MARK 4:19 - DAÜLANGPÜ LAIHING (BSI)

¹⁹ shejao yangnyu chudeih mongshang, mopi yawhpüyangpü hatü peikahen lebü douthü deihpü peinyüke; hapai shahjangmei lümlangtü betjük nejüki leitüknyüke.

MARK 4:19 Iomraidhean Croise

KANDOK 23:4

Nüng nyingi shemmei leihen tekhe; ha kübü shounglanghen mü kon kohtuh.

KANDOK 23:5

Chem mon eetü hayü nyadaihen; mehenangkü ha kü yang kohtü alang kei phumshangei pidaiphahen.

CHONGVENBÜ 4:8

Hepak hük kü shennyak hük büpa monha, hapeü hatü jeihinaü neshiüi nyu. Büpai mechemao nedoh-i dou mon dük, shejao büpai büpa angpü mop kü mükmong nema. “Üpa kü ühnüng ngei hajükjük dou düknya, ngei mongongshi nyuhen neaoki mehekei ngei nyunya?” shei büpai phehahteke. Hapayao angsha hatü mongmangbenüng dousho khih.

ISAIAH 5:2

Büpai kahdok shotü yaongphaang peü yaktüktü peü mü meipü nyalingngupai sheiphong. Büpai hapa jiam kü shangdü hük dak, hatü nyalingngupai jiü bhithen shingao ling. Büpai halei nyalingngupai jükjahen shei ongyang, shejao phaü ngupai jükteke.

ISAIAH 5:4

Ngei ngelei nyalingngupai kah kü dükpü mü lenei ngei mehe nyeinya dükhenang? Ngei nyalingngupai meipü jükkahen shei ongyangjü, mehekei hapa kü thiokpü phaü ngupai jükpa?

MATHI 13:22

Hüh chi kü vüpü sheiliyü ha hih; hanei ami hapa shah dannyüke, shejao kahdok yangnyu chudeih mongshang hatü mop vaüpai hapa shah lümtükhünyeih hatü betjük nejüki leidainyeih.

MATHI 19:23

Hapheikü Jisui büpalei nanglomthü kü, “Hingmei ngei am kü enyeih, shemmeipa hük vangsho chingei shühenü wongshi nyüpeih.

MATHI 3:10

Shaangao pü chongei ay haüshi nyüke; betjük meipü nejükpü pü agtükhen hatü awbhaong kü shüktükhen” shei e.

MARK 4:18

Shao lebüthüyü hüh chi kü vüpü li keiha shahjangmei dannyüke,

LUK SHAHSHA APPÜ 10:41

Shejao Shembüpai pinnyü kü e, “Martha, Martha, nüngü dou longi nyupü nangkü mongshangei nang nekongi nyunyüke;

LUK SHAHSHA APPÜ 21:34

“Lishi nyutuh, hei nevaijema mop dameihupü, yiü chokpü hatü yangnyu mongshangi ammei mong vihhen, hatü hapa nyih nüngi nenyingpü kü taikoni keiha nüng manlanghen.

JOHAN 15:2

Ngei kü nyupü betjük nejükpü kaothü büpai langtüknyeih, hatü betjük jükpü kao shao nyeishi jükhen shingvaishi büpai hapa kao daütüknyeih.

ROM SHAHSHA APPÜ 12:2

Ammi hapa kahdoknyü kü tevukdai shejao ammei mong ja leipai jeilei yeiyatuh, shejüang Kahvangi mehe mong, mehe mei, mehe yah-aokbenüng hatü changpüshapü nyüpa, ha baong hanei nyingaokhen.

EPHESIA 2:2

hatü ha kü am nyuei, kahdoknyü mang lem kü müei, phumshang leipü ngan kü vanglem lembü phei müei nyu; hapa laanghai shaang ven nedanpüthü kü dou düknyüke.

EPHESIA 6:12

Mehenangkü jenei vehokü iy hatü phai vepathü khüei nevai, shejao vanglem lembüthü khüei, yemya yapüthü khüei, hapa shangmang den kübü kahdoknyü nganthü khüei hatü vangsho shangeipü nemeipü laangha wongthü khüei hoknyüpeih.

PHILIPPI 4:6

Menüng kao am mongtok tevai, shejao lemphüli kü phoppai hatü yüpai menvih shuohpü mü ammi yüpü Kahvang kü nyinghütuh,

1 TIMOTI 6:17

Shaangpü kahdoknyü kü nyupü shemmeithü kü nechangmeihen, nevaijü shaang nyutü nenyuhen mop kü mongnelemhen etuh, shejao jen hüshemhen shingvaishi lemphü mop changshi shuohpü Kahvang kü monglemhen etuh.

2 TIMOTI 4:10

mehenangkü Demas-i kahdoknyü bampü nangkü ngei tuhphongtü Thesalonikalei heihdaiteke. Krescens-ü Galatialei, hatü Titus-ü Dalmatialei heihdaiteke,

2 PETER 1:8

Mehenangkü hathü meipü ammei vaihüjema hatü am mü nyeinya dahüjema, hathüi jenei Shembüpa Jisu Khrista nyingpü kü am wong nekoh-i hatü betjük nejüki neleihühen.

JUD SHAHSHA APPÜ 1:12

Jomü ammei bambhaong kü kawhikang; maaniyao nenyemi am mü hahyingnyüke; jom mon moh-ei hahpü miyombüthü nyüke. Jomphongü vanglüki maoei deilangpü vang neompü phum; jomü bhitükpü betjük nejükpü ünyüdok pü, nyipa didaipü.