Jerusalem kü mübüthü wüpküpei deishingkü büpai hathü koei nedai.

HAGGAI 1:1

Darius ongpai Persia kü vanglem lempü bong nyi mü lenyang vokpabü shongpü nyih kü Haggai thibü homei Shieltielei cheha Zerubbabel, Judah amei governor, hatü Jehozadakei cheha Joshua ngongchong touei Shembüpalei shah hapakei pei:

HAGGAI 1:12

Hahepak kü Shieltielei cheha Zerubbabel, Jehozadakei cheha Joshua ngongchong, hatü Babylon leipü leipü nanglakthü peü Shembüpa, jomei Kahvangei ngeü hatü Haggai thibülei shahjang ven bang; mehenangkü Shembüpa, jomei Kahvangi büpa shom, hatü nanglakthüi Shembüpa kü nyemteke.

HAGGAI 1:14

Hanangkü Shembüpai Judah amei governor, Shieltielei cheha Zerubbabel, Jehozadakei cheha Joshua ngongchong, hatü aopü nanglak peüei laangha monghumhüteke. Jom thaiyei Shembüpa, jomei Kahvangei shem,

HAGGAI 2:2

Shieltielei cheha Zerubbabel, Judah amei governor, Jehozadakei cheha Joshua ngongchong hatü aopü nanglakthü kü hei etuh.

HAGGAI 2:23

Shembüpai enyüke: “Hapa nyih kü ngei nüng yahhen, Oh Zerubbabel, ngei chongphobü Shieltielei cheha, shei Shembüpai enyüke, hatü ngei nüngü ngelei anguti hük keiha leihühen; mehenangkü ngei nüng jetepih shei Jeiyong Kahvangi enyüke.”

MATHI 1:11

Josiah-ü Jekoniah hatü büpalei chenaüthülei chepa nyuteke. Hahepak kü nanglakthü Babylon wüpküpei deiteke.

MATHI 1:13

Jerubbabelü Abiudlei chepa, Abiudü Eliakimei chepa, Eliakimü Azorlei chepa;

MATHI 1:17

Hapakei Abraham kübü David thahshi denshem anpüali; David kübü Babylon wüpküpei daipü thahshi denshem anpüali; hatü Babylon wüpküpei daipü kübü Khrista thahshi denshem anpüali nyuteke.

LUK SHAHSHA APPÜ 3:27

Jodayü Joananei ha, Joananü Rhesalei ha, Rhesayü Zerubbabelei ha, Zerubbabelü Shealtielei ha, Shealtielü Nerilei ha,