MARK 16:16 - DAÜLANGPÜ LAIHING (BSI)

¹⁶ Üami hinglem, hatü baptük, jom yanghen, shejao üpai hingnelem nyonghühen.

MARK 16:16 Iomraidhean Croise

MATHI 28:19

Hanangkü daituh, jatli peü nanglak leihütuh; Pa, Ha hatü Laangha Daülangpü men kü jomphong yung kü hüngtuh,

MARK 1:15

hatü, “Hepak ngoiteke, hatü Kahvang ongching yopailei nyüke; mong lepei shahjangmei kü hinglemtuh” shei e.

LUK SHAHSHA APPÜ 8:12

Lemei vüpü sheiliyü ha danpüthü; hapheikü kahshih peiyei jomei mongeipü ha shah yah-ei lüdainyüke, hanangkü jom hingnelemhen hatü neyanghen.

JOHAN 20:31

Shejao hathüyü ammi Jisu-ü Messiah, Kahvang Ha shei hinglemhen, hatü ha kü hinglempü homei ammi büpalei men kü yangnyuyem danghen shingvaishi nyangnyüpeih.

JOHAN 3:36

Üami Ha kü hinglem, yangnyuyem nyüke, üami Ha kü hingnelem, yangnyuyem nedanghen shejao Kahvang mongshihpü heühen.

JOHAN 3:5

Hingmei mü ngei nüng kü enyeih, shennyak hük yung hatü Laanghai nebühpheikü mekei etao vangsho ongchingei shününg neaok.

JOHAN 5:24

“Hingmei mü ngei am kü enyeih, üpai ngelei shah banghen hatü ngei shompüba kü hinglemhen yangnyuyem nyüpeih, hatü shahphenpülei nepeihen, shejao dipü kübü yangnyuyem touei lüdaiteke.

JOHAN 6:29

Jisui jomphong kü, “Büpai shompü üpa nyüpa, büpa kü hinglemtuh; hapayü Kahvangei dou hih” shei e.

JOHAN 6:35

Jisui jomphong kü e, “Ngeiyü yangnyuyem hahying. Üami ngei touei pei, mechemao ne-aeipih, hatü üami ngei kü hinglemnya mechemao yung nelepih.

JOHAN 6:40

Üami Ha ee, hatü büpa kü hinglemnya, vanyangyem danghen, hatü dohpü nyih kü ngei yangei leishihhen hapayü ngelei Opai-i mongpü nyüke.”

JOHAN 8:24

Ammei mang kü am dihen hih shei ngei am kü etepih; ammi ngeiyü büpa shei hingnelempü thahshi amphongü ammei mang kü dihen” shei e.

PHONGSHANTHÜ DOU 10:43

Üpai büpa kü hinglem, büpalei men kü mang tükpü danghen shei thihivamthü peüi büpa jung denpü shuohnyüke.

PHONGSHANTHÜ DOU 13:39

Mosa shahkungi dah neshakhüaokpü lemphü kübü hinglempüthü peü büpa homei dah shaknyüpeih.

PHONGSHANTHÜ DOU 13:46

Hahepak kü Paul hi Barnabas nyiphen mong longei e, “Kahvangei shah am kü shong ehen nadang vaipeih. Shejao ammi ha yaktüktü yangnyuyem danghen ham nechang shei am nyingi shahphenpü nangkü shaangü hami Kung am touei lüdainyeih.

PHONGSHANTHÜ DOU 2:38

Peteri jomphong kü, “Amphong mong leptuh, hatü am peüi Jisulei men kü yung kü hüngtuh, shejüang ammei mang tükphahen, hatü amphongi Laangha Daülangpü thintho danghen.

PHONGSHANTHÜ DOU 2:41

Hanangkü üami büpalei shahjangmei yah, yung kü hüngteke, hatü ha nyih jomphong mü nanglak haja jem hükshing üteke.

PHONGSHANTHÜ DOU 22:16

Mehekei nüng pheinya? Layaongtuh, baptüktuh, hatü nüngei mang paütüktü büpalei men kü nyüktuh” shei ephopeih.

ROM SHAHSHA APPÜ 3:6

Mechemao hapakei nevai! Kahvangü shahhing nevaijema, mekei etü büpai kahdoknyülei shahphenaokhen?

ROM SHAHSHA APPÜ 4:24

shejao jen shingvaishiyao khih. Büpai Jisu, jenei Shembüpa dipü kübü yangei leishihpeih shei üami büpa kü hinglemhen, jen kao hapakei ieyeilemhen.

2 THESALONIKA 1:8

Hapayü Kahvang nenyingpüthü hatü jenei Shembüpa Jisulei shahjangmei nebangpüthü kü bhüh yemhen.

2 THESALONIKA 2:12

shejüang shahhing kü hingnelempüthü shejao mang kü mongongpüthü nyonghühen.

1 PETER 1:21

Üpai büpa dipü kübü yangei leishih, hatü büpa müknyinshekhanghü, büpa homei ammi Kahvang kü hinglempeih, hanangkü ammi hinglempü hatü monglempü Kahvang kü nyüpeih.

1 PETER 3:21

Hapa yungü shaang am yangpü baptükpü lajei nyüke– hapayü büm kübü mag daüpü nevai, shejao Kahvang touei chudeih mongdeih meipai Jisu Khrista yangei leipü homei vangteipü hük nyüke.

SHAKEI VAMPÜ 20:15

Hapa yangnyu laitap kü men nyangei nenyupüthü hapa aw shemyungei shüktükteke.

SHAKEI VAMPÜ 21:8

Shejao mong nelongpü, hingnelempü, sheihdaipü, shennyak jüpüthü, mükbongjuyungpüthü, phongyompüthü, lajei khümpüthü, hatü shahshem epüthülei shingü awkaong meli kü aw bahpü shemyungei nyuhen; hapayü nyipabü dipü.”