MARK 3:5 - DAÜLANGPÜ LAIHING (BSI)

⁵ Büpai jomphong kü mongshih-ei shineileyei vei; jom mong vaanpü eeyei büpa mong kü tüngei hapa shennyak kü, “Nüngei lak lantuh” shei e. Büpai lak lan, hatü ha meidaitü nyu.

MARK 3:5 Iomraidhean Croise

KAHBHAO 6:6

Kahdoknyülei büpai hangku lingei tuhpü nangkü Shembüpa mongshang, hatü büpalei mong kü tüngteke.

1 ONGPATHÜ 13:6

Jeroboam ongpai hapa Kahvang shennyak kü, “Shembüpa nüngei Kahvang kü ngelei lak meihen shingvaishi phopshih” shei e. Hanangkü hapa Kahvang shennyaki Shembüpa kü phop, hatü ongpalei lak sheleipü keiha meidai.

NEHEMIAH 13:8

Hanangkü ngei longi mongshih-ei shemongeipü Tobiahlei dou kemei yaktükpeih.

MENVIH KESHO 95:10

Bong pinyi thahshi ngei ha hühihathü tuhphongpeih, hatü “Jomü mong nyongnyongi lüdaipü nanglakthü, hatü jomü ngelei lem nenyingpüthü” shei epeih.

MATHI 12:13

Hapheikü büpai hapa shennyak kü, “Nüngei lak lantuh” shei e. Büpai lak lanshingkü lebü kei meidai.

MARK 3:4

Hahepak kü büpai jomphong kü, “Sabbath nyih mei dükhen hi ten dükhen, nevaijü yangnyu hük yanghen hi jühen shahkungi mongpa?” shei e. Shejao jomphongi nenmü nyudai.

LUK SHAHSHA APPÜ 13:15

Shejao Shembüpai büpa kü, “Am akhümmong-ümthü! Am peüi Sabbath nyih yung yinghen shingvaishi khaok leipü mohoh hatü gadu sheyei nedeinyu je?

LUK SHAHSHA APPÜ 17:14

Mechem büpai hathü eepa, büpai jomphong kü, “Amphong daiyei ngongpathü kü hueishuoh” shei e.

LUK SHAHSHA APPÜ 6:10

Büpai jom peü kü yaakeileyei veitü büpai büpa kü, “Nüngei lak kaangtuh” shei e. Büpai hapakei dük, hatü büpalei lak meidai.

JOHAN 9:7

büpa kü, “Daiyei Siloam yungyenei paütüktuh” shei e. (Hapa lappü, Deishihpü). Hapheikü büpa daiyei paütüktü mük eeyei shemei lei.

ROM SHAHSHA APPÜ 11:25

Hanangkü jeihinaü hatü nyahinaüthü, am meheshang, ha mü lenei am nahpeih shei nechangmeihen shingvaishi ammi hapa shahjo nenyingi nyemtenyu shei ngei deihnyüke. Israel am hanei kü mong vaanhen peipeyü denshing nevai, shejao Kung am peü mangpei thahshi mon.

2 KORINT 3:14

Shejao jomei mong vaanei leiteke, hatü shinnyih thahshi mechem jomi hapa vangteipü chang iehenshang hapa aihük ashaki jümlangnyüke. Hapa ashakü shennyak hük Khrista kü nyujü mon tük-aokhen.

EPHESIA 4:18

Jomei danaokpü kon shangmang leidai, jom nelinehapü hatü mongdang vaanpü homei Kahvangi shuohpü yangnyu kübü yandaiteke.

EPHESIA 4:26

Mongshihtuh, shejao mang tethah; am mongshihpai vanghenyü teshüshih,

EPHESIA 4:30

Angei leipü nyih shingvaishi am kü füoshang shüngpü Kahvang Laangha Daülangpü mongtemanghü.

HEBREW 3:10

Hanangkü ngei hapa hühihathü kü mongshihpeih, hatü ‘Jomei mongdang düngei lemnyong kü dainyüke, hatü jomi ngelei lemthü nenying’ shei ngei epeih.

HEBREW 3:17

Hatü üam kü büpai vangbong pinyi thahshi mongshihpa? Hathüyü mang thahtü jahpanei dipüthü nevaipü je?

HEBREW 5:9

hatü büpa changpüshapü leihütü, büpayü büpalei ven danpüthü peü shing nedohnetenpü yemleipü shuohbü lei,

SHAKEI VAMPÜ 6:16

hatü jomi kahshang hatü yaongnyüthü kü nyüktü, “Ham kü vüei shükshih, hatü ong uoshing kü uopübalei dhe kübü, hatü Mi Cheha mongshihpü kübü ham jolangtuh.

SHAHPHENBÜTHÜ 10:16

Hanangkü jomphong jom toueipü kung amei kahvangthü yaktüktü Shembüpa kü khüm, hatü büpai Israel am ponghahpü kü veishi nenyuaok.

1 SAMUEL 20:34

Jonathani nyih nyipabü kü mongshih-ei meheyao nehah-i yaongei lüdai; mehenangkü chepai David kü veüshi dükpü nangkü büpa longi mongshang.