MARK 13:9 - DAÜLANGPÜ LAIHING (BSI)

⁹ Am laophü nyingi lishi nyutuh; mehenangkü jomi am yepei shahphen shingei lanei shuohhen; hatü amphong kü Sinagoglei üpphahen, hatü amphong ngei nangkü denpü shuohhen governor hatü ongthü touei yaonghen.

MARK 13:9 Iomraidhean Croise

MATHI 5:22

Shejao ngei amphong kü ha enyeih, ammi jeihinaü nevaijü nyahinaü hük kü mongshihjema, nüng shahphenhen, hatü nüngi jeihinaü nevaijü nyahinaü hük vüshih-ei, “Nüng yahlak neshiü” shei ejema am shahtapei müei deihen; hatü üami, “Ngapa” shei ehenshang, am molo aw vongshüh kü nyuhen.

MARK 1:44

hatü büpa kü, “Nüngi üpa kao hapa jung te-e; shejao daiyei Mosai epükei ngongpa kü hueishuoh, hatü jom touei meidaipü denpü hük vaishi nüngi moila shuohtuh” shei e.

MARK 13:5

Hahepak kü Jisui jomphong kü, “Amphong üpayao lemnyongei nedaihen lituh.

MARK 13:8

Mehenangkü jati jat khüei, ongchingi ongching khüei vamhen: shingmü shingmü pedi vükpü, hatü münghishaü nyuhen. Shejao hathü peü shangponghen pangpü mon” shei eteke.

MARK 6:11

Shing haneilei am mongongshi yen neyahjema hatü ammi epü kü nebangjema, am leidaishingkü jom khüpü denpü hük vaishi ammei la kübü kübhih kaongphongtuh” shei e.

LUK SHAHSHA APPÜ 9:5

Melei melei jomi am mongongshi neyahhen, jom khüei denpü vaishi am hapa shing kübü lüdaishingkü la kübü kübhih kaongei tuhphongtuh” shei e.

JOHAN 15:20

“Aathüyü shembü mü longpü nevai” shei ngei am kü epü shah deih-ei dangtuh. Jomi ngei kü dangkao shüveijema, am kao shüveiphahen. Jomi ngelei shah bangjema, ammei shah-ao bangkahen.

JOHAN 16:2

Jomi am Sinagog leipü changtükhen. Hingmei, am jüpüthüi hapakei dükpai Kahvang kü khümnyeih shei deihhen hepak hük ngoikünyüke.

PHONGSHANTHÜ DOU 21:11

Ham touei peiyei büpai Paulei shüngshep yah-ei büpalei lakhila kü hapa shatü, “Hapa keiha Jerusalemei nyupü Jehoda ami hapa shüngshep shembü yepei shatü Kung amei lak kü shuohtükhen shei Laangha Daülangpai enyüke” shei büpai eteke.

PHONGSHANTHÜ DOU 7:54

Mechem jomi ha danpa, jomi Stephen kü mongshih-ei bha vükteke.

PHONGSHANTHÜ DOU 9:16

Ngelei men kü büpa meshük shangponghen ngei büpa kü hutepih” shei e.

PHILIPPI 1:29

Mehenangkü hapayü Khristalei men kü hinglemhen mon nevai, shejao büpa shingvaishi shangponghenao am kü shuohpeih.

2 THESALONIKA 1:5

Kahvang shahphenpeyü shahhing shei hapai hunyüke, hatü Kahvang ongching mepa shingvaishi amphong shangpong, hapa kü amphong changpü shei ie-aokhen.

2 JOHAN 1:8

Hami mepa shingvaishi dük, ha nemahtükhen, shejao ammi laklei changshi danghen shingvaishi thaeimaei nyutuh.

SHAKEI VAMPÜ 1:9

Ngei, Johan, Jisu nangkü shüveipü hatü ongching hatü munenpü kü am mü hean yahpü ammei jeihinaü, Kahvangei shah hatü Jisu jung denpü nangkü Patmos shei epü shübaongei nyuteke.

SHAKEI VAMPÜ 2:10

Am mepa shangponghen nyu, ha kü tenyem. Am kü dokhen shingvaishi kahshih-i am hanei yah-ei khoklatei shükhen mü nyüke lituh, hatü nyih an shing am shangponghen. Dipü thahshi hinglemtuh, hatü ngei am kü yangnyu athen shuohhen.

SHAKEI VAMPÜ 2:13

Melei Satan ong uoshing nyu, halei am nyupü ngei nyingnyeih. Shejao ammi ngelei men kü wongshongi shoungnyüke, hatü ngelei denbü Antipas, ngei kü hinglempü hük, Satan nyushing ammei chingnyülei jütükpü nyih kao ammi ngelei men kü hinglempü neyaktük.