MARK 8:2 - DAÜLANGPÜ LAIHING (BSI)

² “Ngei khong kü shinshangei deihnyüke; mehenangkü jomphong shaang thahshi nyih jempabü ngei mü nyunyu khih, hatü hahhen meheyao neshiü.

MARK 8:2 Iomraidhean Croise

1 ONGPATHÜ 19:6

Büpai yaakei leiyei veishuohjü büpalei shangjing touei yaongsham shangei lingtükpü aan hük, hatü yungshong kü yung shihtü chongjateke. Büpai hapa hahyingtü shao lemdai.

MENVIH KESHO 103:13

Pa-i hapeüthü kü kenpü keiha, Shembüpai büpa kü nyempüthü kü bamnyüpeih.

MENVIH KESHO 145:15

Peüei müki nüng kü veinyeih, hatü nüngi hepak jiüpü kü jom kü hahying shuohnyeih.

MENVIH KESHO 145:8

Shembüpai phahjinyeih, hatü shinshangei deihnyeih; mongshihhen yung mü, hatü bampü kü changshishashi nyüke.

MIKA 7:19

Nüngi shao chem ham kü phahji huphahen; nüngi hamei mang nüngei labha-i shouptükhen, hatü yungching ilangmongei hingtükhen.

MATHI 14:14

Mechem büpa yungkungei heihpa, büpai khongnyü longpü ee, hatü büpai jom kü shinshangei deih, hatü jom tüngpü meihü.

MATHI 20:34

Hanangkü Jisui shinshangei deihtü jijilei mük kü hong. Lak mü leihshi jiji mük ee, hatü büpa phei mü.

MATHI 9:36

Mechem büpai khongnyü eepa, büpai jomphong kü shinshangei deih; mehenangkü jomphongü ponghahpü hatü sheühbü neshiüi mi yombü neshiüpü mithü kei nyuteke.

MARK 1:41

Jisui shinshangei deih, hatü büpalei lak deiyei büpa kü haongtü, “Ngei mongnyüpeih, nüng meidaituh!” shei e.

MARK 5:19

Shejao Jisui nemong, hatü büpa kü, “Nüngei küphüthü touei shemei leituh, hatü Shembüpa i meshük thahshi nüng kü dükpa, hatü büpai nüng kü phahji hupa, ha jung etuh” shei e.

MARK 6:32

Hanangkü jomphong mon ai hük kü uotü vüngmakpü shing yemei dai.

MARK 6:34

Büpa yungphaang ngoijajü khongnyü longpü hük büpai ee, hatü büpai jomphong kü shinshangei deih; mehenangkü jomphongü mi yombü neshiüpü mithü kei nyuteke, hatü büpai jomphong kü douthü longi nyuhhen chongpang.

MARK 8:3

Aeidaitü ngei hathü jomei shemei leishihjema, jom lemei shomeiyinghen; haneiyü tailu leipü peiküpü khih” shei e.

MARK 9:22

Hapai düngei büpa jütüknüng shei aw kü shühü, hatü yungei shüktüknyüke. Nüngi lemhük dangkao dükaokjema, ham kü shinshangei sheühshih” shei e.

LUK SHAHSHA APPÜ 15:20

Hanangkü büpa layaongei chepa touei lei. Shejao büpa tailei nyushi-üng chepai büpa eeyei shinshangei deih, hatü büpa mokei heih-ei büpa kü khaaitü ju kü jüp.

LUK SHAHSHA APPÜ 7:13

Mechem Shembüpai pinnyü eepa, büpai pinnyü kü mong nemei-i deih, hatü pinnyü kü, “Tethep” shei e.

HEBREW 2:17

Hanangkü lemphü phikü büpayü laophülei jeihinaü hatü nyahinaüthü kei leihen mü vam, shejüang nanglakthülei mang tükhen shingvaishi jakpü moila leihen büpayü phahji kohpü hatü hingshangpü Kahvang chongphopü dousho kü ngongchong leihen mü vamteke.

HEBREW 4:15

Jen wong nekohpü kü phahjiyei neaokhen mü jenei ngongchong neshiüpih, shejao jenphong kü keiha shejao mang neshiüi lemphü kü dokpü pongtükpü ngongchong hük nyüpeih.

HEBREW 5:2

Mehenangkü büpaiyao wong nekohpü am vaipü nangkü büpai nenyingpü hatü lemnyongei daipüthü mü inyainyemi eteiaoknyeih;