MARK 1:5 - DAÜLANGPÜ LAIHING (BSI)

⁵ Judea kahmük hatü Jerusalem kübü nanglakthü peü büpa touei peiyei jomei mang lah-ei Jordan yungyenei baptük.

MARK 1:5 Iomraidhean Croise

MENVIH KESHO 32:5

Hapheikü ngelei mang nüng kü nyinghü, hatü ngelei mang nejolang; Ngei, “Shembüpa kü ngelei mang lahhen” shei e, hatü nüngi ngei pungpü mang tüktükpeih.

KANDOK 28:13

Mang jopü shennyak mechemao moihiman nedangpih, shejao üami mang lahnya, hatü ha nedüknya, jomi phahji dangnyeih.

MATHI 4:25

Galil, Dekapolis, Jerusalem, Judea hatü Jordan yungdang phi kübü khongnyü longi büpa phei mü.

MARK 1:4

Hanangkü Johan baptükbüi jahpanei vamei mang tükpü danghen nangkü mong lepei yung kü hüngtuh shei chongven.

MARK 1:6

Shaang Johanü ut mum thuhtü, phaishuw shüngshep shep, hatü shouk hatü phaü nyahjiü hahteke.

JOHAN 1:28

Hapayü Bethany kahdokei Johani baptükei nyupü Jordan yungdang philei vamteke.

JOHAN 3:23

Johanao Salim yopai-i Aenonlei baptükei nyu; mehenangkü halei yung changshi nyu, hatü nanglakthü nedoh-i pei hatü baptükshuoh.

JOHAN 5:35

Büpayü bahpü hatü nyapü awdük nyuteke, hatü amphong kansho hük büpalei vangngai kü mongongshi nyu.

PHONGSHANTHÜ DOU 19:18

Shao vaipüthü longshi shingi jomi dükpü ngaiheyei eyei pei.

PHONGSHANTHÜ DOU 2:38

Peteri jomphong kü, “Amphong mong leptuh, hatü am peüi Jisulei men kü yung kü hüngtuh, shejüang ammei mang tükphahen, hatü amphongi Laangha Daülangpü thintho danghen.

JAKOB 5:16

Hanangkü hüki hük shing phopteituh, shejüang am meihen. Daülangpüthüi phoppü kü ngan hatü wong kohshi nyüpeih.

JOSHUA 7:19

Hahepak kü Joshua-i Akhan kü, “Ngelei hapeü, Israel amei Kahvang kü müknyinshekhang shuohtuh hatü ngaiyei lahtuh. Nüngi mehe dükpa ha ngei kü eshih; ha ngei kü tejo” shei e.