MARK 2:26 - DAÜLANGPÜ LAIHING (BSI)

²⁶ Abiathari ngongchong vaipü hepak kü büpai Kahvangei shemei shüei Kahvang kü shuohpü moila ngongpathü mü lenei üpaiyao ha hahhen shahkungi nemongpü moila büpai hahtü shao büpalei küphüthü kü shuohpeih” shei e.

MARK 2:26 Iomraidhean Croise

2 SAMUEL 15:24

Ngongpa Zadokao halei nyu, hatü Levi am kemei büpa mü Kahvangei Vangpüshuwpü Pela paitü dai. Nanglakthü chingnyü leipü vamei mangdaikem thahshi Kahvangei Vangpüshuwpü Pela haüshi ang. Abiathar-ao halei haoshi nyu.

2 SAMUEL 15:29

Hanangkü Zadok hi Abiathar nyi Kahvangei Vangpüshuwpü Pela kotü Jerusalemei leiyei nyu.

2 SAMUEL 15:35

Zadok hatü Abiathar ngongpa nyi halei nüng mü nyukahen. Hanangkü nüngi mehe mehe ongpalei shemei eteipü danhenshang Zadok hi Abiathar ngongpa nyi kü eyeishuoh.

2 SAMUEL 20:25

Shevayü laknyangbü vai; Zadok hi Abiathar nyi-ü ngongpa vai,

2 SAMUEL 8:17

Ahitubei cheha Zadok hatü Abiatharlei cheha Ahimelekh nyi ngongpa vai; Seraiah-ü laknyangbü;

1 ONGPATHÜ 1:7

Büpai Zeruiahlei cheha Joab, hatü ngongpa Abiathar nyi mü shah show, hatü jiji-i Adonijah kü sheüh.

1 ONGPATHÜ 2:22

Solomon ongpai chenyü kü jangei, “Mehekei nüngi Adonijah kü Shunam am Abishag shuohtuh shei enya? Nüngi büpa shingvaishi ongchingao yühen vaipü je? Büpayü ngelei ojei; büpa shing mon nevai shejao ngongpa Abiathar hatü Zeruiahlei cheha Joab shingao yütuh” shei e.

1 ONGPATHÜ 4:4

Jehoiadalei cheha Benaiah-ü veshan mübü shopü; Zadok hi Abiathar nyiyü ngongpa;

1 SHÜPPÜKENGPÜ 24:6

Levi am Nethanelei cheha Shemaiah nyangbüi hathülei men nyang. Ongpa, büpalei lakchongbüthü, ngongpa Zadok, Abiatharlei cheha Ahimelekh, hatü ngongpathü hatü Levi am shemdepthü kübü shangjingthü peüi denpü nyuteke. Eleazar hatü Ithamar nyilei hühihathüi jeiteiyei phongyomei jeteke.

MATHI 12:4

Büpai Kahvangei shemei shüei ngongpathü mü lenei büpa hatü büpalei küphüthüi hahhen shahkungi nemongpü daütükpü moila hahying hahteke.

MARK 2:25

Büpai jomphong kü, “Mechem David hatü büpalei küphüthüi aeiyei hahying yempa, büpai mehe dükpa ha amphongi ne-ieangpü je?

1 SAMUEL 21:1

David Noblei nyupü ngongpa Ahimelekh touei pei. Ahimelekh-i kheüyaki büpa mü heüteiyei, “Nüng monha mekei peiküpa? Nüng mü mehekei üpayao nemüpa?” shei phe.

1 SAMUEL 23:6

Mechem Ahimelekhei cheha Abiathar laongei daiyei Keilahlei David touei peipa, büpai bhagthuh hük noei peiteke.

1 SAMUEL 23:9

Mechem Sauli büpa jühen temnyüke shei Davidi danpa, büpai ngongpa Abiathar kü, “Bhagthuh deikei” shei e.