MARK 9:12 - DAÜLANGPÜ LAIHING (BSI)

¹² Büpai jomphong kü, “Hingmei Elijah shong peikahen, hatü büpai lemphü temhen. Shejema mekei etü Shennyak Ha longi shangponghen hatü nyonghühen shei lai kü nyangpa?

MARK 9:12 Iomraidhean Croise

MENVIH KESHO 74:22

Yaongtuh, Oh Kahvang, hatü nüng nang etuh. Kahvang nenyingpüthüi helushoei nüng kü yaüpü deih-ei dangtuh.

ISAIAH 49:7

Yemleipü Shembüpa, daülangpü Israel Kahvangi jatthüi jiühitei yaktükpü vanglem lembüthülei chongphobü kü hapakei enyüke: “Ongthüi nüng eeyei yaongkahen, longthüi nüng eeyei aümei khümhen; Mehenangkü monglemaokpü Shembüpa, daülangpü Israel Kahvangi nüng jepeih.”

ISAIAH 50:6

Ngei kü üppüthü kü ngei dok shaangshuohpeih, hatü ngelei jumum kü shüpüthü kü omdhaong meeshuohpeih; Ngei kü yu-op shaoei eelapüthü kübü ngelei dhenejolang.

ISAIAH 52:14

Büpa eeyei shennyakthü longi thamateke, hangku keiyao nevai-i büpa longi dheshihlaümangshi, hatü büpalei shaohi-ang, hangbong nemei-i nyuhampeih.

ZEKHARIAH 11:13

hatü jomi ngei kü yahphopü lat “Phopshemei ngin tuhshingei tuhtuh” shei Shembüpai ngei kü eteke. Hanangkü ngei ngin lop hapüan yah-ei Shembüpalei phopshem lop jaoshingei tuh.

ZEKHARIAH 13:7

“Paotuh, Oh yanlu, ngelei dou dükpü mi yombüthü khüei” shei Jeiyong Shembüpai enyüke. Mi yombü kü bheituh, hatü mithü nyaidaiphahen; Ngei ngelei lak nanglakthü khüei nohen.

MALAKI 4:6

Ngei peiyei ammei kahdok thaüvaü hüki nemahtükhen shingvaishi büpai nyühipathülei mongdang hapeüthü philei, hatü hapeüthülei mongdang nyühipathü philei lephühen.

MATHI 16:21

Hahepak kü pangei Jisui büpalei nanglomthü kü büpa Jerusalemei daihen, hatü behethü, ngongpathü hatü shahkung nyuhbüthülei lakmongei longi shangponghen, hatü jühen hatü nyih jempabü kü yangei leihen shei ehen chongpang.

MATHI 26:24

Shennyak Hayü büpa nang nyangei nyupükei lüdaihen, shejao üpa homei Shennyak Ha luhahhenshang onyükei! Büpa shingvaishiyü nebühpü-üng meipüba” shei e.

MARK 10:33

“Veituh, jenphongü Jerusalemei aongnyu khih, hatü Shennyak Ha ngongpathü hatü shahkung nyuhbüthü kü lanei shuohhen, hatü jomi büpa jühen shingvaishi nyonghühen; hapheikü jomi kung amei lak kü lanei shuohhen;

MARK 9:13

Shejao ngei am kü enyeih, nyangei nyupükei Elijah yiüteke, hatü büpa kü jomi dükhüpükei dükteke” shei e.

MARK 9:31

mehenangkü büpai büpalei nanglomthü kü, “Shennyak Ha hangkulei lak kü lanei shuohhen, hatü jomi büpa jühen, hatü jüpheikü nyih jem angtü büpa shao yangei leihen” shei nyuh-ei eteke.

LUK SHAHSHA APPÜ 1:76

Hatü nüng keyü, ngelei hapeü, Chaipübalei thibü shei nyükhen; mehenangkü nüngi Shembüpa shekü büpa shing lem temnüng daihen,

LUK SHAHSHA APPÜ 23:11

Herodi dangkao büpalei veshanthü mü büpa nyonghü, hatü yaüeilungei e; hapheikü büpai büpa kü bhagthuh meipü hük thuhhütü Pilat touei nyokei shom.

LUK SHAHSHA APPÜ 23:39

Büpa mü shophang kü appü ten dükpü shennyak hüki büpa kü thaüvaüei, “Nüngü Messiah nevaipü je? Nüng yangtü henjiyao yangshih!” shei e.

PHONGSHANTHÜ DOU 1:6

Hanangkü mechem jomphong chemi peipa, jomi büpa kü, “Shembüpa, nüngi Israel am kü ongching nyokei shuohhen ha hepak je?” shei phe.

PHONGSHANTHÜ DOU 4:11

Hapa Jisu-ü, ‘am shem vepüthüi yaktükpü yaong, shongnyü shemshouk yaong leiteke.’