MATHI 1:1 - DAÜLANGPÜ LAIHING (BSI)

¹ Hapayü Abrahamei cheha David, Davidei cheha Jisu Khristalei bülem jung nyangpü.

MATHI 1:1 Iomraidhean Croise

KAHBHAO 12:3

Nüng kü moihimanpüthü kü ngei moihimanhen; üami nüng kü thaüvaü ngeiyao jom kü thaüvaühen, hatü kahdoknyü hangkuli peü nüng homei moihiman danghen.”

KAHBHAO 2:4

Vangshothü hatü kahdok lingshingkü nyupü jung: Shembüpa Kahvangi kahdok hatü vangshothü lingpü nyih kü,

KAHBHAO 22:18

hatü nüngei lihilathü homei kahdoknyü jatthü peü moihiman danghen; mehenangkü nüngi ngelei shah bangteke” shei e.

KAHBHAO 5:1

Hapayü Adamei hühihathülei men nyangpü: Mechem Kahvangi hangkuli ling, büpai büpayü Kahvang lepü kü ling.

MENVIH KESHO 132:11

Shembüpai David kü lahpü hük shuoh, hatü hapa lahpü kübü büpa nyokei neleilanghen: “Nüngei büm kübü hapeüthü khong kübü hük ngei ong uoshing kü owhühen.

MENVIH KESHO 89:3

Ngei jelangpü hük mü vangpüshuwpü hük lingteke; ngelei chongphobü David kü lahtüktih.

MENVIH KESHO 89:36

Büpalei ong hean den kü nyuhen, hatü büpalei ong uoshing ngei touei vanghenyü kei nyuhen.

ISAIAH 11:1

Jesse pütüng kübü pünien hük vamkahen, hatü büpalei tünglang kübü Pükao hük vamei betjük jükkahen.

ISAIAH 53:8

Shahhingi nyongpü leitüktü büpa müei dai, hatü üpaiyao büpa nang mong-aaei nedeih. Mehenangkü büpayü yangnyu nyupü kahdok kübü jütük; Ngelei nanglakthüi mang thahpü nangkü büpa kü bheiteke.

JEREMIAH 23:5

Ngei David kü kon kohshi vanglem lemhen, hatü kahdok kü mehe shahhing, hatü jiüpü nyüpa, ha dükhen daülangpü Pükao hük vamhühen nyihthü ngoikünyüke, shei Shembüpai enyüke.

JEREMIAH 33:26

ngei Jakob hatü ngelei chongphobü Davidei hühihathü yaktükhen, hatü ngei Abraham, Isak hatü Jakobei hühihathü shak kü vanglem lemhen büpalei hathü khong kübü hükao nejehen. Mehenangkü ngei jom dahüshehühen hatü jom kü phahjihen.

AMOS 9:11

“Hapa nyih kü, ngei dodaipü David ongching lingei leihen. Ngei hapa leipü bentükpü shinghipheithü lingei leihen, hatü shelei nyupükei ja lingei leihen.

ZEKHARIAH 12:8

Hapa nyih, Shembüpai Jerusalem kü nyupüthü büpalei inyüshungi küpshi yangei tuhhen; jomphong khongkü peü mü wong nekohpübayü David kei nyuhen, hatü David am phangü Kahvang kei, Shembüpalei phongshanü jomei mübü vaihen.

MATHI 1:18

Shaang Jisu Khrista hapakei bühteke: Chenyü Mary kü Joseph shing yiük pheyei nyu; shejao jiji shem mangyem shekü Laangha Daülangpai pinnyüi naü hük anghen mü vam.

MATHI 1:2

Abrahamü Isakei chepa, Isakü Jakobei chepa, Jakobü Judah hatü büpalei chenaüthülei chepa nyuteke;

MATHI 15:22

Hahepak kü hapa shing leipü Kanan am nyüha hük lenyaki vamei, “Ngei kü phahjishih, Shembüpa, David Ha: ngelei yiükha mang laanghai yepei hanghinyüke” shei e.

MATHI 3:16

Jisu baptükhinüng yungeipü vam. Hahepak kü vangsho shaden aptü athuba keiha Kahvang Laangha vangsho leipü yiüei büpa kü bakteke,

MATHI 9:27

Jisu haleipü daishingkü mükphüngpa nyi büpa phei kü, “David Ha, henji kü phahjishih!” shei wong mü lenei mü.

LUK SHAHSHA APPÜ 1:33

Büpai den kü Jakob am phang shak kü vanglem lemhen, hatü büpalei ongching dohpü neshiühen” shei e.

JOHAN 7:42

Laihingi Messiahyü David am phang kübü, hatü David nyupü Bethlehem kübü vamhen shei eyei nenyupü je?

PHONGSHANTHÜ DOU 2:30

Büpayü thibü hük vaipü nangkü büpalei ong uoshing kü büpalei hühiha hük uohühen shei Kahvangi büpa kü lahpü büpai nying.

ROM SHAHSHA APPÜ 1:3

laophülei Ha, phai phikü David kübü phaakpü,

ROM SHAHSHA APPÜ 4:13

Mehenangkü büpai kahdoknyü mükjüp danghen shei lahpeyü Abraham kü nevaijü büpalei hühihathü kü shahkung homei nepei, shejao hinglempü daülangshemshepü homei pei.

ROM SHAHSHA APPÜ 9:5

Hebrew am pathüyü jomei, phai keyü peü shak kübü Messiah-ü jom kübü, Kahvang den kü moihimantuh, Amen.

GALATIA 3:16

Shaang Abraham hatü büpalei li kü lahpüthü ling; “Nüngei lihilathü kü” shei longi nyupükei eyei neshiü, shejao, “Nüngei li kü” shei eyei nyüke, lappai, shennyak hük, hapayü Khrista.

1 TIMOTI 2:5

Mehenangkü Kahvang hük nyüke hatü Kahvang hi hangku aa kü baong kü shapü hük mon nyüke, hapayü shennyak, Khrista Jisu.

2 TIMOTI 2:8

Davidei li kübü Jisu Khrista dipü kübü yangei leipü deih-ei dangtuh; hapayü ngelei shahjangmei;

SHAKEI VAMPÜ 22:16

“Attoithü shingvaishi nüng touei hapa denpü koei vangsho phongshanthü shompeyü ngei, Jisu hih. Ngeiyü Davidei tünglang hatü hühiha, nyapü nepnüng litha.”